فاطمة نبيل

حد خد باله من أهم حاجة في مسلسل طالع نازل؟ مفيش ولا نموذج مستقر وسعيد لأي ست في المسلسل! منى زكي اللي بتشتغل وجزء من نجاح شغلها مع زوجها أصلاً، وجزء كبير من نجاحه هو شخصياً إنها واقفة في ضهره، لكن في الآخر اتجوز عليها. وهي مش سعيدة ومش مقتنعة باللي بتعمله، بدليل إنها وافقته على عدم الإنجاب، رغم إنها بعد كده ندمت جداً وكانت عايزة طفل بأي شكل! مريم الخشت منفصلة ومعاها بنت، وطليقها كان بيأذيها، وفي الأحداث مش بتشتغل، ومعتمدة على راجل يتكفل بيها وكل تفكيرها منشغل بالبيت والراجل اللي معاها. وبرضو حياة غير مستقرة ومش سعيدة. داليا، ربة منزل زوجها توفى، من بعده لا قادرة تصرف على البيت، ولا لاقية شغل تصرف على البيت، ولا في زواج تاني مناسب بظروفها، بل مش عايزينها تتجوز عشان بناتها. اللي هو طب أعمل إيه بصوت حزلقوم 😂 أكيد مش سعيدة طبعاً. ميمي جمال واضح من كلام بنتها إنها كانت عايشة مش سعيدة وزوجها ماكانش مبسوط والبيت مليان حزن، نموذج تقليدي للست اللي بتحاول تسيطر على جوزها وتخليه يكره حياته عموماً مش من زواج تاني بس 😅 يعني من الآخر بتشتغلي ولا قاعدة في البيت، تقليدية ولا مودرن. كله عايش في حزن وعدم راحة. شايفين إن المسلسل زوّدها في عدم إظهار أي نموذج ناجح؟