ياهنيكم ياهل القلوب الدواليه
اللي تحسبون .. الهوا مسرحيه
الكل منكم في مجال مسليّه
وقلوبكم .. ما الله كتبها شقيه
ياللي خطفت القلب من عند راعيه
رده قبل .. ترفع عليك القضيه
رده سليم ، وخل راعيه يهديه
كانك من اللي يقبلون الهديه
عقارب الساعة .. مع الساعة تدور
وأحلامنا ، وأمالنا ، ماهي لناا
أعمارنا تشبه محطّات العبور ..
نبدا هنا ، نمشي هنا ، ناقف هنا
ناسٍ تعيش بظل واحات وقصور
وناسٍ تعيش الفقر ماتعرف غناا
الأدمي مخلوق يطغيه الغرور ..
يبني أمل ، والموت يهدم مابناا .