FHD

خلوني اخذ مع دروب الخلا سجه البر عندي طبيب القلب وعلاجه

ضيقوك وجابو اقصاك يالصدر الرحوب كل ماراحو وعادوا على نفس السؤال طال صبرك وانت من دونك النور محجوب تنتظر يوم الفرج من هلال إلى الهلال احسب لك حسبة الصايم لوقت الغروب كن ممشى الوقت ممشى محاميل الجمال ياكثر ماتلزم الصمت وعيونك تنوب لحظةٍ فيها لسانك رهين الأعتقال - جابر النشيرا

سلام الله على ظلم الفراق وقسّوة الأيام عسى ربي يسهلّ لك طريقك وتحيا وتدوم رح ووجهك بياضه من بياض الصبح ماينلام وانا من مدّة ايدين البخت يرضيني المقسوم وش بيدّي وقف حظ الفقير وماتت الأحلام إذا حبّك من أوّل يوم وفراقك من أوّل يوم

الغالي اللي عليه الشّوق ذابحني أقفى به الوقت لا جاني ولا جيته

العـيد ذا جزءٍ من العيد مفقـود معـيّـد .. وطيّـب ولا ني بـطيّب على ولـيف ٍ دونـه حـداد وحدود فـرقـاه خـلتهم يقـولـون شيّـب متى تشوف عيـوني عـيونه السود وواجـهه واعـايـده مـن قـريّـب

انا ضحية عيد .. غير الضحايا ضحية الفرقا مع دخلة العيد ودي بصوته اموت به واتحايا اكلمه واقوله .. عيدك سعيد اخاف يفشلني واقوم اتعايا وتنشب بني الكرامه في بني كيد الناس من دون الكرامه حذايا ومراضاة حوا صيد ونفوسنا صيد علي بن حمري

أشهد ان المفارق من عظيم  البلاوي مير هذا نصيبك يالعيون  الشقيّه أتجلّد و أقول أنّي على البعد قاوي و الله أعلم بقلبٍ فيه الأشواق  حيّه كيف راحت يابو تركي حياتي شقاوي وين درب السعاده و الحياة  الهنيّه ليت لأهل الهوى و الحب قاضي دعاوي كان أداعي عيون اللي فراقه خطيّه

حاولت أسوي نفسي إنسان عادي ما هزني فرقى ولا ضامني شوق بس اكتشفت إني مع الوقت غادي قلبي من الحرمان والبعد محروق

يانديم الليل ما للصّبح صيت وش جرى في شمس بكرا وش جرى ؟ اتحرى الشمس تشرق ما غفيت واستكن الليل والسَّاري سرى لا تراخى جفن عيني للمبيت هاجرت من موقه ، طيور الكرى تعتريني لهفة الشوق المميت في غضون السّاعة اثنعْش وورا

أه من قلبٍ عيوفٍ تولع في عيوف لين صدة بالهوى عن طريقه وحرفه العيوف اللي عيوني لغيره ماتشوف جادلٍ مطغيه عقله وزينه وترفه العيوف اللي وداده يلوف القلب لوف لوف عاصوف الهبايب لغصنٍ بشرفه في محلٍ بينٍ للزوابع والشعوف كل ماهب الهوى قام يومي بطرفه

كان في قلبه لقلبي محنية يدري ان الحال عقبه مهوب اللي وكان لي عنده علوم خصوصية حضنيها يالهبوب احتراما لي وارسليها عبر الاقمار سرية هو طبيبي والرسايل علاج لي ولا يواخذني على قلة الجية ود عيني مير ما هو بجاي لي -عبدالله بن عون

واليا هنا علقّتها فوق معلاق وسليت سكين الخيانه ياكافي ودعتك النسناس ياورد الأشواق كرامتي تحكم علي بأنصرافي قطفت منّك ما تهيّا وما لاق ورميت باقي ذكرياتك خلافي لا دمعة طاحت ولا خاطر ضاق ماقول غير اللي على البال كافي واليوم في تسعه وتسعين طقاق قلبي كذا طبعه اليا عاف عافي

الليالي عيفتني وأنا طبعي عيوف لين نفسي فضلت صبرها وسكاتها شي من حدة مزاجي وشي من الظروف ومتشبع من ضجيج البشر وأصواتها

البارحه ربي كتب لي ومريت درب عليه بروق الأحباب لاحت جيت المكان اللي جمعنا وخفيت وقامت جروحي للجوارح وصاحت يا ليتني في لفة الدرب زليت كان العيون من الدموع استراحت ألتم غيم الدمع من يوم لفيت وورقا القصيد لشوفة الغيم ناحت وضحكت ما ابغي الناس تدري يابلفيت لكنها غصب على العين ساحت

عفى الله عن صدرٍ من الوقت لو ينهار مايشكي معاناته على بعيد وقريب ليا حس في حزنه توارى عن الانظار ولا يوقع من همومه وضيقه قريّب معه قلب ذيب ونفس طير وعزم واصرار ومعه حسن خلق لا يعذرب ولا يعيب لو تحطه الاقدار ما بين نار وغار ماهوب متردي كان ماهوب متطيب

لا تمد كفك للكفوف الرديه ولا تسوق رجلك للذي مايدانيك وخلك خوي ما يخلي خويه وفزع لمنهو جاك بالضيق ناخيك وخلك كريم وافيٍ بالعطيه والطيب والاحسان اول مباديك

يا بنت أنا قلبي من البعد محروق لا تحسبين أني قطعت العلاقه محبتك في القلب وابراجها فوق تشيل صوت اسمك وحلم الصداقه محبتن ما شالها كل مخلوق بطاقتن يا حيها من بطاقه يسوقني طاريك لمشاهدتك شوق وأشفق على لمست يدينك اشفاقة -تركي الميزاني

انا واحدٍ يضحك حجاجه وصدره غلْق يبي ضحكته وظروف الأيام مانعته تحدّه على جور الليالي وبعض الخلق وهو يدري إن الناس ماهيب نافعته تدور الليالي بين ضيقه ، وعبرة حلق وانا الطيب اللي دورة الوقت موجعته أجامل وانا دمّي حياوي ووجهي طلق وصبري بـ صدري لا شريته ولا بعته

ياصدري احنك عن الضيق وتضيق الى متى ذا الحزن ياصدر قلي ياصدري الدنيا حظوظ وتوافيق وانا من الثنتين ذي ما حصلي لو ان حظي مثل حظ المرازيق ما كان عود بي على طير ياللي ماني بشاكي ضيقتي للمخاليق اخاف احد يدري بكثري وقلي - سالم بن جخير

وانا عرفت اميّز الطلقه من اول ماتثور وانزل العالم منازلها صدر ولا طرف واردها رد الكريم اللي مايلحقه القصور لو كان راعيها من اللي لا ضمير ولا شرف يالله عليك ولا على هقوة يبور ولا مايبور اليا طغو كيالة الميزان والعدل انحرف - مزيد الوسمي

ياوقت من يامن سهوم المقادير لابد من فوقه تجر الحدايا صبرت مير الصبر معاد به خير والوقت … لوعاته تبد الخفايا وقلبي اللي فيه مثل المناشير وصارت عروقه من همومي ضمايا اردد الونه من عصير لعصير واخذ على روحي لروحي وصايا