پی ٹی آئی کو تو 26 نومبر کے بعد ہی تحلیل کر دینا چاہیے تھا، اگر اسکی تنظیمی قیادت کا کام صرف عہدوں پر بیٹھنا، بیانات دینا اور دوسروں پر تنقید کرنا رہ گیا ہے۔ بطور جنرل سیکریٹری آپکی کارکردگی کا سوال بالکل سیدھا ہے: 26 نومبر کے بعد آپ نے تنظیمی طور پر کیا حاصل کیا؟ کتنے سینیٹرز، ایم این ایز اور ایم پی ایز سے انکی صفر پیش رفت پر جواب طلب کیا؟ کتنے لوگوں سے پوچھا کہ وہ اپنے حلقوں میں عوام کو متحرک کرنے میں کیوں ناکام رہے؟ اڈیالہ کے باہر حاضری اور سیاسی جدوجہد کو منظم کرنے کے لیے کیا کیا؟ خان کی بہنوں کے خلاف غلیظ ترین زبان استعمال کی گئی، پارٹی کے منتخب نمائندے خاموش رہے، اور ستائیسویں آئینی ترمیم پر بند کمروں میں ننگی حمایت کے سوالات ہیں، مگر احتساب کہاں ہے؟ اور یہ سوال صرف جنرل سیکریٹری تک محدود نہیں!!! عبوری چیئرمین نے بھی بین الاقوامی فورمز پر پارٹی کا مؤقف مؤثر انداز میں اٹھانے اور بین الاقوامی رابطوں کو منظم کرنے کے لیے آخر کیا کیا؟ کیا کسی اہم بین الاقوامی فورم پر مسلسل اور سنجیدہ engagement نظر آئی؟ کیا پارٹی کے مؤقف، خان کی قید تنہائی اور جمہوری و آئینی معاملات پر کوئی واضح، مربوط اور قابل پیمائش سفارتی حکمت عملی سامنے آئی؟ محض عہدہ سنبھال لینا اور عملی طور پر اس ذمہ داری کو نبھانا دو بالکل مختلف باتیں ہیں۔ 26 نومبر ایک ایسا موڑ تھا جسکے بعد پارٹی کو اپنی تنظیم نو، قیادت کی جواب دہی، عوامی متحرک کاری اور بین الاقوامی سطح پر سیاسی رابطوں کا ازسرنو جائزہ لینا چاہیے تھا۔ اگر اسکے بعد بھی تنظیمی کارکردگی کا کوئی واضح معیار نہیں، منتخب نمائندوں سے کوئی جواب طلبی نہیں، اور بین الاقوامی سطح پر مؤثر engagement کا کوئی نمایاں ریکارڈ نہیں، تو پھر بھی آپ لوگ سیٹوں سے کیوں چپکے ہوئے ہیں؟ اصل مسئلہ یہ ہے کہ پارٹی میں عہدے تو موجود ہیں، مگر ان عہدوں کے ساتھ وابستہ ذمہ داریوں کے نتائج کہاں ہیں؟ دوسروں کے کام پر تنقید کرنے سے پہلے قوم کو اور ووٹرز کو اپنے کام کا حساب دیجئے۔ کارکن سڑکوں پر نکلیں، قربانیاں دیں، دباؤ برداشت کریں، اور عہدوں پر بیٹھے لوگ اپنی بنیادی ذمہ داریوں پر بھی سوالات کا جواب نہ دیں، یہ سلسلہ بلکہ تماشا آخر کب تک چلے گا؟