Nigeria bloggers no dey support me just because I poor and I be true Wizkid lover 😪 I dey send collaboration post give them, them no go gree. Some of them go even enter my page collect my content, post am, no credit, no mention, nothing 😪 E get one useless blogger wey I dey see as mentor before. Na Wizkid name e use blow him account o. I send collab give am, e no gree. One day the same werey come text me for WhatsApp dey tell me make I pay so so amount if I wan go viral 😂 Blogger dey collect money from another blogger just to go viral?? If una post artiste wey later blow, una go dey lie like say na free una post them 😂 Nigeria bloggers na set of ALATENUJE bloggers 😂 Them go see good news about Wizkid, them no go post am because e no go give them the kind engagement wey them like. But immediately bad news drop, their prick go stand, them go rush post am. Some even dey collect money from opps just to push bad agenda against Wizkid 😪 Thanks to me and my teammates wey dey always expose their foolishness to the world 😀 And to all of una wey dey criticize me both online and offline, wey dey talk say I no go ever get notice… how e dey be now?? Make una no worry, this one na just beginning 😊 Make I just reach Abuja first 🥹 The best thing for you people na to just off una data or throw una phone away on 13th and 18th December, because una no go believe wetin una eyes go see. Make una no go get heart attack 🫵😂