فاصلة |

مرت سنتين من يوم بدينا الشغل على مشروعنا @AhadNetwork واللي غيرنا اسمه لـ فَيّ، ولأني مواصل وجالس انتظر اجتماع بعد ساعتين، خلوني اسولف شوي عنه.. بتكلم عن #الإدارة_المالية و #الامتثال_الضريبي و #الشركات_الناشئة في السعودية. وإن شاء الله ما أثقل عليكم 😅 -------------------- من أيام دراستي في الجامعة، وأنا اشتغل مع شركات صغيرة. وأول وأكبر مشكلة دايم ألاحظها عند الشركات كانت في الإدارة المالية. طبعًا ما أقدر ألوم صاحبـ/ـة المشروع لأن المحاسبة غثيثة وهي شغله بعكس التسويق مثلاً، ماراح تعطيك نتائج سريعة وواضحة (عملاء، أو انتشار..) لكن لأن تخصصي محاسبة، اعرف أنها للشركات الصغيرة -خصوصًا في البدايات- ممكن ما تكون قيمتها واضحة. ولكن لأنها تراكمية، موضوع التصحيح في المستقبل أو بعد ما يطيح الفاس بالراس صعبة هذا إذا ما كانت مستحيلة. كان دايم في بالي فكرة توظيف التقنية والأتمتة لحل هالمشكلة. بحيث يقدر صاحب المشروع أنه يدير أموره المالية من خلال برنامج باشتراك بسيط بدون ما يدخل في تعقيدات الأنظمة المحاسبية والمحاسبين وتكاليفهم اللي ما تناسب المشاريع الصغيرة أو بعدد عملياتها القليل. وقبل لا يزعلون المحاسبين والأنظمة المحاسبية، الهدف مو استبدالهم أو إلغاء الحاجة لهم. ولكن تسهيل الوصول لهم والاحتفاظ بالبيانات المالية لحين حاجة اصحاب المشاريع لهم. جزء كبير من الأعمال المحاسبية الروتينية من الممكن أتمته ولكن يصعب أو حتى يستحيل استبدال خبرة ومعرفة المختص. وفقني الله بفريق مؤسس أكثر من رائع، استقرينا على أننا نبدأ بالمشروع، ويكون تركيزنا على إدارة العمليات المالية وإدارة الضرائب للأفراد والشركات الصغيرة والمتوسطة. اللي انجزناه حتى الآن: 1) بنينا أول نظام تحقق من المعالجة الضريبية للعمليات - الأول في السعودية وممكن المنطقة - يساعد صاحب المشروع أو المحاسب اللي ما يعرف اي شي في الضريبة على التأكد من المعالجة الضريبية. صاحب المشروع يصير يقدر يدير أموره بشكل كامل، ولو صارت عنده تساؤل يعرف بالضبط عن أيش يسأل. 2) أطلقنا نظام معالجة العمليات المالية من خلال الربط مع منصات البيع والمشتريات وأنظمة المحاسبة. بحيث أن صاحب المشروع يصير عنده قدرة للوصول للمعلومات المالية اللي يحتاجها اليوم أو ممكن يحتاج لها في المستقبل. 3) وضعنا معايير للتقارير الضريبية التحليلة والتفصيلية اللي يصدرها النظام بشكل آلي، وممكن يصدرها صاحب المشروع أو يشاركها المحاسب أو المستشار مع عميله تكون أكثر احترافية ووضوح، وتساعد في ابراز الجهد اللي وضعه المستشار في التقرير الضريبي. 4) اختبرنا النظام مع أكثر من 250 مستشار ضريبي ومحاسب، لتحقق من دقة التقارير وجودتها. والحمدلله كان التفاعل ايجابي ساعدنا على التطوير والتحسين، وكثير من المكاتب انظموا معنا. 5) وقعنا عدة شراكات مع منصات وأنظمة للتعاون المشترك فيما يخص إدارة العمليات أو توفير منتجات الامتثال الضريبي لعملائهم، أو مساعدتهم في أتمتة عملياتهم المالية وحوكمة إدارة الضرائب خصوصًا لمنصات الوساطة، أو في الربط بين منصات البيع وأنظمة المحاسبة. لا انسى أن اشكر فريق فَيّ على مجهوداتهم واللي كان السبب بعد الله لتحويل هذا الحلم لحقيقة. وأيضًا المستشارين الماليين والمتخصصين الضريبيين الذين لم يبخلوا علينا بتوجيه أو نصيحة أو اقتراح. ولا أنسى المنصات والأنظمة التي تعاونت ورحبت بالعمل المشترك من اليوم الأول @QoyodAPP @zidappcom @Baeynh @DaftraERP @SallaApp وغيرهم ممن سيتم الإعلان عن التعاون معهم في القريب بمشيئة الله تعالى. ------- إذا حاب تجرب نظام فَيّ عشان تستخدمه أو تعطيني رأيك واقتراحاتك تقدر تسجل في النظام وتستفيد من فترة التجربة المجانية، وخصومات فترة اقرار الربع الثاني. app.fai.sa/auth/signup