فشلت مرتين بحياتي ١. بالثانوية يبت ١،٥٦ ٢. فتحت مطعم سنة ١٩٩٥ خسرت وسكرته حولت فشلي الي نجاح ١.بالجامعة يبت ٣،٧٦ وتخرجت بتخصصين ٢. اخذت كل سلبيات فشلي بالمطعم الفاشل وفتحت شركة واليوم لله الحمد من اكبر شركات اللي بالكويت وانجحها بالتوكل على الله ثم الاصرار يتحقق النجاح.

رحت من كم سنة احدى الوزارات اخلص معاملة. توقيع ورى توقيع ورى توقيع، آخر شي قالوا لي لازم تدخل على المدير يوقع لك وتخلص المعامله دخلت على المدير سلمت عليه، والله اني ما شفت بحياتي شخص شايف روحه و منفس مثل هالمدير. منزل راسه و يدخن سيجارة وما رد على السلام قال لي شنو معاملتك ؟ قلت له تفضل قالي اسألك شنو معاملتك ؟ (بنزره) قلت له هذي المعامله اخوي جدامك وشرحت له قال لي انطر بره شوي أناديك و يلطعني نص ساعه، ناس داخله طالعه وانا ناطر. ابي اشتكي عليه، ماكو احد اشتكي له على سوء تصرفاته معاي كاني عدو. اليوم ندخل الوزارات وراسنا مرفوع، ندري ان ورانا ظهر وفي شخص اسمه الشيخ فهد اليوسف ياخذ حقنا من اي شخص يتطاول علينا او يقصر بعمله او حتى يرفض ان يقابلنا. الكل محترم نفسه والكل يداوم والكل خايف من المحاسبه والكل يشتغل والكل ينجز المعاملات والاستقبال سبحان مغير الاحوال اغلبهم مبتسمين وبشوشين ويركضون يسوون لك معاملتك. شكرا لصاحب السمو الشيخ مشعل الاحمد الصباح عسى الله يطول بعمرك ويعطيك الصحة والعافية

والله ثم والله ان الشيخ فهد اليوسف قاعد يشتغل ليل نهار، يشتغل من الساعة ٧ الصبح الي الساعة ١-٢ الفجر كل يوم حتى نهاية الاسبوع وهو من عزز الامن والامان وفرض هيبة القانون بعد الله سبحانه وانا ((اتحدى)) اي شخص تواصل مع بو فيصل و كان له حق ما رجع له حق غصبا على الجميع واللي بقول اني قاعد اطبل خل يقول من الحين لين بعد ١٠٠ سنة ماني محتاج من احد شي كلمة حق وقلتها ويستاهل كل الشكر والثناء 👏👏👏👏👏

يا ولدي، اشتغل ولا تلتفت لأحد؛ الشغل عمره ما كان عيب. إحنا بحياتنا اشتغلنا بكل شغلة شريفة، وعرفنا إن للرزق الحلال لذّة ما يحس فيها إلا اللي تعب عليه. يوم تستلم راتبك آخر الشهر، راح تعرف قيمة كل فلس؛ لأنه حصيلة تعبك وشقاك وعرق جبينك. خلّهم يضحكون ويتطنزون، دامك تسعى على رزقك بالحلال. لا يهمك كلام أحد، وثق إن الله سبحانه وتعالى ما يضيّع تعبك، وبيفتحها عليك من واسع فضله ويحقق لك أمانيك بإذن الله. يا شباب، اشتغلوا بأي شغلة شريفة ولا تستحون من العمل. لا تخلون نظرة الناس توقفكم، ولا تتكبرون على الرزق الحلال؛ فالسعي والتواضع من أسباب البركة في الحياة والمال. الله يبارك لكم بأعماركم وأرزاقكم.

البعض يعتقد ان ((شرا)) الشغالات ترى الشغالات بالنهاية اوادم يحسون مثل ما انت تحس يضيق خلقهم يتكدرون يبون يتمشون يبون يشوفون ناس ومجمعات في البعض يحرمهم من الطلعه وما يخليهم يطلعون بعذر ان ما تتعرف على واحد او ما يخربونهم الخدم بالمجمعات. لو تبي تسوي اي شي تسويه في بيتك لو تحط الف كاميرا مو رادها شي. وللعلم بالقانون من حقها يوم اجازه لكل اسبوع، تطلع فيه المكان اللي تبي يحق لهم راحة أسبوعية مدفوعة الأجر: 24 ساعة متصلة بعد كل ستة أيام عمل، وفق المادة 29 من اللائحة التنفيذية لقانون العمالة المنزلية.

اتصلوا علينا مكتب محاماة لتحصيل مستحقات على العامله اللي عندنا قالوا لنا ان العامله ماخذه تلفونين اقساط ٢٢٠ دك وباقي عليها ١٤٠ دك تخلفت عن السداد!! يبونا ندفع لها!؟ قلت لهم اخوي احنا مالنا شغل ليش ندفع اهي ماخذه بدون علمنا أصلا!؟ قال على راحتكم، بس إذا ما دفعتوا راح يتم اخذ الاجراءات القانونية بحقها واكيد راح يتم ترحيلها و الفلوس اللي دفعتوها رسوم الفيزا بتروح عليكم يعني انتوا الخسرانين. اتمنى ان يتم منع العاملات من اخذ اي شي اقساط إلا بعلم الكفيل وحتى السواق لان بالنهاية احنا اللي راح ناكلها والشركات اهي المستفيده. اهم ياخذون التلفونات اعتقد وبعدين ((يكيشونها)).

لازم الدولة تزيد رواتب الموظفين، او راح نشوف زياده بحالات التعثر والملاحقات القانونية. كل شي صعد اضعاف، والرواتب من ٢٠ سنة ما زادت. مثلا المواد الغذائية ارتفعت بعضها ١٠٠٪ واكثر وعمرها ما راح ترجع تنزل لاسباب كثيره منها التغير بالطقس، تكاليف الانتاج والنقل والحروب وإضرابات طرق التجارة فالرواتب تمت مثل ما اهي من ٢٠ سنة، واغلب المواد الاساسية ارتفعت اضعاف. تلقائيا صار عند الناس فجوه بين سداد المديونيات والالتزامات وشراء المستلزمات وبين المدخول. يعني تخيل ان راتبك ٨٠٠ دك و التزاماتك و مصاريفك الشهرية ١٢٠٠ دك شلون راح تعيش ؟؟

فخر يا عيال الكويت 🇰🇼🇰🇼🇰🇼 منو اللي يجهز لكم اقوى الاكلات بالعالم بطيران الكويتية ؟ ابناء وطنكم هم من يطبخون لكم و كبير الطهاة هو اخوكم مشاري الدعي مربين بطن وظهر كويتي فخورين فيكم يا ابناء الوطن. 👏👏👏👏👏 🇰🇼🇰🇼🇰🇼🇰🇼🇰🇼🇰🇼

مصر ام الدنيا و اهل مصر والخليج قلب واحد وروح وحده وكل اللي تشوفونه بالسوشال ميديا من اتهامات وتبادل كلام بذيء من البعض هدفه هدم الوحده الاسلامية كلنا نكمل بعض والمصريين اجدع شعب. شعب يتصف بالشهامه والنخوة و وطيب القلب.

شعب الكويت شعب اتكالي ما يحب يشتغل صادف بالطيارة (مضيفه جويه) تشتغل بالخطوط الجوية الكويتية بنت من بنات الكويت، ابتسامتها ما ما فارقت وجها، تخدم الجميع بكل شغف وطيب خاطر. سألتها جم سنه صار لج تشتغلين؟ قالت اكثر من خمس سنوات قلت لها في وايد يشتغلون مضيفات؟ قالت نعم في عدد من بنات الكويت يشتغلون معاها وكلنا فخر ان نشتغل بالجناح الازرق ونمثل ديرتنا ووطنا. الكويتي والله ان يشتغل كل شي ما يهمه ابد ويدور الرزق الحلال. البعض يحاول يشوّه صورة عيال ديرتنا، ويصوّرهم للناس أنهم ما يشتغلون. والحقيقة أنهم أهل جدّ الحقيقة انهم، يشتغلون ليل نهار وفي اي مجال، وين ما كانوا.

استغرب من اللي يقول: ما شفنا أحد انسجن!! عيل اللي بالسجون الحين منو؟ أسماء كبيرة ما عمره احد تجرء ان يحاسبهم أفراد من الأسرة، وتجار، وسياسيين، عيال فلان ولد فلان، ونواب ووزراء سابقين ،ومسؤولين ورؤساء ومديرين. القانون مو قاعد يستثني احد ماكو شي يوقفه لا اسم ولا مكانه ولا منصب. الله سبحانه وتعالى القادر على أن يقول للشيء كن فيكون، خلق السماوات والأرض في ستة أيام؛ فطولوا بالكم، وكل من تثبت بحقه جريمة راح يتحاسب وفق القانون والفاشنستات باذن الله اولهم.

تخيلوا هذي حاله وحده فقط !؟ الخافي اعظم. لهذا السبب اغلب الأسواق الشعبية تمت السيطره عليها اغلب الكراجات تم السيطرة عليها اغلب شركات المواد الغذائية تم السيطرة عليها اغلب المطاعم و المقاهي والحدادة و سوق الجملة و سوق الخضار والفواكه والسكراب اقتصاد الكويت بايدهم. واللسته طويلة وابناء الوطن الشباب حسره عليهم من يدخلون في اي من هالمجالات يتجمعون عليهم العصابات ويطلعونهم بلحظة احد الاشخاص عربي الجنسية يملك اغلب الكراجات (البنجرجي) بالجمعيات التعاونية ويدفع بكل فرع اكثر من ٧٥٠ الف دك ويوصل مليون دك لكل فرع ويشغل اخوانه و عياله وعيال عمه وكل اقربائه الف الحمد لله والشكر على نعمة الحزم والعزم وتطبيق القانون.

من نمدح الحكومه بأي شي قالوا ان نطبل للعلم أنا اتحدى اي شخص بالكويت يقدر يحصل شي فوق القانون او بالواسطة لو تجيب كل الطبول اللي بالعالم وتطبل مدى الحياة بهالزمن ما راح تاخذ شي بالنسبة لي ماني محتاج من احد شي لله الحمد لا من الحكومه ولا من تاجر ولا من وزير ولا من شيخ وما زلت اقول ان هالزمن زمن قانون و عدالة وتطبيق للقانون 👏👏👏👏👏

قوانين وقاعده تتطبق على الكبير والصغير والغني والفقير قمنا ندخل الوزارات وعينا بعين وراسنا براس اكبر مسؤول، إذا لك حق تاخذه بالقانون غصبا على الكل والجميع حسيت انك مظلوم تدز بسهل وتقابل اللي تبي واللي ما يرد عليك يتحاسب. تدخل المخفر تلقى المحققين و رؤساء المخافر ٢٤ ساعة والكل يرحب فيك تلتفت يمين و يسار بالشارع الكل لابس حزام الامان ويحترم القوانين، واللي تحس ان قاعد يعرض حياتك او حياة الاخرين للخطر صورة وحده تدزها للداخلية وثاني يوم جارينه المخفر ويكبسون سيارته ويحطونه بالجرايد. وين ما تروح تحس بامان وتدري بعد الله سبحانه ان حقك مستحيل يضيع حتى لو الوزير بكبره ظلمك . لا وزير و لا مدير ولا تاجر ولا شيخ يقدر يظلم احد هذا عهد الحزم و العزم عهد العدالة و الإنصاف، عهد الناس النظاميين اللي ماشين حسب قوانين الدولة يمشون مثل الملوك مرفوعين الراس. شكرا لصاحب السمو الشيخ مشعل الاحمد الصباح ربي يطول بعمره.

هل تدريب الموظف مجاني او دين والتزام عليه؟ لما اشتغلت باحدى البنوك، رحت دورة مدتها شهرين بلندن، كلفت الدوره تقريبا ١٥،٠٠٠ باوند غير السكن وقعت ورقه ان اول سنة إذا قررت اطلع من البنك ادفع ١٠٠٪ ثاني سنه ٧٥٪ ثالث سنه ٥٠٪ ربع سنه ٢٥٪ نفس الشي إذا موظف عندي بالشركة دربته ودفعت عليه قيمة التدريب ايا كان المبلغ لازم يكون التدريب دين عليه إلا إذا كان اكتساب خبره من داخل الشركة هذا امر عادي ولكن إذا أرسلته خارج الكويت او يبت مدربين من بره واهو حضر هالدوره لازم يكون التدريب دين على الموظف مو معقوله ادفع قيمة تدريبه ويخليني ويطلع التدريب استثمار لتطوير الموظف عشان يطور الشغل مو عشان يكتسب مهارات على حسابي ويتركني.

اخذت وكالة عالمية وكلفتني مبالغ حيل كبيره، عيّنت طباخين ومساعدين والوكالة دربوا هالطباخين على طريقة تحضير الاكلات والحلويات وصار عندهم كل اسرار شغلنا والوصفات. احد الاشخاص يبي يفتح محل حلويات راح حق الشيف اللي عندي ودفع له مبلغ مغري، الموظف قدم استقالته وراح حق هالشخص واخذ كل اسرار الوكالة معاه. يعني الاستثمار اللي حطيته بالوكالة والمبالغ الضخمه اللي دفعتها راحت بلحظه ارسلت اقتراح بسهل لمنع مثل هالتصرفات لحماية اصحاب الاعمال وهذا ينطبق على اغلب الأنشطة التجارية. الضوابط منع تحويل العامل إلى شركة ((منافسة)) لمدة سنتين من تاريخ ترك العمل إذا ثبت تحايله بالتحويل أولاً إلى نشاط آخر ثم الانتقال لمنافس، يتم إبعاده. يمنع من دخول الكويت عند ثبوت التحايل

ببشركم قريبا باذن الله راح يتم القضاء على عصابات سوق الخضار والفواكه اللي راح يبقى هم ابناء الوطن و المقيمين النظاميين. وداعا لتزوير بلد المنشأ وداعا للغش بالأوزان وداعا لرفع الاسعار رفع مصطنع. وداعا لخلط الفواكه الصالحة للاكل ووضع بنهاية الصندوق فاكهه فاسده وداعا للمزادات الوهمية كل شي قاعد يتغير للافضل لله الحمد 🇰🇼🇰🇼🇰🇼

خبز ((التنور)) بطريقة مبتكره بجمعية الروضه الف مبروك على افتتاح هالصرح الرائع المخابز اللي بالجمعيات تفتقر ابسط شروط و مواصفات السلامة الغذائية المنقاش مصدي خام البقشه وسخه الماي ملوث يشتغلون بعز الحر بدون تكييف ملابسهم لونها اصفر يعرقون ويطيح على الطحين. اللي كان خايف ان الاسعار تزيد شوفوا الاسعار نفسها ما تغيرت ٢٠ فلس الخبزة. اتمنى يتم التعميم على جميع جمعيات الكويت.

عمرنا ما راح ننساها وراح نعلمها ونحفرها بقلوب عيال عيال عيالنا ونخلي الاجيال تتناقلها السعودية والكويت بلد واحد يا نعيش سوا يا ننتهي سوا السعودية سند وظهر ووطن ثاني بيوتنا، وكل ما نملك تحت امر اخوانا السعوديين ومنها سوينا مقصرين بحقهم 🇰🇼🇰🇼🇰🇼🇰🇼🇰🇼 🇸🇦🇸🇦🇸🇦🇸🇦🇸🇦

الكويت الأكثر اماناً بالعالم بسبب القوانين الجديدة وفرض هيبة القانون على الجميع دون النظر الي اسم او لقب او مكانه، اصبحت الكويت الأكثر اماناً بالعالم و اصبحت الأكثر جاذبية للاستثمار من قبل عمالقة الشركات انحاء العالم. شكراً لصاحب السمو، وشكراً لكل مسؤول يطبق القانون بعدل وحزم ودون تمييز. 🇰🇼🇰🇼