GRR Ragu

EPS ஸ்கெட்ச் அவுட்: தவெகவுக்கு செக் வைக்க அடுத்த என்ன செய்யனும் தாராபுரம், மதுராந்தகம் இடைத்தேர்தல் - அதிமுகவுக்கு இது வெறும் தோல்வி அல்ல, எச்சரிக்கை மணி. ஏன் தெரியுமா? போட்டியிட்ட இடத்தில் மூன்றாம் இடம். வென்றவர்கள் யார்? நேற்றுவரை அதிமுகவில் இருந்த சத்தியபாமா, மரகதம் குமாரவேல். இன்று தவெகவில் ஜெயித்திருக்கிறார்கள். இதைத் தான் செங்கோட்டையன் அழுத்தமாக சொல்கிறார். "எடப்பாடியிடம் அரவணைக்கும் தலைமை இல்லை" என்று சில நாட்களுக்கு முன்பு 15 எம்எல்ஏக்கள் தவெகவுக்கு வருவார்கள் என்று சொன்னவர், ரிசல்ட் வந்ததும் மீண்டும் அதே இடத்தில் நின்று "பொறுத்திருந்து பாருங்கள், அடுத்தடுத்து வரலாறு படைப்போம்" என்று வெடி போட்டிருக்கிறார். EPS எங்கே ஸ்லிப் ஆனார்? முதல் தவறு - 2026-ல் தவெக கூட்டணிக்கு வரும் என்று நம்பியது. விஜய்யை தன் பக்கம் இழுத்துவிடலாம் என்று கணக்கு போட்டார். கரூர் சம்பவத்திற்கு பிறகு மென்மையாக நடந்து கொண்டார். கூட்டணி கதவு திறக்கவில்லை. இப்போது கதவு மூடப்பட்டு, நேரடி மோதல். இரண்டாவது தவறு - உள்கட்சியை கையாளத் தவறியது. எம்ஜிஆர் தன்னை திட்டியவர்களையும் கட்டிப்பிடித்தார். ஜெயலலிதா அதிரடி காட்டினாலும் கட்சியை கட்டுக்குள் வைத்திருந்தார். ஆனால் EPS-க்கு இரண்டும் இல்லை என்பதே செங்கோட்டையன் வைக்கும் குற்றச்சாட்டு. கள நிலவரம் என்ன? மதுராந்தகத்தில் கே.பி.முனுசாமி டீம் இருந்தும் தோல்வி. தாராபுரத்தில் உள்ளூர் நிர்வாகிகள் ஒத்துழைக்கவில்லை என்ற பேச்சு. எஸ்.பி.வேலுமணி, சி.வி.சண்முகம் பிரச்சாரத்திற்கே வரவில்லை. 25 எம்எல்ஏக்கள் ஏற்கனவே ஒருமுறை எதிர்த்து வாக்களித்துவிட்டு மன்னிப்பு கடிதம் கொடுத்தார்கள். அந்த விரிசல் இன்னும் ஒட்டவில்லை. அதிமுகவுக்கு இருக்கும் ஒரே சூட்சுமம் என்ன? இரட்டை இலை. அது இன்னும் மக்களிடம் இருக்கிறது. ஆனால் சின்னம் மட்டும் ஜெயிக்க வைக்காது. விலகியவர்களை திட்டுவதை நிறுத்திவிட்டு, ஏன் விலகுகிறார்கள் என்று யோசிக்க வேண்டும். தொகுதி தோறும் தொண்டனிடம் பேச வேண்டும். நிர்வாகிகளுக்கு மரியாதை கொடுக்க வேண்டும். இதை EPS செய்தால் மட்டுமே தவெகவுக்கு செக் வைக்க முடியும். இல்லையென்றால், செங்கோட்டையன் சொன்ன 15 என்பது 25 ஆக மாறும் நாள் வெகு தொலைவில் இல்லை.