خدارا! میری اس جدوجہد کو کوئی اپنی اَنا، ذاتی دشمنی یا قبائلی غیرت کا مسئلہ نہ سمجھے۔ میرے خاندان نے ہمیشہ صرف اور صرف انصاف کی بات کی ہے۔ نہ میری کسی سے ذاتی لڑائی ہے اور نہ ہی میرے خاندان کی کسی سے کوئی ذاتی دشمنی ہے۔ ہمارا واحد مطالبہ انصاف ہے۔ ہم نے ہر طبقۂ فکر، قبائلی رہنماؤں، علمائے کرام اور تمام دردِ دل رکھنے والے لوگوں سے اپیل کی ہے کہ ہمارے معاملے کو انصاف، قانون اور بلوچی روایات کے مطابق حل کرنے میں ہمارا ساتھ دیں۔ لیکن حالیہ واقعات کے بعد مجھے اور میرے خاندان کو سنگین نتائج کی دھمکیاں دی جا رہی ہیں، جس سے ہماری مشکلات میں مزید اضافہ ہوا ہے۔ میرے والدِ محترم شہادت سے پہلے تک کسی کے لیے بددعا نہیں کرتے تھے۔ وہ ہمیشہ یہی کہتے تھے اے اللہ! ان لوگوں کو میرے اور میرے خاندان کے حق میں ہدایت عطا فرما۔ میرے والد کی یہی سوچ اور یہی تربیت آج بھی ہمارے لیے مشعلِ راہ ہے۔ ہم آج بھی نفرت یا انتقام نہیں، بلکہ انصاف چاہتے ہیں۔ میں تمام قبائلی عمائدین، مذہبی رہنماؤں، سیاسی و سماجی شخصیات اور ہر باشعور انسان سے دست بستہ اپیل کرتی ہوں کہ خدارا! مظلوم کا ساتھ دیں اور ہمارے معاملے کو اپنی ذاتی اَنا یا کسی گروہی تنازعے کی نظر نہ ہونے دیں۔ میں بھی آپ سب کی بہن اور بیٹی ہوں۔ جس طرح آپ کے گھر کی بیٹیوں اور بہنوں کی عزت، جان اور تحفظ آپ کے لیے اہم ہے، اسی طرح میری جان، عزت اور تحفظ بھی میرے خاندان اور میرے لیے اتنا ہی اہم ہے۔ براہِ کرم میرے درد کو سمجھیں اور ہماری آواز بنیں۔ میں متعلقہ حکام سے بھی مطالبہ کرتی ہوں کہ مجھے اور میرے خاندان کو درپیش خطرات کا سنجیدگی سے نوٹس لیا جائے، ہمیں تحفظ فراہم کیا جائے اور ہمارے معاملے میں قانون کے مطابق انصاف یقینی بنایا جائے۔ آخر میں، میں صرف اتنا کہنا چاہتی ہوں کہ اگر ہمیں اس دنیا میں انصاف نہ ملا تو قیامت کے دن میں اللہ تعالیٰ کی عدالت میں اپنا مقدمہ پیش کروں گی۔ وہاں میرے ہاتھ ہوں گے اور ظالموں اور اُن کا ساتھ دینے والوں کے گریبان، اور فیصلہ اللہ تعالیٰ کی عدالت میں ہوگا۔ وہاں نہ کوئی طاقت چلے گی، نہ کوئی سفارش اور نہ کوئی ذاتی اَنا۔ وہاں صرف حق اور انصاف کا فیصلہ ہوگا۔ خدارا! ہمیں تنہا نہ چھوڑیں۔ ہمارا ساتھ دیں، ہماری آواز بنیں اور ہمارے لیے انصاف کی آواز بلند کریں۔ ہماری لڑائی کسی فرد یا خاندان سے ذاتی دشمنی کی بنیاد پر نہیں، بلکہ انصاف کے حصول کے لیے ہے۔ ہمیں انتقام نہیں، انصاف چاہیے۔ ہمیں دشمنی نہیں، قانون کی حکمرانی چاہیے۔ ہمیں صرف اور صرف انصاف چاہیے۔ #JusticeForAsmaJattak #JusticeForInayatullahJattak

ٹیچرز ڈے پر یوں تو سب اپنے اساتذہ کو یاد کرتے ہیں، لیکن میں ایک ایسی بیٹی ہوں جو اپنے بابا، اپنے استاد اور اپنے شہید کی عظمت کو سلام پیش کرتی ہوں۔ بابا! آپ کا سکھایا ہوا ہر سبق میرے دل پر نقش ہے۔ آپ کی دی ہوئی تربیت، پیار اور افکار ہمیشہ میری رہنمائی کرتے رہیں گے بابا! آپ اس دنیا میں نہیں ہیں، لیکن میں جانتی ہوں کہ شہید کبھی مرتے نہیں، آپ کی دی ہوئی پیار اور محبت میری سوچ میں ہمیشہ زندہ رہیں گئی، بابا! آپ کے اسباق ہمیشہ قائم رہیں گے، آپ کی یاد کبھی مدہم نہیں ہوگی، #JusticeForInayatullahJattak #TeachersDay