فَلاح ..

أحبك ولا ملّيت منك ، و كيف أملّ ؟ غرامك غرام و سالفة ضحكتك رحله أنا من عرفتك صرت أردد بـ وجه الكل ما يصلح لي من الناس غيره ولا أصلح له - سلطان الحوالي

شهر زلّ ما خطّ قلْمي فوق خدّ الطَرس تقل ماني اللي سيّل الشعر في عرقه على ما يقول الشاعر احيان خلع الضرس عليّ اهون من البيت قيفانه ، وطرقه قصيدٍ حشمته عن ( تسوّل ) ، و ( شيلة عرس ) يا مكبر مقامه عندي ، ويا كبر فرقه نذرته نذر لـ امّ العيون الوساع الخِرس تشادي عيون اللي عن الصيد مدّرقه لها قفرٍ بصدري عليه الحنايا تِرس محد قد زرق من بينها حيله ، ودَرقه اثر معركة ذي قار بين العرب ، والفُرس ماهي لجل ( هند ) اللي يسمونها ( الحُرقه ) لجل عين من فغيابها لقّنتني دَرس ولـ اليوم ، وانا احس فـ اقصى الحشى حرقه عليها شليلي من دموعي تَرسته تَرس سحابٍ تحنّ رْعوده ، ويلتعج برقه يا وجدي من الفرقا ، ويا مَرْس كبدي مَرس لامن غابت الشمس ، وغدا للسما زُرقه يداهمني الليل العتيم بـ حنينٍ شَرس طويلٍ مداه تْقول ما فـ اخره شرقه واحثّ القدم خابر خميله قديمة غَرس شجرها يدلّه خاطري هودلت ورقِه يهزّ الحنين القلب ، واقول يا ضلع ارس يا لو ما عليه ضْلوع كان انسرق سِرقه

ليالي غيابك أصبحت ما تمّر طْوال والأيام دونك صارت تمّر عادّية بهت كل شي وصارت الذكريات اطلال ولا عاد ذاك الوصل لي ذات أهمّية ما جاب اهتمامي فيك ما جابه الإهمال يجيب القسى ما لا تجيب المحنّية

غمغموها بالنصيب و جفّلوني بالعوايد وأتركوني مع شلافيح الوصل "عايش وميّت" - عبيد فهيد

يوم جاء وجهك صباحٍ فيه ما للضيق داعي جادت الدنيا سلام، وسافرت بالعين قرّة للسّماء قبلة عيونك، لأوَّل دروبك مساعي! لآخرك نجمٍ قديم، وفي وهَج وجهك مجرّة.. كيف أشوفك في فتور من الهوى وأنت اِندفاعي؟ شايفٍ فيك أجمل أيّامي.. ملذّات، ومسرّة. - محمد السلطان

- سؤال اليووم : وشلون يا أغلى من عروقي غديتي سراب ؟ وانا أحسبك كنتّي بتبقين لين المشيب

جادك الغيث يا دارٍ ربا فيك خلّي كثر مَـ افشيت سرّك لـ الهبايب ، وابحته رحت كلّك بلا رجعه ، وانا رحت كلّي يمكن الموت لوْ قدمي يعرّض نطحته عايشٍ في رجا وصلٍ ماهو حاصلٍ لي مابقى باب ما طقّيته ، ولا فتحته الغلا بيننا ماهوب حاجة تغلّي كم خطا من قبل لا تعتذر لي دمحته الأكيد انّي كنت اشعر بـ رفض ، وتخلّي من كِذا رحت عنْك ، وموقفي ما شرحته ليت لي حيلةٍ واحتال في طيفك اللي وين ما لدّت عْيوني بـ دربي لمحته ودّي انساك .. بس شلون ابنساك قلّي وانت من وين مايونس خفوقي جرحته هاك قلبي تقاضى منّه .. ولا تخلّي حاجةٍ في ضميرك باقيه لو ذبحته لا تحنّه ، ولا تاويه واخذه تسلّي اضرم النار في جوفه ، وفوقه ، وتحته انت لـ اشفيت غلّك كنّك اشفيت غلّي استبيح الخفوق ، وعاذرك لـ استبحته - فهد العيبان

وشّتبي زود غير العمر .. عمري واخذته أترك اللي يحبّك للسّهر ، والمساري قد طلبت الله فْراقك ، ومنْك أسّتعذته لا تشوف البشر ضعفي معك ، وإنكساري يا كَسر خاطر اللي من حياتك نبذته لو يكابر على كبر الجروح ، ويداري انت شحّيت بـ إحساسك ، وانا ما شحذته ويوم خيّرتني .. كان الفراق أختياري يمكن يكون هذا أسوأ قرار أتّخذته بس انا لازم اتحمّل نتيجة قراري - فهد العيبان

عودك اللي تثنّايه ضلال و رشاد مال من غيّ ؟ و لاّ مال من موهبة ؟ لمّني بالبياض و فلّني بالسواد حان مسرى جديلٍ ودي اتوه به ليه ابات بحضن ظلماء وأضمّ السُهاد ؟ وأنت شعرك يبات النور في غيهبه

اختلس منك القُبَل واشتهي معك الجنون أجمل اللحظات توخذ من العمر اختلاس

والله أن يبطي وحبّه ورا حدب الضلوع العرب غيره طراقي وهو راعي محل :) - محسن بن مترك

زيديني إهمال ، و تغلّي ، على شان ! لا رحت ، أروح و خاطري منْك طايب _ جطلي بن فهد

ياكثر صورك اللي ما نساها بالي النسّاي لو ان عمري معك مرّت سنينه مثل أسابيعه   حبيبي كيف امرّ بشارعك ما تدري اني جاي ؟ وأنا أعرف الصباح اللي يجيبك من ذعاذيعه   يا سحر آخر قصيدة في عيون الشاعر الغوّاي يا وجه مستعد أعيش عمري في تقاطيعه

« كبرت جداً على عطرك .. وأغانيِّك/ أشوفها ذنب، وانت تشوفها ذكرى! » —معاذ بن عمر العتيبي

مساء الخير ، اما بعد : غالبا اكثر ما يؤثر في الشخص هي الذكريات وتجعله يمر باسوء مراحله النفسيه . يقول عايض العاطفي : من عذاب الذكريات احتاج لي صبر وعزيمه ليت دون الذكريات القاسيه عازل حرارية

خذلكْ الظن يا موهوم لا تشره على الخلان غفت عين العتب من بعد ما سالت دموع اللوم هي الأيام هذا طبعها من سالف الأزمان من المؤسف بعد رغدْ الطموح تْدوّر المقسوم يداويني كلام وفي مُراعاة الشعور إحسان عسى بعض الكلام اللي على هيئة حياة يدوم

اقبل الليل وتجّلا بالسما .. مصباحه تحته الشاعر يخلد بالهوى ملحمته درتً وقـت الرواح استرسلت بالراحه طيرت نومي ونـادمت المسا ما نمته شاعـرً ما هو مواكب بالشعور الساحه يعزف احساسه على رتم الهوى ونظمته مير ماقول الشعر مخزول في مسباحه لا وربي ما انذكر وادي شعر ما همته يـقـدر يغني مع اللي بالغصن نـواحه اغنية شـعـر .. تعلق في نـحـر ملهمته بنت عـودً لاعبت قلبي على ملواحه يكرم الشاعر محاجرها غزل واكرمته بالجديل الفوضوي والنظرة البجّاحه ويل حالي كل ما هل الهلال وصمته مشكلة قلبي .. مايملك قفله ومفتاحه حاول يصيدك وصاده رمشك وسلهمته ياجميله فيك مايوجب علي ايضاحه قبل لايخطي لساني بالأدب .. هندمته "اخطر انواع السلاح النجّل الذبـاحه" ينحني منها الشجاع ويلتزم في صمته ماني ضعيفٍ يسلّم للعيون سلاحه بس لاشفت القـوام المنصهر سلمته - فالح بن غشام

الفراغ اللي تركته في حياتي قولي من غيرك بـ يقدر يسده ؟ قبل مده ما أخاف ولا أحاتي أرجع ورجّع شعوري .. قبل مده انت حبك مرتبط في حب ذاتي أعمق من اعجاب واصدق من موده انت تسع اعشار مجموع امنياتي امنياتي الماضيه والمستجده انت صوتي وابتسامي والتفاتي لـ الحنين اللي ما وقّف عند حده انت تأثير الطبيعه في صفاتي فيك احب بشده او اكره بشده انت مستقبل جديد لـ ذكرياتي والوحيد اللي عجزت اكون ضده انت مثل الموت في ليلة وفاتي لو قدرت احس به ما اقدر ارده -محمد جارالله

مرحبا ما لاح برقك ومقدمك أستهاض .