#ராமஜெயம்_கொலை_நடந்த_நாள் 28/3/2012 (இரவு கடத்தல்) - 29/3/2012 (உடல் கண்டெடுக்கப்பட்ட நாள்). 2006 - 2011 தி.மு.க ஆட்சி முடிவு பெற்று 2011 ஆண்டு மே மாதம் 16ம் நாள் ஜெயலலிதா தலைமையில் அ.இ.அ.தி.மு.க ஆட்சி அமைகிறது. அதன்பிறகு கிட்டத்தட்ட 10 மாதங்களுக்கு பிறகு திருச்சியை உலுக்கிய கே.என். ராமஜெயம் கொலை நடைபெற்றது. அந்தக் கொலை இன்று வரையிலும் பல மாயக் கதைகள் நிறைந்த ஒன்று. கிட்டத்தட்ட 2 வருடங்கள் வரையிலும் திருச்சி பகுதி மக்களின் அன்றாட பேசுபொருளாகவும் இருந்தது என்றால் மிகையல்ல. இதைப்பற்றி தெரிந்துக்கொள்ளவே தினசரி செய்தித்தாள் வாசிக்கத் தொடங்கிய நண்பர்களை எல்லாம் தெரியும். அதன்பிறகு மீண்டும் தி.மு.க ஆட்சிக்கு வந்தது மே மாதம் 2021ம் ஆண்டு. சரியாக பத்து ஆண்டுகளுக்கு பிறகு. அதுவும் ஆட்சிக்கு வந்த சூழல் உலகமே முடக்கத்தில் இருந்த சூழல். 2021 - 2026 வரையிலான தி.மு.க ஆட்சி என்பது எவ்வளவு சிறந்த ஆட்சி என்பது நமக்கு தெரிந்ததுதான். ஆனால், இவர் சொல்லும் காலக்கட்டம் தொடங்கி 10 ஆண்டுகள் ஆட்சியில் இருந்தது அ.இ.அ.தி.மு.க. அதிலும் கூட ஜெயலலிதா, பன்னீர்செல்வம், எடப்பாடியார் என்றெல்லாம் முதல்வர்கள் மாறி மாறி ஆட்சியிலும் அதிகாரத்திலும் இருந்தனர். கூடவே ஜெயலலிதா மரணம், ops தர்மயுத்தம், சசிகலா சபதம், கூவத்தூர் கொண்டாட்டம், EPS முதல்வர், கலைஞர் மரணம் என்றெல்லாம் காலங்கள் கடந்து போயின. இவ்வளவு தரவுகள் வெளிப்படையாக இருக்கும்போதே, இப்படியான பொய்யை தி.மு.க வின் பெயரில் பரப்ப முடிகிறது இவர்களால் என்றால், ஆர்.எஸ்.எஸ் எத்தனைப் பெரிய அபாயம் நிறைந்த ஒன்றாக இருக்கிறது. இதுபோல் எத்தனையை இத்தனை ஆண்டுகள் பரப்பிக் கொண்டே இருந்திருக்கிறார்கள். ஒரு அமைச்சராக இருப்பவர் அதிலும் சட்ட அமைச்சராக இருப்பவர் வரலாற்று சம்பவங்களை பேசும்போது அப்போதைய ஆட்சியாளர்கள் யார் என்று கூடவா தெரியாது. கட்டாயம் தெரியும். பிறகு ஏன் இத்தனைப் பொய்ப் பரப்புரை. ஏனென்றால், அவர்கள் அப்படித்தான். பொய்யர்கள். பதிவு: இனியன்🙏