ِ

مساء الخير أما بعد ،،

ا والله إني ارحمّك رحمة المسكين تشب الشبوب و تحرق ايامك بنارك أنا لي اذنٍ من عجين و اذن من طين لا والله ما لوّث صفا جوي غبارك كليم القفى وينك وأنا عن كلامك وين؟ تبي تموت مارد الصدى صوت مزمارك أعرف اجرحك جرحٍ يوسّم ليوم الدين ولكن شرف عداوتي . . فوق مقدارك

ضاااااع من عينه الحنان اللي عشناه من زمان —وياحسااافه ع الحنان:(

مشكلتي ما اعرف الوسطية يا انهمر لك بالغلا يا اصد صدّة مالها رجعة

هدو المسا والبرد و النار و الالهام خذتني بعيد و زلزل الشوق خفاقي

سالبة لبّ المدايح وتيجان الوقار وفارقة في جيل متشابهه نوعيته .

تدلّل للدلال اللي مثل هذا علّي حقوق من اللي تزعل عيونك عليه وما يراضيها ؟

"من أوغل فالحقايق وأنصدم فالواقع المشؤوم ما عاد يفكّر يسولف لأحد .. بأصغر تفاصيله" - عبدالعزيز العبلان

فاتنة كل م كبرتي عام ياحظ السنين مخليه ذيك السنه ، تغار من ذيك السنه انا صراحه بعد م شفتك ما اشوف الزين زين اشوفك أنتي بكل حاجه تطلعين ازين منه عطاك ربي طول عنق وضيق خصر وكبر عين واعطى العذارى باذخات الزين "غيره مزمنه"

بتزين واللي خالق الخلق بتزين عندي أمل بالله لو هي عسيره كم واحد ٍيمسّي على الهم والبين والصبح ربي كاتب له سريره حنا علينا الفعل ونزيده يقين نؤمن بحكم الله شره وخيره أقدارنا كتبَت على لوح واجبين واللي كتبه الله عسى يكون خيره

مداهيل حبّك بين حدب الضلوع العوج مراتع غرامٍ عن هوى الغير محميّه

—حلاااااوة هالأبيات شيء مو عادي🤯🥹 وش تبي امر وألبيك يالوجه الضحوك انت ما تستاهل تحس بإحساس العنا لك بقلبي عرش الأسياد واحكام الملوك شيل من ودك تشيله عساهم للفنا ما ينافسني بمحبتك بعد امك وابوك غيري انا واعوذ بالله من كلمة انا

"مرّةٍ أسلى .. ومرّه يعاودني بلاي" سعد بن جدلان لم يكن يعلم إن هذا الشطر يوصف أكثر حالة مزرية يمر فيها الإنسان .. هذا الأضطراب لا يوجد له وصفة

منطوقها ما يقول الا الكلام الجميل وان خانها لسانها صح اللّٰه لسانها 💞

كلّش .. ولا ديني ومبداي وسلومي وآمالي اللي ، ب رجوى الله معلّقها ماخنت نفسي على شان أشكي همومي لي (هامةٍ) مستحيل .. إني ادنّقها ظروف الأقدار تجتاح .. بـ شكل يومي ومن ترخص عزومها ترخص بنادقها وشلون الأيام تقدر .. تكسر عزومي وأنا من اللي محدٍ يكسر بيارقها

وفي يوم الجمعة "يارب مابي خاطري يكسره شي / ابيك تسعد .. ما بقى من حياتي"

مايجيك إلا نصيبٍ عليه أسمك يلوح أن بغيت تعيش في المدن ولا في القرى قابل اللي تجيب الأيام بالوجه السموح دام منها ماسلم — لا رعاه ولا اومرا والتفاؤل يأخذك من طموح إلى طموح والتشاؤم يحذفك أنت واحلامك ورا

انا بي روعةٍ ما تفيد فيها الطبّ .. والإسعاف ولي قلبٍ على كثر المتاعب ما فقد صبره وبي شيءٍ صعب يُوصف ولو ماينحكى .. ينشاف تلاحظه العيون اللي تعرْف الضيق و الكسرة وانا مابي من الدنيا ولو تقسى عدل وإنصاف شبعت من الدروس اللي تعلّم قلبي الحسرة

ماقلت أحبك بالعلن لكن بالتلميح بتقراها ب طيّات القصايد فيك مكتوبه وتلقاني معك رغمًا عن الآلام والتجريح يروح العمر مالي عنك لا صدّة ولا توبة

قامت سنين العمر تمضي عجوله وانا غفلت وراح من عمري أعوام واليوم عرفت ان العمر ماهو بطوله وان السنين اللي مضت مالها إكرام