النادي يرى بأنه اقالة كاريك ستكون باهظه مادياً، لانه راح تدفع تعويضات لكاريك + طاقم الفني كامل..ويرون بأنه مبلغ باهض وفي المقابل استبعدوا هويزلر وايمري لانه كسر عقدهم ٢٠ مليون باوند + قاعدين يقيمون بالضبط حالة ايدي هاو وكم يتعين عليهم يدفعون له كتعويضات بعد اقالته من نيوكاسل هل بيكون ٦ مليون باوند او اقل ومع هذا الوضع وانت تشوف النادي ادارياً يقيم حالات المدربين على تكلفتهم الماديه..قبل اي شي تكتيكي وفني في ناس ترى تغيير المدرب هو الحل ومشكلة النادي فقط مدرب جيد يحل الموضوع لكن في الحقيقة الغلايزرز ما عطوك اي قدره على تسهيل السيولة في اقالة مدرب ودفع لآخر.

اللي متحمس ينتظر تغيير المدرب على اساس بيكون حل فهو بعيد كل البعد بأنه يكون حل، قد تتحسن النتايج مثل ما تحسنت مع كاريك في وقت سابق وغيره من المدربين لكن ليس حل الادارة الرياضيه قد تتغير ايضاً لكن سوف تعين ناس اخرين، سوف يخطئون في نوعية التعاقدات، وغيرها من قرارات..ولن تستطيع التعويض في السوق والضخ وتغطية احتياجاتك الدائمه ليش؟ لأنه راس الهرم والادارة الماليه اهلكت النادي بالديون ولا تستطيع الادارة الرياضيه المسؤوله عن الجانب الرياضي الصرف مع القواعد الجديده للعب المالي..وسوف تستمر بهذي الدائرة تحتاج وضع اداري كامل متكمل، يسمح لك تضخ بدون قيود مثل اللي يسويه الستي، تشلسي، ليفربول، ارسنال عشان تلحقهم وتثبت اقدامك..سواء كانت ادارتك الرياضيه ممتازه ام متواضعه انت بتكون تغيير المدربين مو حل دائم، راح يكون مسكن قد يطول وقد يقصر لكن ليس حل..تحتاج غلايزرز يبيعون النادي لانه تكرار المشهد من ١٠ سنوات واكثر المفروض جعل المانشستراوي يرى الموضوع بصورة اكبر بكثير من اقالة مدرب او سوء لاعب او اثنين او حتى ثلاث وانتقادهم ووضعهم بالدكه يرى بأنه هو الحل الوضع اشبه بوضع بلاستر لجرح يحتاج تدخل جراحي •بيع النادي •صرف اكبر بسيوله تسمح لتقليل الفجوات وتحسين المجموعه جماعياً وفردياً بشكل دائم وليس على تفاوت •ادارة رياضية تعمل مع مدرب متوافقين في الهويه وتعطي المدرب حيز من الصالحيات.