نويحي البديري . .^

المرسل : منتصف العمر .. المستلم : باقي العمر : من ركضت بليلتك يا كبري وماسكً روحي بقلب ذراعي كنت اعض الثوب بأول عمري ما دريت اني بعض اصباعي الحياة تجرّني من صغري ليتني اكبر انا و اطباعي السنين تمر روحي عِبري وعبرتي تقنب بوسط تلاعي عبرةً لو ذيبها بي يسري كان يرثع بالغنم والراعي تايه اللي جاب اخر صبري ماصبر حتى تزين اوضاعي ! من يجيب لغيم عمري قمري؟ ومن ينوح ومن يبلل قاعي؟ ياعُمر لو مرّ وسمك بدري ما قسيت الا على مرباعي والشعيب اللي زرعته عثري حنضلك ياكل ورق نعناعي كل ما قامت رياحك تجري قمت تلوي في هواك شراعي وش بقى لك من حياتي مدري ! من بصفّك من بصفّ الناعي ! من يفتّش في مخابي صدري ما يلاقي .. غير انا و اوجاعي نصف عمري راح … وباقي عمري يشبه اللي راح .. ماله داعي ! سامي الفروان