أنا ببصم معك بالعشرة انو نتنياهو حتى لو في مقاتلين واعمال عسكرية ما بحقله لا يفخخ ولا يفجر جبال ولا يهدم مباني ويقتل مدنيين ولا يقصف فوسفوري ويحرق أراضي ولا يقلع شجر زيتون وغير زيتون ولا يفخخ بيجرز.. في قانون دولي واضح بيمنع كلللل هول وما بيعتبرهم دفاع عن النفس، وهو مش ملتزم فيه ومن يوم يومه هو واسلافه داعسين عالقانون وبتقدم شكوى ما حدا برد عليك ونووي ما عندك لتحصن حالك ومصرياتك ما بيشترولك برغي بطيارة f35 لتقصفه متل ما بيقصفك... بتقوم بتزت عليه كاتيوشا؟ وبتقلي ما بيحتاج ذريعة وانت قبل ٧ اكتوبر كنت عم تتسبح عالناقورة وما حدا يقوص عليك رصاصة؟ هيدي مشكلتنا معك انت وجماعة الخط التالت يلي مفكرين العالم بحاجة لتوعية عن الانتهاكات الاسرائيلية ودروس بالقانون الدولي.