كلمة للسعوديين 🇸🇦 
كل ما طلع واحد يسيء للسعودية نطلع كلنا نرد عليه
ونحسب إننا ندافع
بس اسمح لي أقولك أيش يصير فعلاً الواحد هذا جالس في بيته عنده حساب ميت
يعرف إن الطريقة الوحيدة اللي تخلي تغريدته تطلع من الظلام هي إن السعوديين يزعلون
فيكتب شي قذر مثلة ويقعد ينتظر
وأول رد سعودي غاضب هو أول ريال يدخل جيبه
وبعد ألف رد صار اسمه معروف وتغريدته في كل جوال وحسابه كبر عشر مرات
يعني حنا بحسن نية بنينا له الجمهور اللي ما كان يحلم فيه بتقولي طيب نسكت ونخلي الإساءة تمر
أقولك الإساءة ما تمر بالرد تمر بالتجاهل
التغريدة اللي ما أحد يرد عليها تموت في ساعتين
والتغريدة اللي يرد عليها ألف سعودي تعيش أسبوع
فهو ما يخاف من ردك يخاف من سكوتك وخلني أفرق لك بين شيئين
واحد يكتب معلومة مغلوطة عن السعودية أو يحرّف خبر
هذا يستاهل الرد والتوضيح بالمصدر لأن الناس تصدقه لو سكتنا
وواحد يكتب تغريدة قذرة مفتعلة ما فيها معلومة ولا حقيقة
هذا ما فيه شي تصححه
فيه شي تتجاهله وإذا كانت الإساءة فعلاً تستاهل فالرد مو تعليق
الرد بلاغ بصمت بدون ما تذكر اسمه ولا تنشر صورته
 الزبدة
المعلومة الغلط تُصحح
والإساءة المفتعلة تُهمل