Danny Yap

NETIZEN UPDATE: "BE CAREFUL WHAT YOU WISH FOR." SI ALAN PETER AT MGA DDS NA ATAT NA ATAT KUNO SA FLOOD CONTROL PROBE, NGAYON TAGUIG NA MISMO ANG IIMBESTIGAHAN! LACSON, MAY NADISKUBRE PANG UMANO'Y "GHOST PROJECTS" SA BALWARTE NG MGA CAYETANO Matagal nang paulit-ulit na ipinaparatang ni Sen. Alan Peter Cayetano na tila nawawala na umano ang usapin ng flood control sa Senado. Iyan din ang madalas na linya ng kanyang mga tagasuporta sa social media. Pero ngayon, mukhang may ibang direksyon ang usapin. Habang patuloy ang mga panawagang magsagawa ng flood control investigation, lumalabas na ang mismong Taguig, ang political bailiwick ni Cayetano, ang maaaring sumalang sa Senate Blue Ribbon Committee. Ayon kay Senate Blue Ribbon Committee Chair Sen. Erwin Tulfo, handa silang magsagawa ng imbestigasyon sa sandaling maisumite ni Sen. Ping Lacson ang mga dokumentong hawak nito. "Talagang Thursday or Friday siguro... baka Friday," ani Tulfo nang tanungin kung kailan posibleng umusad ang pagtalakay. Nilinaw naman niya na rerepasuhin muna ng komite ang lahat ng rekord upang matiyak na hindi ito madodoble sa mga kasong kasalukuyan nang iniimbestigahan ng Ombudsman at Department of Justice. Samantala, lalo pang lumalaki ang mga tanong matapos ihayag ni Lacson na nadiskubre ng kanyang team ang dalawang magkahiwalay na budget items na tila parehong inilaan para sa iisang infrastructure project sa Taguig. Kung pareho ngang para sa iisang proyekto ang dalawang tig-P100 milyon na appropriations, isang mabigat na tanong ang kailangang sagutin: Nasaan ang isa? Sa pahayag ni Lacson: "Two items appear to be double appropriations, involving two P100-million allocations for the same slope protection project. One of the two must be ghost." Hindi lang iyan. Ayon pa sa senador, nakakita rin ang kanyang team ng tatlo pang P100-milyong slope protection projects, dahilan para umabot na sa P2.385 bilyon ang kabuuang halaga ng mga insertion na kanilang natukoy sa ilalim ng 2025 General Appropriations Act para sa Taguig. Nauna na ring ibinunyag ni Lacson ang umano'y dalawang posibleng ghost infrastructure projects, bukod pa sa napakaraming slope protection at drainage projects na karamihan ay tig-P100 milyon ang halaga.

BREAKING: BASTE DUTERTE, NAMATAANG NAGPA-PARTY SA IBIZA, SPAIN? HABANG SI SARA, NASA EUROPEAN TOUR DIN Habang nakatutok ang publiko sa nagpapatuloy na impeachment proceedings laban kay Vice President Sara Duterte at sa mga legal na isyung kinakaharap ng kanilang ama, dating Pangulong Rodrigo Duterte, isang panibagong usapin ang umani ng atensyon online. Nagbahagi si Atty. Jesus Falcis ng mga larawan at video at tinanong kung ang lalaking nakikitang dumadalo sa isang party sa Ibiza, Spain ay si Davao City Mayor Sebastian "Baste" Duterte. "Was Mayor Baste Duterte partying in Ibiza, Spain yesterday? Andaming models and beautiful girls ah." Kung mapapatunayang siya nga iyon, lalong iigting ang usapan dahil kasabay ito ng napansing European tour ni Vice President Sara Duterte. Marami tuloy ang nagtatanong: nagkataon lang ba na parehong nasa Europe ang magkapatid, o ito ba ang naging priority habang sunod-sunod ang mabibigat na isyung kinakaharap ng kanilang pamilya at ng bansa? Ayon kay Falcis, nakapagtataka umano ang timing ng umano'y pagpa-party ni Baste habang nagpapatuloy ang impeachment proceedings ng kanyang kapatid at habang may mga problemang kinakaharap din ang Davao City. Nilagyan pa niya ng hashtags na #PartyBoy at #LazyMayor ang kanyang post. Sa social media, umuugong ngayon ang tanong: Habang umiinit ang impeachment, nagpapatuloy ang ICC proceedings laban sa kanilang ama, at maraming Pilipino ang naghihintay ng pananagutan, bakit tila Europe ang sentro ng atensyon ng magkapatid na Duterte?

BREAKING: NBI MAGPAPALABAS NG SUBPOENA SA PHISGOC OFFICIALS, NAGTAKA KAY CAYETANO: "BAKIT SIYA ANG GALIT NA GALIT EH WALA NAMAN ANG PANGALAN NIYA?" Mukhang papasok na sa mas seryosong yugto ang imbestigasyon sa kontrobersyal na paggamit ng pondo para sa 2019 SEA Games. Kinumpirma ni NBI Director Melvin Matibag na maglalabas ang National Bureau of Investigation ng mga subpoena sa Lunes laban sa ilang opisyal ng Philippine Southeast Asian Games Organizing Committee (PHISGOC), kabilang sina: 👉dating chairman Ramon "Tats" Suzara 👉Chief Financial Officer Dexter Estacio 👉Corporate Secretary John Lester Buenconsejo 👉at iba pang board members. Inaatasan silang humarap sa NBI sa Hulyo 24 upang ipaliwanag ang kanilang mga naging tungkulin, mga desisyon, at paggamit ng pondo ng PHISGOC. Pero mas ikinagulat umano ng NBI ang naging matinding reaksyon ni Sen. Alan Peter Cayetano. Ayon kay Matibag, nang ianunsyo pa lamang ng NBI ang fact-finding investigation, agad umanong bumatikos ang senador at inakusahan pa ang ahensya ng pananakot, kahit wala naman umano ang pangalan nito sa listahan ng mga opisyal na ipapa-subpoena. "Nakakapagtaka nung binanggit natin na iimbestigahan natin ito, bakit kaya nag-react si Senator Alan Peter Cayetano eh wala naman po 'yong pangalan niya rito." Dagdag pa ng NBI chief, isa mismo sa mga layunin ng subpoena kay Suzara ay malinawan kung ano talaga ang naging opisyal na papel ni Cayetano sa PHISGOC. "Monday subpoena natin sila... Suzara to explain what is the role of Senator Cayetano. Dahil officially, based on the record ng SEC na hawak natin, hindi lumalabas ang kanyang pangalan." Mas naging direkta pa si Matibag sa kanyang mensahe. "If you did nothing wrong, why should you be afraid?" At idinagdag pa niya: "Kung sakali na may lalabas ditong issue ng corruption o anomalya, baka dapat wala siyang ipangamba dahil wala siya rito. Pero may malaking katanungan na bakit lumulutang siya sa publiko na parang siya 'yung chairman nito?" Bagama't si Cayetano ang naging pangunahing mukha ng paghahanda ng Pilipinas para sa 2019 SEA Games, sinabi ng NBI na ang mga dokumentong nakuha nila mula sa Securities and Exchange Commission ang pagbabatayan ng kanilang imbestigasyon. Layunin ng subpoena na linawin kung sino ang may opisyal na awtoridad sa PHISGOC at kung paano pinamahalaan ang organisasyon at ang pondo nito. Sa ngayon, wala pang inilalabas na pahayag sina Suzara, Estacio, at Buenconsejo kaugnay ng planong pagpapatawag ng NBI.

BREAKING: OPERATION ROMANOV, SUMABOG SA MUKHA NG DEPENSA! SI BASTE PALA ANG UNANG GUMAMIT NG "ROMANOV" BILANG BABALA SA FIRST FAMILY Ang "Operation Romanov" na ilang araw nang ipinipilit ng depensa bilang umano'y patunay na may sabwatan laban kay Vice President Sara Duterte ay tila tuluyang bumaligtad sa Day 6 ng impeachment trial. Sa pagtatanong ni Sen. Erwin Tulfo kay NBI Regional Director Jeremy Lotoc, lumitaw na ang salitang "Romanov" ay hindi naman unang ginamit bilang banta laban kay VP Sara. Sa halip, ang unang nagbanggit nito ay si noon ay Davao City Vice Mayor Sebastian "Baste" Duterte sa isang Maisug rally noong Enero 2024, kung saan sinabi niya: "Before you go to bed, think of the Romanovs. Think of Benito Mussolini and his wife. And think of what happened to you in 1986..." Isang pahayag na malinaw na iniuugnay bilang babala kay Pangulong Ferdinand Marcos Jr. at sa First Family. Dito na ibinunyag ni Sen. Erwin Tulfo ang malaking kabalintunaan ng depensa. "Nagtataka ako na binanggit 'yan ni Princess Maui doon sa online press conference ni VP Sara, 'yung Romanov na banta for Sara Duterte, when in fact it was Baste Duterte ang nagbitaw ng salitang 'yan as a warning to the First Family." Mas lalo pang bumagsak ang "Operation Romanov" narrative nang tanungin ni Tulfo ang NBI tungkol sa kredibilidad ng mga pahayag ng DDS vlogger na si Princess Maui. Diretsahang sagot ni Lotoc: "Not credible." Ipinaliwanag pa ni Lotoc na inimbitahan ng NBI si Princess Maui upang patunayan ang kanyang mga alegasyon ngunit hindi ito humarap. Dahil dito, nanatiling unvalidated ang umano'y "Operation Romanov" plot. Sa isa pang bahagi ng pagdinig, sinabi rin ni Lotoc: "...ang unang nagbigkas niyan si Mayor Baste, so medyo nakita namin, teka muna, parang baligtad yata ang sitwasyon." Napansin din ni Sen. Ping Lacson ang naging kabaligtaran ng buong naratibo at tinanong si Lotoc: "So ngayon n'yo rin lang na-realize na 'yung Oplan Romanov ay threat pala sa First Family?" Sumagot si Lotoc: "Opo, Your Honor." Sa halip na patunayan ang umano'y sabwatan laban sa mga Duterte, ang mismong ebidensiyang inilatag ng depensa ang naglantad na ang salitang "Romanov" ay unang ginamit ng kampo ni Baste Duterte bilang banta laban sa Pangulo at sa kanyang pamilya. Samantala, ang sinasabing "Operation Romanov" na kalauna'y ipinakalat ng DDS na si Princess Maui at iba pang DDS fake news vloggers bilang umano'y banta laban kay VP Sara ay kinumpirma mismo ng NBI na "not credible." Para sa maraming netizens, tila isa na naman itong halimbawa ng matagal nang iniuugnay sa Duterte playbook: akusahan ang kalaban ng mismong naratibong unang nanggaling sa sarili nilang kampo.

PBBM FINALLY FIRES BACK! 🚨 "HINDI KUMILOS SI DUTERTE." 👀 Sa kauna-unahang pagkakataon, diretsahang sinabi ni Pangulong Ferdinand Marcos Jr. na hindi umano naaksyunan ng administrasyon ni dating Pangulong Rodrigo Duterte ang mga kuwestiyonableng flood control projects na nagsimula pa noong 2018. Mula sa Canada, sinabi ni PBBM na naabutan na lamang ng kanyang administrasyon ang umano'y mga iregularidad, kaya responsibilidad na ngayon ng kanyang gobyerno na imbestigahan ang mga ito at papanagutin ang sinumang mapatutunayang sangkot. Matapang ding iginiit ng Pangulo na kung hindi niya mismo inilantad ang isyu, hindi raw ito mabubusisi at hindi magsisimula ang malawakang imbestigasyon na isinasagawa ngayon. 🎥 WATCH: PBBM, unang beses na direktang itinuro ang kawalan umano ng aksyon ng nakaraang administrasyon sa isyu ng flood control anomalies.

IMBES NA SAGUTIN ANG BLUEPRINT AT HUMAN TRAFFICKING ALLEGATIONS, NBI ANG MINURA NI MIKE DEFENSOR Ganito na ba talaga kapag nasukol? Matapos ilabas ng NBI ang blueprint ng hotel at KTV bar na iniuugnay sa kampo ni Mike Defensor at ipakitang sinasadya umanong baguhin ang building design para mapadali ang bugawan o human trafficking operations, ang sagot ni Defensor ay hindi maayos na paliwanag, hindi detalyadong depensa, at lalong hindi pagsagot sa ebidensya. Sa halip, naglabas siya ng galit na tirada laban kay NBI Director Melvin Matibag at inatake pa ito nang personal, tinawag na “bobo” at “tanga,” habang pinipilit na pulitika lang daw ang lahat. Pero heto ang problema: hindi mura ang sagot sa blueprint. Hindi insulto ang sagot sa dokumento. At lalong hindi drama ang sagot sa kasong qualified human trafficking na inihahain laban sa’yo.