؛ (@hhmoonhh) profile picture

أكتب عن النفس والوعي والعلاقات | جلسات فردية للتعمق بالذات وتحقيق التوازن النفسي 💌

Joined July 2021
من أبسط الطرق اللي قد تساعد الإنسان يسترد جزء من طاقته المفقودة إنه يرجع يسأل عن الحاجات اللي كانت بتبسطه ف فترة معينة من حياته. ليه كان متمسك بعادة معينة؟ ليه كان بيحب يتابع برنامج أو مسلسل بعينه؟ إيه اللي كان بيحبه ف ألوان معينة؟ كان بيحس بإيه وهو بيبص للسما أو بيمشي بلا هدف؟
1
1
3
376
العلاقة مراحل فيها انبهار، وفيها استقرار فيها شد وفيها هدوء وكل مرحلة بتحط عدسة جديدة على اللي بيننا أول العلاقة؟ كل حاجة شكلها حلو بنحب نتكلم، نضحك، نبقى مع بعض طول الوقت مع الوقت، بنرتاح وده شيء طبيعي الراحة لكنه مخيف للبعض لأننا بنفتكر إن الحماس اختفى أو إننا مبقيناش زي الأول
4
5
1
132
15,964
في كثير يعتقدوا إن الزواج هو نهاية الرحلة، نهاية الشعور بالوحدة، نهاية التعب بس الحقيقة؟ الزواج هو بداية رحلة جديدة تمامًا مش بالضرورة تكون سيئة بس الاكيد انها مش رحلة رومانسية يومية، لكن رحلة مواجهة الذات التوقعات العادات اللي ورثناها من أهلنا والحب بعد ما يختفي شكله المثالي
6
5
1
150
16,081
في فرق بين شريك أناني وبين إنك متعودة تقولي حاضر عشان متخسريهوش لو بيطلب كتير ومش بيدي وكل ماتعبري عن تعبك يحسسك بالذنب أو يتضايق لو وجودك معاه بيكلفك أكتر مابيضيفلك واحتياجاتك دايما بتتأجل، دا خلل ف العطاء والاستقبال ممكن تكوني قدام شريك أناني غير واعي بمسؤوليته العاطفية ناحيتك
أنانية شريك الحياة حاجه مش هتلاحظيها بسرعة ديما تبدأ من تفاصيل صغيرة عايز كل حاجه على طريقته وقته أولى مشاعره أهم رغباته دائما مقدمة وإذا زعل يطلب احتواء ولو انتي زعلتي؟ يا تتجاهلي يا تتحملي يا هيتهمك إنك درامية
1
1
19
4,156
كل واحد فينا عنده حاجات حدوده فيها واضحة جدا بس أحيانا لما شريكنا يحط حد مبنستقبلوش بنفس الطريقة اللي بنحب الناس تستقبل بيها حدودنا. لو قال إنه محتاج يقعد وحده بنسمعها كأنه مش عايزنا لو رفض حاجة بنحس إننا بنترفض. كأننا لما نحب بنخلط بين حقنا ف القرب منه وحقنا ف الوصول ليه كل وقت.
1
1
205
الحدود من شخص غريب بنفهم انها مساحته العادية لكن الحدود من شخص بنحبه بتخوفنا وبتهدد مكانتنا فنبدأ نقرأ الحد كرسالة عن الحب بدل مانشوفه رسالة عن الاحتياج لمساحة ما، مع إن الشخص ممكن يحبك و يحتاج مساحة مش موجود فيها وممكن يحتاج وقت مؤقت بعيد عنك بدون مايعوز يبعد عنك تماما
1
1
164
الحميمية الحقيقية مش إن ميبقاش بيننا أبواب. بل إننا نعرف إن في أبواب تخص كل واحد فينا ونقدر نسيبها مقفولة بدون مانعتبرها اتقفلت في وشنا. وأصعب جزء ف الحب مش إننا نتعلم نقول دي حدودي لكن إننا نتعلم نسمع من الشخص اللي بنحبه ان دي حدوده من غير مانسمع بدلها أنت مش مرغوب فيك.
1
45
لما نبعد عن شخص بنحبه بنبدأ ناخد بالنا من تفاصيل وجوده، صوته طريقته وهو بيتكلم قعدته ف نفس المكان حاجات صغيرة كان بيعملها كل يوم ومكناش بنفكر فيها أصلًا. القرب بيخلي وجود الشخص مألوف بينما البعد بيخلينا نشوفه كحدث ولما نقرب تاني، حاجات عادية جدًا ممكن تبقى مقدسة بشكل غريب.
1
3
237
إنه موجود إنك تقدري تناديه فيرد إنك تقعدي جنبه من غير مايكون فيه حاجة لازم تتقال. إنك تحكيله تفصيلة تافهة حصلت ف يومك البعد بيخلينا نشوف الحب بوضوح أكتر بيفصل الشخص عن اعتيادنا عليه فنفتكر إن وجوده مش مجرد جزء مضمون من يومنا، لكنه شيء جميل بيحصلنا كل يوم.
104
أحيانًا دور الضحية بيكون لامع لدرجة تبقى متمسك بيه، رغم إنك مدرك تماما إنك بتتأذى. لأنك مش بس بتعاني، أنت بتشوف نفسك الشخص اللي بيحب أكتر ويستحمل أكتر ويتنازل عن رغباته عشان يراعي غيره واللي كان ممكن يختار راحته لكنه اختار الحب، واللي كان ممكن يمشي لكنه قرر يفضل ويحاول.
1
2
171
مع الوقت، التضحية بتتحول من أفعال بتعملها لصورة بتشوف نفسك من خلالها. بتبقى الشخص المتفهم، والحنين، واللي بيقدر يستوعب عيوب غيره، حتى لو ده بييجي على حسابه. المشكلة إنك ممكن تكون واعي تمامًا إنك بتتنازل عن نفسك، لكنك مش مستعد تتنازل عن المعنى اللي أخدته من التنازلات دي.
1
71
لأنك لو بطلت تستحمل هتواجه سؤال أصعب من وجعك نفسه أنا مين ف العلاقة دي لو مش الشخص اللي بيستحمل كل حاجة؟ أحيانا بنتمسك بدور الضحية لأنه بيدينا إحساس بقيمتنا وقتها التعافي إنك تتقبل إنك مش محتاج تتأذى عشان تثبت إنك بتحب ومش محتاج تكون الطرف اللي ضحى أكتر عشان يبقى لحبك قيمة.
41
الأنانية ف العلاقات مش لازم تظهر ف صورة طلبات أنانية أو حب للسيطرة. أحيانًا بتبقى شخص بيحافظ باستمرار على وقته، راحته، نومه، مزاجه، أحلامه، ومساحته وشخص تاني يتولى تلقائيًا تكلفة الحفاظ على كل ده. والطرف التاني ممكن ميكونش مضغوط ف البداية أصلًا بسبب دا ولكن؟
1
1
1
1
446
هو بيقول المرة دي مش مشكلة، هو تعبان وأنا أقدر أستحمل، حلمه أهم دلوقتي، أنا أتنازل عن دي ومرة تانية هو يعوضني وبعد عدد كافٍ من المرة دي التنازل بيتحول من شيء استثنائي لاساس العلاقة.
1
76
مهم نتعلم إزاي نتحب لأن أوقات بنكون عارفين ندي حب كويس جدًا، لكن مش عارفين نستقبله بنفس السهولة. نستغرب الاهتمام، نقلل من المجهود، نشك ف النية، أو نفتكر إن اللي بنحتاجه لازم نطلبه ونبرره طول الوقت، الحب مش بس حاجة إحنا بنقدمها لحد، لكنه كمان حاجة محتاجين نعرف نسيبها توصل لنا.
1
3
234
جزء من النضج العاطفي إننا نتعلم نستقبل الحب من غير مانفتش جواه عن سبب يخوفنا، ونسمح لنفسنا نصدق إن فيه حد ممكن يحبنا ويهتم بينا بدون مانكون محتاجين نستحق ده كل يوم.
65
الرجوع نفسه ممكن يبقى طقس لإعادة القرب، مش مجرد استئناف للحياة من حيث توقفت. وعشان كده حلو إن كل علاقة يبقى فيها طقوسها اللي ملهاش معنى كبير عند حد تاني، لكن بتقوللنا إحنا إننا رجعنا لبعض تاني. سفر، شغل، ضغط، أو حتى أيام عادية أخدت كل واحد فينا ف اتجاه وبعدين رجعنا،
1
1
182
مش بس نكمل من مكان ماوقفنا، لكن ناخد لحظة نرجع فيها لبعض عن قصد ده اللي بيخلي القرب عادة ف حياتنا، مش حاجة نفتكرها بس لما نحس إن المسافة بيننا كبرت
66
الفقد بيعلمنا الصمت وإن في حاجات مش هتتصلح ومشاعر مش هتتقال ووجع ملوش علاج غير إننا نسيبه ياخد وقته
115