مبارك بن وافي

كم تمنيتك تجي فالحلم مره جعل جنات الوليّ داري ودارك عاد بيتك فيه من ماطاك جره وعادني ببقى على حلم انتظارك ما دفنتك بالرمل مثقال ذره يوم كلٍ عند قبرك جا مشارك كن به صوتٍ من القبر يتشرّه كيف تدفن من يحبّك يامبارك

وين انت ياللي غيبتك تنهك الحال راحت بنا الايام ما هب نودك عايش معي ما غبت لحظه عن البال ماهوب ناقص غير لحظة وجودك لا زلت في بالي تبختر وتختال اغمّض عيوني وينشاف عودك القلب من بعدك على بابه اقفال هذي مداهيلك وهذي عدودك والروح كنّها بعد ما حزنها طال غارت عليها سربةٍ من جدودك

فقدته وعاد وصله باقي فـ طيفه و غلاه خلف الضلوع الناحله طابع كانه بغى الروح ماني مونسٍ خيفه متنازلٍ له وابصّم عشّر الاصابع في عقده الثالث وحسنه تواصيفه تبقى لو أنه تعدى عقده الرابع تبعته إلين مشّاني على كيفه واللي مثل عزتي حاشا يجي تابع

يوم شفته عوّدت روحي لـ حضن الحياه ،، مير كنّه ما بغاني وانا حالي كما : ظاميٍ يبحث عن البير يروي له ظماه ويوم وصلْ لـ جمّة البير مات مْن الظما

" راكد وعقلي من الثقل يسوى له ديار " غير لا جتني علومك بدى عقلي يحوص في قصيدي لك مكان وعناوين ووقار " انتي الاحساس والوزن في كل النصوص " " لا غفت عيني من النوم ولّا الشوق جار " صار وجهك في منامي وفـ وجيه الشخوص " انتي اول لص اعرفه سرقني في نهار " وانا احسب الليل لا حل منجاة اللصوص " حبك اشوفه بحر ما يجيب الا الدمار " و مات في حبك غريقٍ يحسب انه يغوص

يا بو رموشٍ مضاربها مضارب سيوف لك سيرةٍ بيننا للناس ما أقصّها سرقت روحي ومن دمي خضبت الكفوف في ليلةٍ كان رمشك حضرته لصّها عزالله اني احبك لو تشين الظروف و غلاتك القلب يحفظها ولك خصّها وشلون تتركني مصوّب وعينك تشوف طريقتك والله ان الشرع ما نصّها