أورا (Aura)💗

الاربعاء يوم عطارد القمر في القوس ومن بكره ينسجم مع الزهره والمريخ والمشتري و مع رجوع عطارد والزهره مباشرين بعد كم يوم نبعد شوي شوي عن الحيره والتوقف لو في دوره او شغل او فكره بالك فيها لكن تخافين تبدين فيها هالايام وقتها مناسب المريخ في الاسد يعطيك جراه اكثر والزهره في الميزان المفروض ترفع معاييرك في الحب والعلاقات وحتى اختياراتك اليوميه
يعني مثلا ما عاد ترضين بشخص يعاملك اقل من قيمتك عشان تحافظين على العلاقه خلاص المفروض تعلمنا كثير من التراجع 
 🌸💗🌸💗🌸💗 #اورا

القمر بالقوس لين بكرا بالليل للتناغم مع هذي الطاقه اطلعي من منطقة الراحه وجربي شي جديد🌸💗🌸💗🌸

القمر في العقرب يقترب من تربيع المريخ في الاسد 
التربيع يكتمل الليله الساعه 9:45 وانا لنفسي الكشف والمواجهه صاروا الردي 😄 🌸💗🌸💗🌸💗

بعد القمر الجديد وبالاسابيع الجايه تبدا مرحله ممكن تستمر لين النص الاول من ٢٠٢٧ فبيت الاسد بخريطتنا الميلاديه وبالبيت اللي يمثله لازم نسوي تنظيييف و ترتيب وروتين او عاده او شغل او علاقه او وضع لازم ينتهي والاحسن اننا احنا اللي ننهيه مثلا للعذراء الاسد هو البيت الثاني عشر وهناك ممكن العذراء تميل للهروب من المسؤوليات ومن واقع حياتها او تدخل دور الضحيه والتضحيه الزايده وتقول حياتي كذا وما فيه حل او تتورط بعادات سلبيه و تأذي نفسها او تماطل وهذي ظلال البيت الثاني عشر اللي العقده الجنوبيه تميل تبقى فيها لكن مع المريخ والمشتري راح يكون فيه شجاعة للانفصال عنها وممكن موقف يصير ونحس فيه اننا ما نقدر نكمل كذا ولازم نغير الوضع بسرعه ومع الزهره وعطارد المتراجعين بالعقرب عرفنا وش التغييرات اللي لازم تصير وايش الاشياء اللي ما تنفع فارجعي لقبل هالرجعات بشهر تقريبا وشوفي وش الشي الي تعرفينه الحين وما كنتي تفكرين فيه ايامها وش معلومات جديده عندك وش حوار او نقاش صار وايش علاقات رجعت او انتهت و على اساسها هالتغييرات بتعرفين و الي لازم تسوينه عشان تنفصلي من الاشياء الي ما تبغينها و ما تخدمك 🌸💗🌸💗🌸💗 #اورا

الاثنين ٩ نوفمبر الساعه ١٠ و ٢٠ دقيقه صباحا بتوقيت الرياض👇🏼 المحاق الجديد بالعقرب يجي مع اقتران المريخ والمشتري والقمر بالعقرب غير مرتاح فنحس بضغط نفسي هاليومين والثلاث مثلا تحسين بحساسيه زايده من كلمه او تصرف من شخص او تتذكرين اشياء قديمه و احداث حصلت لك كانت موجعه كثير طاقات مكبوته ممكن تطلع لان العقرب يخلينا نبحث عن الحقيقه ونخاف من الخيانه والرفض والفقدان ونخفي مشاعرنا احيانا ممكن تسكتين وانتي قلبك ملياااان وهذا ما يعني ان القمر سيء بس ان التعبير عن مشاعرنا فيه اصعب الحلو فيه انه ممكن يقوي ولأنه محااق اعتبريه بدايه جديده بعد نهاية شي قديم و خليه وقت للتخلي و ترك الاشياء الي معد تناسبك 🌸💗🌸💗🌸💗 #اورا

#الجدي #الدلو #الحوت #الجدي: المحاق ببيتكم الحادي عشر ممكن تراجعون الناس اللي حولكم وتشوفون مين للحين قريب من اهتماماتكم واهدافكم ممكن صديق يعزمكم او تجيكم فرصه تدخلون مجموعه او تشاركون بعمل جماعي وممكن تلاحظون ان صداقه صارت ابعد من قبل وان سوالفكم واهتماماتكم ما عادت مثل اول لا توزعون وقتكم على كل احد وتنسون اللي تبونه لنفسكم مثلا خففوا الجلسات اللي تطلعون منها مستنزفين #الدلو: المحاق ببيتكم العاشر وممكن يفتح بدايه جديده بمساركم المهني ممكن يجيكم عرض وظيفي او مقابله او فرصه ترقيه او تتغير مهامكم ومسؤولياتكم بالمكان الحالي الي انتو فيه وممكن ما يتغير الشغل نفسه لكن تتغير نظرتكم له ممكن مثلا كنتوا تركزون على المسمى والحين صار يهمكم تتعلمون اكثر او تشتغلون بمكان يقدر جهدكم او مكان راتب اعلى اذا حسيتوا انكم تحتاجون تغيير لا تاخذون قرار مفاجئ #الحوت: المحاق ببيتكم التاسع ممكن يفتح لكم مجال تشوفون اشياء خارج اللي تعودتوا عليه ممكن تجيكم فرصه دوره او دراسه او سفر او تلقون كتاب او شخص يخليكم تعيدون التفكير بموضوع كنتوا مقتنعين فيه يعني نقاش صدق يغيركم و يغير تفكيركم وممكن تتحمسون تختارون مسار جديد بس الحماس ذا موقت يعني حاولو تنتبهون مثلا بو ب تسجلون بدوره شوفوا محتواها ومدتها وتكلفتها وهل بتفيد هدفكم وقبل توافقون على سفره راجعوا ترتيباتها الميزانيه الخ وقارنوا وخذوا كل قراراتكم وانتم فاهمين كل شي #اورا 🌸

#الميزان #العقرب #القوس #الميزان: المحاق ببيتكم الثاني ممكن يلفتكم لموضوع مالي و ممكن تجيكم فكره او فرصه تزيد دخلكم او تلاحظون ان فيه مبلغ يروح كل شهر على شي ما تستفيدون منه مثل اشتراك او شي نسيتوا تلغونه وممكن يكون بخاطركم تشترون شي غالي وتحتاجون تشوفون هل ميزانيتكم تسمح او لا هذي فرصه لكم تنظمون فلوسكم وتفرقون بين اللي تحتاجونه واللي تشترونه عشان مشاعر لحظيه بس #العقرب: المحاق الجديد ببرجكم وبيتكم الاول وممكن تحسون معه انكم تبون تبدون صفحه جديده مع نفسكم ممكن تقررون تغيرون شكلكم او تبدون مشروع شي فيكم او تبعدون عن عاده او شخص ما عاد يناسبكم وممكن مشاعركم تكون قويه وتجيكم جراه تقولون كلام من زمان بخاطركم ممكن تحسو برغبه تغيرون شكلكم وشغلكم وعلاقاتكم كلها بليله وحده عشان تحسون انكم بديتوا من جديد عادي ايدو شوي شوي #القوس: المحاق ببيتكم الثاني عشر ممكن تحسون انكم تبون تجلسون لحالكم او تتعبون من الزحمه والكلام بزياده وممكن ترجع افكار ومشاعر من الماضي ما انحلت او تشوفون حلم يخليكم توسوسون و تفكرون بشخص سواء من الماضي او تفكرون بالحلم طول اليوم من كثر ماهو واقعي او غريب #اورا 🌸

#السرطان #الاسد #العذراء #السرطان: المحاق ببيتكم الخامس ممكن يفتح لكم فرص جديده بالمشاعر او بشي تحبون تسوونه مثلا يبين لكم اعجاب من شخص او تجيكم رساله من احد جديد او يرجع شخص ويحرك مشاعركم من جديد وممكن تتحمسون ترجعون لهوايه او تبدون مشروع فيه ذوقكم وافكاركم او ترتبون طلعه تغيرون فيها جو اعطوا نفسكم مجال تنبسطون بس انتبهوا من حماس اللحظه و لا توافقون على شي مو مريح لكم بس عشان الشخص عاجبكم ولا تصرفون فوق قدرتكم عشان طلعه او متعه مؤقته #الاسد: المحاق ببيتكم الرابع وهو بيت السكن والعايله ومع تربيعه للمريخ والمشتري ببرجكم ممكن يصير شد بين اللي تبونه وبين اللي مطلوب منكم بالبيت ممكن تكونون مرتبين ليومكم واهلكم يطلبون منكم مسؤوليه اضافيه او يبدا خلاف على السكن او ترتيب البيت او الاهتمام باحد من العايله وممكن تفكرون تغيرون الديكور او تنقلون لمكان ثاني او بس تعيدون ترتيب غرفتكم عشان ترتاحون فيها اكثر لو في نقاش ابتعدوا عن النقاش شوي وبموضوع البيت ابدوا بتغيير بسيط مثل ترتيب زاويه او تغيير لون بدل ما تدخلون بكل التغييرات دفعه وحده #العذراء: المحاق ببيتكم الثالث ممكن يجيب لكم فكره او معلومه تخليكم تشوفون شي ما فكرتوا فيه قبل ممكن تصير مكالمه مهمه او اجتماع او مشوار قصير او يبدا نقاش مع اخ او اخت او احد من الاقارب انتبهوا لطريقة كلامكم خصوصا اذا الموضوع فيه زعل ولا تعتمدون على اي معلومه اليوم و اذا وصلكم كلام عن شخص تاكدوا منه قبل تواجهونه او تنقلونه لغيركم #اورا 🌸

#الحمل #الثور #الجوزاء #الحمل: المحاق ببيتكم الثامن وهو بيت القرب العاطفي والثقه والفلوس اللي بينكم وبين غيركم ومع تربيعه للمريخ ممكن تطلع المواضيع الي كنتوا ساكتين عنها اي شي مالي مثل الديون او الاقساط او مصاريف بينكم وبين الشريك وكل طرف يشوف ان الثاني مقصر وممكن تنتبهون لتصرف ما كان واضح لكم او يكون شخص وعدكم بشي و ما اوفى فيه حتى الغيره او التعلق بشخص ممكن يزيدون اليوم #الثور: المحاق ببيتكم السابع وهو بيت الشريك والعلاقات والتعاون وممكن يخليكم تشوفون علاقه بحياتكم بطريقه مختلفه اليوم او بالايام الجايه ممكن تشوفون كلام جدي مع شريك او خطيب عن مستقبل العلاقه ووش ينتظر كل واحد من الثاني ووش التوقعات وممكن يجيكم شخص من الماضي يبي يناقش موضوع بينكم هنا عندكم فرصه تراجعون توقعاتكم وتفهمون وش يحتاج الطرف الثاني بدل ما تتوقعون انه يفهمكم من نفسه او تحاولون تمشونه على طريقتكم مثلا قولوا له وش تبون واسمعوا وش يبي هو بعد يمكن تكتشفون ان فيه حل يرضيكم الاثنين بس ما تكلمتوا عنه من قبل #الجوزاء: المحاق ببيتكم السادس ممكن تلقون نفسكم محتاجين ترتبون جدولكم من جديد ممكن تتغير مهامكم او يجي زميل جديد او تنطلب منكم مسؤوليه زياده وممكن تحسون ان نومكم او اكلكم يحتاج اهتمام اكثر منكم او تتحمسون تبدون رياضه وتنظمون يومكم بس لا تحطون لانفسكم جدول مليان وتتوقعون تلتزمون بكل شي #اورا 🌸

توقعات اليوم الاثنين ٩ نوفمبر ٢٠٢٦ 🌷