فيصل فـهد الـشبيعان ⍊

ياللي حماياك تصل الدم بالدم للحق جوله .. وللتاريخ إعاده حنا بني عمٍ تساند بني عم بعيد عن منطلق حفظ السياده اليا حسب غيرنا للمصلحه هم جينا نقول النصر ولا الشهاده ماتخضع المملكة للكيف والكم ولا لوقفة صديق ولا حياده من دونها لو تمام العمر ما تمّ من غير منه ولا سابق رياده وأرواحنا رهن ضلع طويقها الشم خادم بيوت الله وقبلة عباده من الكويت - السلام الوافر الجم - 🇰🇼 على هل المملكة شعب وقياده 🇸🇦

عقب الكدر ما ازين من العد القراح السلسبيل الا مزابير السحاب اللي من الخير اغدقن وإن عمّن نفوس الكثير اللي طمعها في القليل سلم علينا والنفوس أعطن وقالن واصدقن حنا عهدنا يا #ولي_العهد شمسٍ ماتميل وبسدّنا يا اما وجه ، ولا شنب ، ولا دقن واليا صفينالك.. صفينالك على الوجه الطويل ماهوب وجهٍ منبلج مره ومره محتقن

تشرق الشمس وتصيب النفوس القناعه حلم ربي وسيع ورحمته ما تونى يوم ضاقت على قلب الضعيف الرعاعه غنّت البدو " تخشى القوم هدرة جملنا " قالوا النصر قلنا النصر ماغير ساعه قالوا الصبر قلنا وآهل الصبر حنا مالنا حيله وشبه الجزيره وداعه نحتميها مثل مانحتمي سلم أهلنا

الجيش من دونه طويلين الذراع اللي حداهم عن مواقفهم ينم إصعد وطاول الارتفاع بالارتفاع ونحوّلك باللي ليا هد ايغنم اللي مايِطرح غير بسلاح الدفاع حنا نهشه بالعصا مثل الغنم اعبد صنم واحسب حساب انك شجاع واليا دخلت أجوا الكويت ارجع صنم