مساء الخير
سمعتوا محمد عبده يوم قال:
"محد عرف اللي حصل"
فعلاً محد عرف اللي حصل ولا أحد راح يفهم
شعورك ولا تعبك ولا حروبك اللي خضتها ضد نفسك.
ورجع قال:
وفجأة اختلف
لوني وضااااااااعت خطوتي
والله هالشعور بالضياع يهلك ..
- صبحكم اللّٰه بالخير -
وعلى مبدأ إن اللي ما يجي بالتوافيق ما يستاهل الحسوفه
قال الشاعر ناصر بن مناحي :
عامل طموحاتك على إنها توافيق
إن جات والا ما عليها .. حسوفه .
عن حنية ورجولة الشاعر سعد بن فايز
كان يعاتب حبيبتة
- ولما سمع عبره بصوتها سكت وقال -
معقول صوتك ينسمع فيه عبره
وأشوف عينك غارقه بالدموع ؟
لا والذي ينزل من الغيم قطره
ما لاق لك / غير الفرح هاتي اللوع
وإذا أخطيتي للخطة منك دبره
أبعتذر منك .. وننهي الموضوع .
ما أحب مظهر الضعف أبدًا
رغم إني قوية وحسّاسة بنفس الوقت، لكن حريصة جدًا إن جانبي الحسّاس ما يظهر إلا في مواضع محددة، أحس عيب كل هالكاريزما والطاقة وأقعد أشتكي للناس.
كيف يستطيع المرء أن يهرب من أشياء تركض في رأسه طوال الوقت؟
تروح وتجي، تنشغل، تضحك، وتعيش يومك كأنك بخير... ثم في لحظة لا تستأذن، تداهمك الغصّة في أسوأ وقت
ويثقل صدرك بكل ما حاولت دفنه، وتكتشف أن بعض الأشياء
لا تنتهي نحن فقط نتعب من مقاومتها .
صباح الخير .
كيف أتوبك وأنا تايه ما أدل إلا دروبك ؟
وكل الجهات في عيوني تصد وتلتفت صوبك
كأنك ل قلبي الملفى وأجمل ذنوبي ذنوبك
رضيت بالضياع فيك ولا نجاة بدونك .
صباح الخير :
يارب امطر على ارضي عساها تنبت الأحلام
بذرت إحساسي ورغبات عُمري ودّي احصدها
ولا تشمّت بي الحاسد ولا يفرح بي النمّام
ولا عدواني تعيش انكساراتي وتشهدها
ولا تكتب لي اناجي طموحي والحظوظ أيتام
ولا تقسم لي حظوظِ تجاهدني وأجاهدها .
رحَلت .. وامتلى صَدري غياب وما قدَرت ألقاك
ويحرقني حنين الانتظار وغيبة ظلالك
تَركت الناس علَّقت العيون بزاوية شِبّاك
وكل ما مرّني برد الليال يقول : ما جا لك؟!
سنين أتخيلك ترجع وتروي هَالظما من ماك
سنين آمِدّ يديني بظلام الليل ما اطالك! .