هذال العتيبي

ماورثونا اسلافنا ذات الارقام اللي تسمى بالمصارف وديعه . اللي تغيّر حال و تحقق احلام ومعها نعيش العمر زهرة ربيعه . ما ورثونا غير ( والسبعة انعام ) والسمعه اللي بالمراجل رفيعه . و علاقةً مع كل وافي وضرغام على الشكاله و اتباع الشريعه . و باللازمه وحدودهم سلة حسام على النقاء ماهيب درق وخديعه . دون الرفيق سيوف ودروع وحزام سطواتهم مثل السباع المجيعه . وعون الارامل والمعوّز و الايتام ومن يشتكون من الزمان الهزيعه . على التقى عاش النقاء كل مقدام وروحه على كسب المعالي شجيعه . يرهي بها على الصعيبه ليا قام و بامر الولي تفتح حصونً منيعه . و صيتً ما ذاعت به. وكالات الاعلام تطريه عراف الرجال و تذيعه . ودايعً بصدور. زاكين الانام حصّل فوايدها الوريث وتبيعه . وعزاً ما تمحاه الليالي والايام ما هوب ورثًً. للمتاع و نبيعه . مير المنايا للملاء تخفي اسهام وتغتال فرحات الامل بالفجيعه . والادمي لو طال عمره فلا دام وان غاب عن دنياه يبقى صنيعه . عسى قبور اسلافنا يا ذالاكرام برحمتك تصبح رياضً وسيعه . #هذال_العتيبي

يا كنز عمري وراس المال والثروه يا محدثً في مشاعر خافقي ثوره . ماكان قبلك لموضوع الغلا حروه ملغي مجاله ومغلق بابه و دوره . وصار الغرام اقتحام وحبك الذروه ونفسي بحكم القدر لرضاك ماموره . الود حبله خطير ووصله العروه نبي جويد العراء للود وجسوره . #هذال_العتيبي

فرس اصيله بنت سلالة حصان من نسل قوماً بالرجال مهيوبه لكن صعيبة راس ماتقبل عنان جامح على درب الفراق وهذوبه #هذال_العتيبي

انا عن هروج الهلايم تساميت الساقطه تسقط على من تحتها مادامني من فوقهم قد تعليت والله ماافكر بالعداء واسلحتها اشوف والاحظ حركات و اوحيت سود القلوب افعالها فاضحتها واللي على راس اللهب يسكب الزيت العن من اللي بالوقود اقدحتـها ومهما تسوي طيب ما كن سويت طيب الفعول احقادهم ماسحتها

انا ليا من عفت من صاحبي قلت الله يسمح عن دروبي دروبه . لو مال يمي بالخطا معه ما ملت ما اعامله لجل الخطا بالعقوبه . اليا طمن راسه على الشامخه طلت مايرتبط بي منهجه مع سلوبه . من زل زال ...وباقيً دوم لازلت اقول ..كلً ً في جنوبه ذنوبه . #هذال_العتيبي

يانفس كوني راضيه واستهيدي خلي القناعه راس مال و ذخيره . عيشي وانا كنز القناعه رصيدي وفي كل شي ..لعل بالامر خيره . #هذال_العتيبي

المشكله تدروون من صار لي عوق دون الفرح يلــكــد لحزني جواده اللي غلاه مع احمر الدم مـدفوق ويصعب عليه بالحياه افـتـقـاده #هذال_العتيبي

يرهي على الطيب ويرومه قرماً على المدح متعـــوّد ويصعب على رجلاً عزومه تردعه بالضـعـف ويهـوّد #هذال_العتيبي

احزم ضلوعك على هرجتك واحتمها وخلك على البينه فـ الماقــف البـيـّن . من اصدق امثالنا بالعرف واقدمها الناس بافعالها..والا الحكي هـيـّن . #هذال_العتيبي