𓃠 أوته طعمية ✗♡✗♡

نسمة بتحكي إنها اتجوزت من 18 سنة في شقة مساحتها 80 متر في شبرا، واستحملت ظروف صعبة وشجعت طموح زوجها، وانتقلت معاه لدولة غريبة، ومشت جنبه خطوة بخطوة، لحد ما قدروا يشتروا بيت الأحلام في أمريكا من 3 سنين. 18 سنة قضتهم في رعاية زوجها وأولادها كربة أسرة كل حلمها تشوف أسرتها أحسن ناس في الدنيا، لكن في النهاية انفصلوا واتطردت من بيتها، وخرجت من التجربة بجملة قالتها بقهر: البيت اللي كنت بقول عنه بيت الأحلام والعوض طلع مش بيتي نسمة بتمثل ستات كتير عاشوا عمرهم بيقدموا من غير ما يحسبوا حساب المقابل ولا تفكير في أمان مادي زي أمهاتنا وجداتنا على أمل إنهم لما يكبروا بيلاقوا السند والتقدير، وإن كل اللي قدموه يفضل ليه قيمة ومكان في قلب أزواجهم لكن المقابل كان التخلي عنهم، وكأن صحتهم وعمرهم وأحلامهم وتضحياتهم مالهاش أي قيمة، وكأنهم مطالبين يبدأوا حياتهم من الصفر بعد ما استهلكوا أجمل سنين عمرهم في بناء حياة لغيرهم. يمكن دة يخلينا نفهم ليه الجيل الجديد من البنات عايز يشتغل ويبني كارير أو يبدأ مشروعه الخاص ويكون عنده استقلال مادي قبل ما يفكر في الزواج. نسمة واللي زيها فطرتهم على العطاء والتنازل عن أحلامهم عشان أزواجهم ينجحوا، لما ما لاقوش اللي يسندهم أو يقدر تضحياتهم، اللي شافوهم وهم لسة صغيرين خافوا واتغيرت أفكارهم. هو في النهاية رد فعل بائس لفعل قبيح. Amel Elashmawy✍️