"شبعان من كل شي الا معك ضامي
انا معي حيل .. لكن ما معي حيله
تعالي وداوي " الآمي من الآمي "
اللي تشيلينها .. لاشلتي الشيله
واليا تمايل جديلك قلت لاحلامي
ما تستقيم الحياه الا بعد ميله "
" عن حسرتك .. لا تبهتين المبادي
لا يلمحون الناس .. طيحة مباديك
هلّي بياضك .. قبل يطمع سوادي
انا على خبرك .. احبك .. واداريك
فستانك الليلة .. عجيب .. ورمادي
يشبه كلامك يوم انا قلت وش فيك "
مفروض لا منك طلعتي تمشين
تجي على الجوال صافرة الانذار
والله ماعاد ادري معك وجهتي وين
الظاهر اني .. ضايعن وسط دوار
فالشامه اللي فوق عينك من يمين
والشامه اللي تحت عينك من يسار :)
" اللي غلاها في فوادي زايد
القلب واللي شايله فدوتها
احارب العالم واجيب الكايد
من قبل لا تمطر على وجنتها
اصايد اللي " تهتويه " مصايد
حتى الكلام اللي ورى شفّتها "
" منتوقة الجيد مشروهك على حبري
لو مانهبت القصايد من حرم عينك
كلّك حلا مثل ماكنتي على خبري
تنقّي اللي تبينـه .. من فساتينك
ما زيّن الكحلي الا عودك المبري
يازين فستانك الكحلي ويا زينك "