عُمـر

أبطت علي لبيه من صوتك الزين لاعاد تقطع جعلني فدوة الصوت من مغريات العمر محتاج ثنتين أقول الوو وتقول لبييه وأموت

عليك الغلا مردود يالغايب الموجود سوالفك غابت مير طواريك ماغابت غيابك حضور له بصدر البيوت شهود ويش الي يغيب ضحكتك والغلا ثابت احنك مثل ماحن وجهي من المنقود واعدك ليا عديت الايام وش جابت

ياغناتي والله ان وعدي ماخالف وعدك وسط صدري بالغلا لك معلمٍ معماري البنات كثار مير الصدق انا من بعدك ماعشقت من البنات الا بنات افكاري

وشلون تهجرني وانا مالي على الهجر احتمال وشلون تهملني وانا ماني بطيق اهمالها وشلون تقطعني بسيف البعد قطاع الوصال وانا لو اقطع عرق قلبي ماقطعت وصالها

لو نسيت الليالي كلها مانسيت ليلةٍ علمتني شلون شكل الوداع

اصعب شعور ان تدعي الله ينسيك من كنت تدعي ياعسى الله يديمه

احيان حتى اللي تحس انه قريب يمكن يكون ابعد عليك من السماء

القلب يكسره اللسان ولا تجبّره اليدين ماهوب بعظمٍ كل يوم تكسره وتجبّره

انا البارحه بغيت اعبر ولا الله راد ياكثر الكلام اللي كتبته ولا ارسلته

تراني ماقلت عطيني عيونك الثنتين عطيني ربع ما جاك مني ولا هنتي

ماني أحبك لأجل تملى فراغي فرغت لك قلبي على شان تملاه

مرني لاتاه دربك من زحام الحياه الغلا اللي رحت منه على حطت يدك

عطني من الحب بالصاع ولا بالجرام واعتبر مكسبك مضمون لو قالوا خبل الربا فـ الحب ماهو بـ عيب ولا حرام لاعطيتك حب واحساس رجعها دبل

اجمعله سمان الهرج خوفٍ من التقصير واليا جيت ابشرح له كلامي تهيزلته

مايجذب أكبر مقام إلا كبيرة مقام وأنتي طموح القصيد ومنتهى غايته أنتي شموخك عظيم ويجلب الإهتمام وأنا ما اقلّط عليك .. الفكرة البايته

غيرك ما ننشد عن صدوده ليّا صد اللي تحبه صدتك منه .. هجران تبغاني اعلمك .. قيمتك من جد ؟ كنّك علي محسوب من خمس الاركان

عطني كلام زين يمكن اني ارتاح ولا كلام شين يمكن اني أسمح ماطحت في غيابك لكن كل شي طاح دمعي وصبري والطموح اللي اطمح

خايف يطـول البعد وتسج مني وياخذ مكاني شخص ماهوب يسواك وش عـاد أسوي يومك أقفيت عني لا انا أتبـع المقفي ولا أحب فرقاك

اسألك بالله ما توجعك رجلينك؟ من كثر م انت تجي وتروح في بالي

معك صادق الا كل ماقلت "كيف الحال" هي الكلمه اللي مقدر اصدق معك فيها