هايـدي'

شهر نوفمبر وديسمبر بيجوا علشان يفكروك قد إيه أنت ضيعت سنة من عمرك في الولا حاجة.

بحس أني عاوزة أعتذر لصحابي وكل اللي حواليا عن الشخص اللي بقيت عليه والحالة اللي وصلتلها، مبقاش عندي حاجة أقدمها لحد ومعنديش فكرة هما لسه بيحبوني إزاي.

معلش مسمعتش الفون ماشي متعوضة مرة تانية مخدتش بالي شوية وهكلمك حاضر هننزل طبعًا لا مش عارفة والله مشوفتش أنت صح أنا غلطانة فعلًا نسيت والله

نفسي ربنا يباركلي في عمري،وأشوف نتيجة كل دعوة دعيتها من قلبي،وأفرح بالحاجات اللي فضلت أتمناها،وأكون سبب في فرحة أهلي،وألاقي نفسي بتتغير للأحسن يوم بعد يوم،نفسي لما أبص علي حياتي بعد سنين ألاقي إن ربنا كان بيعلمني وبيهيأني لحاجات أجمل مما كنت أتخيل.

لما تبقى مش متأكد كوباية القهوة دي هتفوقك ولا هتموتك.

حاسه أن عاوزة أعيط باقي الأيام اللي فاضلة من السنة على اللي حصلي ومريت بيه وأنا لوحدي، والكلام اللي جوايا طول الوقت والخوف اللي دايمًا حاسة بيه والعياط اللي كل يوم بعيطه.. نفسي أتخلص من كل المشاعر السلبية دي لأني فعلًا تعبت، يارب خلي السنين اللي جاية عوض عن كل اللي أنا شوفته.

إحساس أنك مضطر تبلع حاجة مضايقاك علشان مش هتروح تقول للي ضايقك أنت ليه بتعمل كدا علشان كل واحد عارف هو بيعمل إيه كويس دة إحساس بشع.

لما تكتشف أنك لا أنت العبد الصالح لربه ولا الإبن البار بأهله ولا الأخ المثالي ولا الصديق المحبوب وأنك عبارة عن شخص تجسدت فيه جميع معاني الفشل.

مفيش أي حاجة عارفة أحددها بس الحاجة الوحيدة اللي عارفاها أن مفيش ولا مكان دلوقتي حاسة فيه بالإنتماء والراحة .

نفسي العيلة اللي هعملها تحبني من كل حتة في قلبها، ونبقى لبعض نور وأمان.. بيت لما الدنيا توجعنا، نرجعله فنلاقي بعض. يمكن أكتر حاجة نفسي أديها لعيالي هي الأمان اللي كنت أتمنى ألاقيه طول عمري.