إضافة OpenFill مجانية ومفتوحة المصدر لبرنامج GIMP، اللي عمره قرابة 31 سنة، وهو أساسًا بديل مجاني لفوتوشوب االإضافة تربط GIMP مع ComfyUI وتوفر أدوات Generative Fill وRemove Tool وGenerative Expand بالذكاء الاصطناعي، مع معالجة الصور محليًا على جهازك. سؤال للخبراء والمطورين: هل نقدر نربط PhotoCraft من مشروع ArtCraft المفتوح المصدر مع ComfyUI ونضيف له نفس القدرات؟ ComfyUI مجاني + ArtCraft مجاني يا سلام لو تصير بتكون ضربة معلم فعلًا. github.com/beckettharriman/g…

سقط جسر فوتوشوب وهذا بالضبط اللي كنت أتكلم عنه. الجيل الجديد من المطورين ما راح يوقفون عند حدود برامج التصميم التقليدية، بل بيعيدون ابتكار أدوات وتجارب إبداعية مختلفة تمامًا. برااااااااااافوووووو ، معجبة بالجيل القادم 👏👏👏👏

جربت بديل CapCut مجاني، يدعم العربي، بدون علامة مائية وبدون اشتراك، ويشتغل على جهازك جربته على مشروع سابق لي، رتبت فيه المشاهد مع Claude code والموسيقى على التايم لاين وأضفت تأثيرات. لسا نسخة تجريبية (Beta) وفيها شوية نواقص، بس بداية تبشّر بالخير 👌 ويعتبر خيار ممتاز للي شغلهم خفيف ومايحتاجون مونتاج ثقيل مقاطع ريلز ، تيك توك .. الخ لينك الإضافة : github.com/jub0t/Concat

سبعة عشر نورًا 🤍 تصوّر مقترح لجدار تذكاري داخل مطار الملك خالد، لـ١٧ شهيدًا. كل شهيد شعلة نور، وتحت كل نور اسم. رحلة لم تكتمل على الأرض،فاكتملت في السماء. اللهم ارحمهم وتقبّلهم في الشهداء، واربط على قلوب أهاليهم، واشفِ المصابين، واحفظ وطننا 🤍🇸🇦 #مطار_الملك_خالد #الرياض #شهداء_الوطن

فرصة للمبدعين والمصممين لإبداع هيدر وطني يعبّر عن حب السعودية وفخرنا فيها.

جبت لكم موقعين تكشفون فيها الصور المولّدة بالذكاء الاصطناعي، وحتى لو حاول صاحبها يخفي علامات التوليد بالتعديل عليها شوفوا نتائج الفحص، الصورة الأولى ظهرت بنسبة 99%، وحتى بعد التعديلات قدرت أداة OpenAI تكشف البصمة الرقمية المخفية. اما صورة الواتس خسرتهم كريدت كثير واضح قلة خبرة بالتعامل مع نماذج الذكاء الاصطناعي، شكله واحد توّه سامع بشي اسمه Ai البصمة الرقمية ما ظهرت في صورة الواتساب، وممكن السبب أن الصورة خضعت لمعالجة غيّرت البكسلات الأصلية، زي تعديل بالفوتوشوب أو كانفا وفي أسباب ثانية مابذكرها لا لزيادة وعي الحوثي 😂 🥳 المواقع: sightengine.com/detect-ai-ge… openai.com/verify

دعوة من القلب لكل الزملاء والزميلات في مجتمع التصميم والإبداع: خلونا نترك خلافاتنا وتنافسنا جانبًا، ولو مؤقتًا. نحن نمر بوقت نحتاج فيه لبعض أكثر من أي وقت ثاني. المواضيع الجدلية بتكثر، والمحتوى بيتسارع، والتوعية اليوم تحتاج جهودنا جميعًا. نحتاج من يمسك جانب التوعية، ومن يوصل المعلومة، ومن يحوّلها إلى صورة مؤثرة، ومن يصنع فيديو يختصر ألف كلمة. كل واحد فينا عنده نقطة قوة مختلفة، ولو اجتمعت هالقوى، تخيلوا حجم الأثر اللي ممكن نصنعه. أنا شخصيًا أستمتع بأعمالكم لما أشوفها في التايم لاين، وأفرح بكل فكرة جميلة، حتى لو كانت قريبة من فكرة اشتغلت عليها. وبقول لكم موقف بسيط: تذكرون صورة طائر الفينيق اللي نشرتها؟ الفكرة الأساسية ما كانت فكرتي، كانت لزميلة عزيزة عليّ. كنا نتبادل الأفكار، ولما حبيت أطور الفكرة بطريقتي، استأذنت منها أولًا، ورحبت ووافقت بكل محبة. وعلى فكرة، للحين ما عندها حساب على المنصة. ومع إن علاقتنا قوية جدًا وتجاوزت حدود التصميم والعمل، إلا إن هذا ما يعطيني الحق أتجاوز مرحلة الاستئذان. وكذلك زميلنا @aziz4ai، استأذنته أكثر من مرة في استخدام بعض محتواه والإشارة له في دوراتي، وكان يرحب بكل تقدير. ولو رفض، ما كنت بزعل منه، لأن هذا حقه. الاحترام بين المبدعين ما يحدّ من الإبداع، بالعكس، يفتح له أبوابًا أكبر. وعندي اقتراح أتمنى نشوفه على أرض الواقع: ليش ما يكون بينكم قروب على X أو واتساب، مخصص للتعاون وقت الأحداث المهمة؟ مثلًا، الفيديوهات اللي يقدمها عبدالله @0xrushy، تخيلوا لو تحولت إلى إنفوجرافيك، بتطلع بطلة تجي @3ottb وتقول: أنا نقطة قوتي في كذا وكذا. وتجي @areej_design وتقول: أنا بمسك المحور الفلاني. و@Beshan_Des، اللي فاقدين أعمالها لنا فترة ويارب ترجع لنا بكل قوة ، ترجع وتمسك جانبًا ثانيًا. وهكذا، كل شخص يساهم بالشيء اللي يتميز فيه. ومو لازم تذكرون للاخرين أن هذا تعاون يكفي انكم انتم تعرفون إلا إذا حبيتو واتفقتو هذا شي بينكم ابي ندخل التايم لاين ونلقى موضوع واحد مطروح من زوايا مختلفة، وبأساليب إبداعية متنوعة، وكل عمل يكمل الثاني ويعزز أثره. مو لازم نتفق في كل شيء، ولا لازم نكون أصدقاء حتى نتعاون. يكفي يجمعنا الاحترام والهدف المحدد اللي نشتغل عليه. التنافس جميل، لكن مو كل مرحلة تحتاج منافسة. بعض المراحل تحتاج تكاتف. وأكثر شيء أخاف منه إننا نخسر بعض بسبب ضغوط السوشيال ميديا، وسوء الفهم، والمقارنات، والخلافات اللي تكبر أكثر من حجمها.سبق وفقدنا حضور مبدعين كثير، وما ودي نشوف أسماء جميلة ثانية تختفي من المشهد. كل واحد فيكم له بصمته، وله جمهوره، وله قيمة ما يقدر أحد يسلبها منه.نحن اليوم بأمسّ الحاجة لبعض. خلونا نكون مجتمع من المبدعين يفتح الأبواب لبعض، وينسب الفضل لأصحابه، ويعرف متى ينافس ومتى يتعاون. نجاح زميلك ما ينقص من نجاحك، وظهور عمله ما يلغي وجودك. بالعكس، لما نرفع بعض، نرتفع كلنا. وعندي رسالة خاصة للجيل الجديد من المبدعين: أنتم برأيي الشخصي أفضل جيل مرّ على البشرية من ناحية الفرص والإمكانات. جيل عنده قوة في التفكير، وجرأة في التجربة، وإبداع يقدر يحلّق فيه لأبعد مدى ممكن. وأنا أشوف في أعمالكم أشياء تبهرني فعلًا، وأتعلّم منكم. لكن عندي ملاحظة أتمنى تتقبلونها بصدر رحب. بعضكم إذا شاف صاحب خبرة، يتعامل معه وكأنه ندّ له في منافسة لازم يثبت فيها نفسه، وينسى إن صاحب الخبرة غالبًا وصل لمرحلة مختلفة تمامًا. هو ما عاد يبحث عن إثبات نفسه أمامك، هو يبحث عن شخص ينقل له خبرته. صدقوني، صاحب الخبرة اللي قضى سنوات يتعلم ويجرب ويغلط وينجح، ما عنده وقت يضيّعه في المهاترات والمقارنات وتحديات الرأس بالرأس. وبمجرد ما يشعر إنك حطيته في موقع المنافس بدل ما تشوفه فرصة للتعلّم وتبادل المعرفة، ببساطة بيدور غيرك ينقل له خبرته. مو لأنك أقل منه، ولا لأنه أفضل منك، لكن لأنه تجاوز مرحلة إثبات الذات، وصار هدفه ينقل اللي تعلمه لأكبر عدد ممكن من هذا الجيل الرائع. أنتم تملكون طاقة وأدوات وفرصًا ما كانت متاحة لنا، ونحن نملك تجارب وخبرات اختصرت علينا سنوات من المحاولة والخطأ. تخيلوا لو اجتمعت قوة الجيل الجديد مع خبرة الجيل السابق، بدل ما ينشغل كل طرف بإثبات إنه الأفضل؟ تخيلوا حجم الإبداع اللي بنشوفه! أفكار ما كانت تخطر على بالنا، وتجارب تختصر سنوات، وأعمال تتجاوز كل اللي اعتدنا عليه. لا تحوّلون كل صاحب خبرة إلى منافس. صاحب الخبرة إذا شاف العلاقة تحولت إلى تحدّي وراس براس، غالبًا بيغيّر مكانه بكل هدوء. مو لأنه عاجز عن المنافسة، لكن لأنه ما عاد يشوف فيها قيمة تستحق وقته، وفي المقابل فيه مبدعون آخرون متعطشون للتعلّم ومستعدون للاستفادة من خبرته. والجيل الجديد بنظري مو مجرد متلقٍ للمعرفة، بل شريك في تطويرها. كل جيل عنده شيء يقدمه للثاني، وأجمل ما في الإبداع إننا نتعلم من بعض مهما اختلفت أعمارنا وتجاربنا. وأتمنى من قلبي إن رسالتي وصلت لكم،ودعواتي لكم بالتوفيق