يادمعي عداك اللوم والله ماحولك لوم
تصبر على موته وماجت به تجيبه
صديقي خذاه الموت والموعد المحتوم
وحزني على كبدي تراكت مشاهيبه
دفنته وصدري من خبر موته مزحوم
هذي والله الغيبه ليا قالوا الغيبه
لو ان البكاء يفيد ببكيه لين يقوم
خذته الليالي من يدي كيف بتجيبه؟
17
695
تقولين اصبر وبكره حبيبي كل شيء يهون
وانا صابر ومات الصبر فيني وامتثل صبار
تقولين الزمن يدور بكره يفرح المغبون
وجا بكره وانا في وقفتي ليه الزمن ما دار؟
بقى لمحه من غصون الرجا فيها غصن زيتون
ابدعي ما اطيح الطيحه اللي تبكي الاشجار
31
1,026
البارحة، والكثير مْن إنتظاري: قليل
يفدا ثوانيك عمرٍ ما لحظّه حصاد
لا زال طيفك، وأنا لا زال بالي طويل..
يسرق فتات النعاس، ويستفزّ الرقاد
أن كان باقي معك من الزمان الجميل؟
لا تذخرين المزوح .. وتسرفين العناد
لي قلب يبغي هله، وأنتي عيونك رحيل
عجزت أسحّب حنينه .. من بلاد لْـ بلاد
21
743
-
لا تشره على خطي ورعش اطرافي
واحدٍ كنه وهو يكتب يخيط جررحه
واحدن من كثر ماجاه الحزن ياكافي
مستعد يوقف الدنيا على اول فرحه
كان حبك هو طموحي وغاياتي واهدافي
لين جاني منك مايصعب عليه شرحه
شايل سنيني وادور عمر وامشي حافي
صرح الهوى ماينهدم الا لاكبر صرحه
-
2
19
721
ياغاية اللي يحنك من نسيم الهبوب
مرتني طيوفك البارح و ضميتها
ما باقي الا الدموع اللي تغسل الذنوب
و كلمه على طارف لساني و خليتها
هقيت في كل شي الا وداع القلوب
ما كنت هاقي تسويها و سويتها !
5
33
853
لا سرا الليل الطويل ولا غفوا سماااااره
جيت في عيني كلام وفي ضميري كيييه
لي شهر ماني بخير وقدرتي منهاااره
وخاطري متضايق ونفسيتي نفسيييه
لا ذكرت ان الحياه ايّامها دواااااره
خفت من كل الليال السود والورديييه
ومن فقدت اللي عليها الوقت فل ستااااره
مابقى شيء يتعب قلبي ب طاااااريه .
طالبك انتبه من حسره اللو والليت
موت الفقر و لا حياه الحسوفه
لاتبنش في بطون التوابيت
ل اسباب معروفه و غير معروفه
لو مكنك ربي على الحي والميت
بتشوف شيءٍ ماتمنيت شوفه
خلف الشكل والاسم والجاه والصيت
لقطات من عرض الحياه محذوفه !
1
22
959
علموا سود الليالي وعلموا بيض السحايب
انتهت فتره حضوري وابتدت فتره غيابي
اتركوني ماورى عوج الضلوع الا النصايب
مقبره حلم السنين ومقبره زهره شبابي
خابت ظنوني على درب الحياه والوقت خايب
والجروح المزمنه تكشف هدوئي واضطرابي
ودي اني عن ضجيج الناس والازعاج تايب
منعزل عن كل شيء يثير حزني واكتئابي
والرفيق اللي همومه لاتزال
تطوي الايام بعيونه طوي
من بعد ماكان مدهال الرجال
خلته صكات بقعا منطوي
لا تكدر خاطرك يابن الحلال
ولا تخلي دمعه العين تهوي
صح ماتبكي من ظروف الليال؟
والهوى مايلوى ذراعك لوي
طاحت دموعه وطالعني وقال
يارفيقي ماعليك انا قووووي
انت تعرفني زين لا غبت يومين
اخاف انام وما حلم ولا شفتك
يعنى سكنت العين هذي وهالعين
واحس اني مقصر وما نصفتك
كانك مديني ولا ادري وش ادين
وكني بعد هذا العمر ماعرفتك
اشتاقلك ماهو شوق المحبين
لو انك تسابقني للشوق طفتك
شاوصف غلاك شلون وابداك من وين
وانا لاوصفتك لا حشا ما وصفتك .
3
12
2,033
خذ ماتبي مني وابي منك ثنتين
ومثلي تسرك نفعته لا نفعته
صوتك مدامنا أنا وإنت حيّين
لا تقطعه عني بعد ما سمعته
وإذا حصل شوفتك من حين لي حين
تعال وأسق بداخلي ما زرعته
عطني وعد نبقى على الحب ماشين
مهما حصل درب الغلا مارجعته
عــشان لا منك تغيرت بعدين
أذكرك في وعدك اللي قطعته
نذرن علي اني عقب خلي كرهت الغيد
وجمال كازا ونجد والشام والبصره
عليها الله اكبر كل ليله حبها ايزيد
وهي مع غيري شيدت ب الحب قصره
4
11
1,393
تردت الدنيا وتردى ورا الدنيا رفيق
اللي احسبه لانخيته بيعصب لي عصابته
حتى حبيبه روحي اهدتني الجرح العميق
في كل حرف كنت اصدقها وهي كذابته
تتعذر بالبعد لين مهدت الطريق
واللي صدمني طاري الفرقا ابد ماهابته
عاتبتها وعاتبتها لين ملت وجف ريق
ولا سمعت لمعاتبي حتى كلامي عاابته .
1
11
957

