𝑗𝑎𝑐𝑜𝑜𝑜

لو الكلام ده صح تبقي فضيحه ! في مراسل مصري اسمه إبراهيم عمر، طلع النهاردة وقال معلومه غريبه ، بتخص منتخب مصر. بيقولك إيه بقى؟ بيقولك إن فيه لعيبة كتير من اللي كانوا في كاس العالم، حكوا للي حواليهم إن التعديلات التكتيكية اللي قلبت ماتش مصر ونيوزيلندا في الشوط التاني، دي ماكانتش من دماغ حسام حسن خالص ! أومال من دماغ مين؟ من دماغ محمد صلاح! فاكرين الماتش؟ الشوط الأول كنا تايهين، بنلعب بإمام عاشور جناح شمال، وزيكو جناح يمين، وطالعين خسرانين 1-0 وشكلنا يكسف. نزلنا الشوط التاني، الدنيا اتشقلبت: إمام بقى حر بين الخطوط، وزيكو دخل مهاجم تاني جنب صلاح، ومرموش راح جناح شمال، وهاني وفتوح فتحوا الطرفين خالص.. فجأة بقينا بنلعب كورة بجد! بيقولك اللي رسم السيناريو ده كله هو صلاح، مش العميد. طبعا لو الكلام ده طلع بجد، دي تبقى مصيبة وفضيحة للجهاز الفني، يعني المدير الفني بيعمل إيه على الخط؟! ولو طلع غلط.. يبقى احنا ليه مصممين نقلل من حسام حسن حتى بعد ما مشي وقفلنا الصفحة دي خلاص؟ ليه بنخلي شكله وحش وخلاص؟ انتم شايفين إيه ؟ تصدق إن صلاح هو اللي عمل التعديلات دي؟ ولا العجل وقع فكترت سكاكينه وعايزين يهدو حسام؟