سمح .

سامرت وجه الحياه اللي عطتني عمر حتى بدت تسرق القمراء وتسري بها ماحولي إلا سنا ضوٍ حطبها سمر وأفكاري اللي تقفي بي وأقفّي بها وأطقطق الجمر بالملقاط وأسحب جمر والجمره اللي بجوفي ويش أسوي بها — مشيع بن فهيد

والله إنّ أجيك حتى لو ان دارك بعيد صوب دارك كنّ سلك الحرير يقودني ليه لا ؟ والشّوق يجري مع مجرى الوريد والطواري كلّ يومٍ عليك ترودني؟ مايترجم لك شعوري سوى بيتٍ وحيد كلّ ماينقصني شعور قام يزودني معك أدوّر مايجرّ السوالف والقصيد ومع جميع الناس حتّى الكلام يكودني

حتى ولو مالي على الدنيا شبيه ما راح تفقدني لو انك عفتني وزّعت نفسي فالاماكن والوجيه من وين ما لقيت وجهك شفتني

صباح الخير، وبعد سلامي على المتعامي الواثق اللماح يمرّ الخطا فالدرب ماقص له جرّة

علي حقّ لا قلت القصايد بدون شعور و لك حقّ لا مرّك قصيدي ولا جابك

اتذكر كيف عشت اللي مضى لي من غيا من غيابك لين هذا اليوم والهم اسروي حالتي صعبه وضيقة خاطري قلةحيا منطوي وأحس فيني شي مثلي منطوي من بعد ماكان هذا القلب مرباع أخويا ضاقت الدنيا عليه ولابقى منهم خوي هيه ياللي همس صوتك نور وحروفك ضيا ليت صمتك موت وأشرب من فراقك وأرتوي ودي أدري قبل ما احيا كيف أموت ولا حيا كم تعبت أموت وأرجع مثل خلق اللّٰه سوي يالحقيقه في الزمان الممتلي كذب وريا مابقى لي غير كلمه قبل ما الصوت يهوي أقسم برب البروق اللي كما مبسم هيا أنك أغلى من بكور الوسم في عين بدوي

أشعر بنارٍ تلتهب داخل الجوف مايقدر الماء لو شربته يجيها - خالد مبارك

اذكر انه مر ضيف وراح غالي ):

قبل سْنوات وذكرياته ماتغيب واليوم صار لذكرياته ذكريات - خالد مبارك

الله يذكر ذكراك بالخير .

لا تنسونه من دعواتكم

دفي متون السحايب يامتون الهبوب اللي من الغرب شاقتني ربابينها لين يتمثنى مطرها دار غرو لعوب سنّت على عاتق الاحلام سكينها كانت ملاذ الشعور اللي من اول طروب قدام لاتذهن جروحي على وينها لاقلت ياليت قلبي عن هواها يتوب ردتني الذكريات لـحيني وحـينها وسمر بي الطيف لين يروح صدري لهوب عن ليلة ماـت نصفي بين ثلثينها ساعة وصال من أقسى ماتجيب الخطوب ياشينها ساعة الحرمان ياشينها يوم اقبلت تفلجً ستار الدجى فلج ثوب كن الثريا تبرهـز في حجاجينها والجيد شمس تخضبها يدين الغروب يزيد واهج لهبها ملمس يدينها لاجيت اخلي جليد الشوق فيها يذوب يحرّك الليل كـمه بيني وبينها معتقات الجمال وغانيات الشعوب ماحقق الزين فيهم لو طرف زينها قلت اهمسي لي بشي عن شعورك ينوب وضمّت عـلى كلمة احبك شرايينها عرفتها وادي ان الصمت صمت مغصوب تصدق الاحاسيس لو غيّر عناوينها كلامها اللي ورى باب الضلوع امحجوب يموج مثل السفينه في بحر عينها ناشدتها الله عما في خفاها يجوب وترايب الدمع الاسود فوق خدينها ياليت الأحلام ماكانت سوالف كذوب يوم استلذيت موتي بين كفينها تاهت على مفرق الحيره شفوف القلوب اللي جمعها الغرام وما جمع بينها

الإستسقاء لأرض المحبوب هو أجمل ما قيل في الشعر .

هب الشمال وفزّ بين المحاديب طفل ٍ على خدّه مشاريه وعتاب والبرد شبّع جرد الأيام تعذيب وأنا ضحية برد وأيام وأحباب ياليل مالي غير حضنك معازيب خلك معي لاشحّت وجيه الأصحاب ماعاد هي لحية غرام ومكاتيب لاوالله الا قرّبت صوب الأهداب يابنت يا ام الضحكه أم المعاطيب لاماك ذنب وشاعرك مابعد تاب مرّت ثلاث سنين يا أغلى الرعابيب والريح تشكي للشبابيك والباب مرّت ثلاث سنين بين المراقيب عدّيتها يابنت مرقاب مرقاب في ذمّتي ماعاد أودي ولااجيب حتى الشعر ماعاد ودّى ولاجاب يابنت عندي كلمةٍ تقطع الجيب باقولها لو ماحسبتي لها حساب طرد المقّفي مثل طرد العذاريب وأنا تعبت أبلع مشاريه الأعراب أما تعالي وأقطعي دابر الريب ولا انسي إني كنت انا وانتي أحباب

على ضوحه الراعي يعد الدبش بالراس وعن نوره الغيدا تغطيّ مفاتنها

من ليلة البارح وأنا خاطري ماش مغير أدرّج خطوتي وأتجرّا أدوّر اللي ينعش الخاطر أنعاش كنّي من أصناف السعاده معرّا وين أنت ياللي وجهك أبيض من الشاش وعينك تسوي فالبشر ما تورّا من صابته بين السراجيف ماعاش لو يتعالج بالملايين .. بـرّا

أعذروني عن غياب ٍ زلّته مدموحه وأسمحوا لي لين أراجع سيرتي وسجلّي غبت كليّ والدوافع كلّها مشروحه أفتحوا كشف الحضور وسجلّوني كلّي

القهوه اللي تقلب طَعمها الذكريات من فقدك المرّ ولا المرّ من بنّها ؟ ماكنّ فنجالها واطرافه الباكيات الا عيونك لا سالت دمعتك منّها