የተናገርኩትን ከማድረግ ምንም የሚከለክለኝ ምድራዊ ሃይል የለም:: በሚቀጥለው ሳምንት መቀሌ እንደምሄድ ነግሪያችሁ ነበር?! መቀሌ ነኝ!! ከ21 ዓመታት በኋላ መቀሌን በድጋሚ በማየቴ እጅግ ተደስቻለሁ! ❤️🇪🇹 መቀሌ ሞቅ ደመቅ ብላለች! በከተማዋ ውስጥ የሚታየው እንቅስቃሴ፣ የሰዎች ፈገግታና የሕዝቡ ስሜት ልዩ ደስታን ፈጥሮብኛል። ከሁሉም በላይ የመቀሌ ሕዝብ ሰላምን ምን ያህል እንደተጠማ ከፊቱና ከአነጋገሩ መረዳት ይቻላል። ይህ ሕዝብ ከሁሉም በላይ ሰላም፣ መረጋጋትና የተሻለ ነገን ይፈልጋል። ሌላው እጅግ ያስገረመኝና ያስደሰተኝ ነገር ደግሞ በመቀሌ ውስጥ ሰው ሳያውቀኝ መቅረት ከባድ መሆኑ ነው! 😄 በተለይ ወጣቶች “ናቲ!” እያሉ ሰላም ሲሉኝ፣ ሲያነጋግሩኝና ፍቅራቸውን ሲገልጹልኝ የተሰማኝ ደስታ ከቃላት በላይ ነው። ይህን ያህል ፍቅርና ክብር ማግኘት ለእኔ ትልቅ ደስታና ክብር ነው። በመቀሌ ቆይታዬ ያገኘኋቸውን ሰዎች፣ ያደረግኳቸውን ውይይቶች፣ የሰማኋቸውን አስደሳችና አስገራሚ ታሪኮች እንዲሁም በዓይኔ ያየኋቸውን የተለያዩ ነገሮች በቅርቡ ይዤላችሁ እመለሳለሁ። መቀሌ፣ ከ21 ዓመታት በኋላ ዳግም ስላገኘሁሽ ደስ ብሎኛል! ለመቀሌና ለመላው የትግራይ ሕዝብ ዘላቂ ሰላም፣ ፍቅርና ብሩህ ተስፋ እመኛለሁ! ❤️🇪🇹