سَردِيءَ سالِمُ نَہ رَھان، گَرمِيءَ ٿِيان گُدازُ،
اَمُنُ ڏيجِ اَمانُ تُون، سائِلُ ھَڻي سازُ،
رَبابِيءَ کي رازُ، ڪو خالِقَ ڏيجِ خَلِيلَ جو.
bhittaipedia.org/sur-sorath/…
لَڙُ مَ لاڙائُو ٿِئو، ھَلِي ڪَرِ ھِمَٿَ،
سِڄُ سامُهُون مُنھَن ۾، ڪَھَ ۾ ڪِجِ مَ ڪَٿَ،
سُپيرِيان جي سَٿَ، ڳاڙهي سِڄَ ڳالِهہ مِڙِين.
bhittaipedia.org/sur-hussain…
چَڱا چَنڊَ چَئيجِ، سَنِيھا کي سَڄَڻين،
اَڱَڻَ مَٿان اُڀرِي، پِريان جي پَئيجِ،
جِهيڻو، ڳالَهائيجِ، پيرين وِجِهي ھَٿَڙا.
bhittaipedia.org/sur-khanbha…
مَحَبتَ جي مَيدانَ ۾، سِرَ جو سانگُ مَ ڪَرِ،
لاھي سِرُ لَطِيفُ چئَي، دوسِتَنِ اَڳِيان ڌَرِ،
عِشقُ نانگُ اَپَرِ، خَبَرَ کاڌَنِ کان پَئي.
bhittaipedia.org/sur-jaman/d…
اَکِيُنِ پانھِنجي مَتِ، پاڻَ سين پاڻِهين ڪِي،
اُتي وَڃِي اَڙِيُون، جِتي جانِ کَپَتِ،
نَہ ڪا ڳالِهہ نَہ ڳَتِ، جِيءَ ڏِني ريءَ نَہ جُڙي.
bhittaipedia.org/sur-aasaa/d…
ھَئَي ٻَرِ اڱارَنِ ٻَڏائِين ٻَرَنِ جٖي،
ھِڪِڙا کُوري کانيا، ٻِئو ڌُوڌي مَنجِهہ ڌَڳَنِ،
اَڃا لُھارَنِ، ميڙي رَکِئا مَچَ لَئي.
bhittaipedia.org/sur-jaman/d…
گُوندَرَ ھَٿَ نَہ پيرَ، وِرھُ مَنجِهين وِھَڻو،
ڪُڙِه ۾ قَطارُون ڪَري، سُورَنِ لايا سيرَ،
مُون جِيئَن گهاري ڪيرَ، ھيڪَلِي ريءَ سَڄَڻين.
bhittaipedia.org/sur-ripp/d-…
مُٺِيَسِ جَهلِ مَھارَ، ڪُٺِيَسِ ڪاھِ مَ ڪَرَھو،
مُون نِماڻِيءَ جي نِجُهري، ڀيرو ڪَرِ ڀَتارَ،
ساجَنَ تُھان ڌارَ، ڏِٺُمِ ڏِينھُن قِيامَ جو.
bhittaipedia.org/sur-desi/d-…
اُٿِيارِي اُٿِي وِئا، مَنجهان مُون آزارَ،
حَبِيبَ ھَڻِي وِئا، پِيڙا جِي پَچارَ،
طَبِيبَنِ تَنوارَ، ھَڏِ نَہ وَڻي ھاڻِ مُون.
bhittaipedia.org/sur-kalyan/…
وَڻَنِ ويٺا ڪانگَ، وِچِين ٿِي ويلا ڪَري،
گِهڙِي گهَڙو ھَٿِ ڪَري، سُڻِي سانجِهيءَ ٻانگَ،
سيئِي ڍُونڍي سانگَ، جِتي ساھَڙُ سُپِرِين.
bhittaipedia.org/sur-suhni/d…
واڍوڙِيَنِ وائِي، سَدا آھي سُورَ جِي،
جيڪا اَٿِنِ مَنَ ۾، سَلَنِ نَہ سائِي،
اوڙَڪِ اِھائِي، ڳولِئَو ڏِسَنِ ڳالِهڙِي.
bhittaipedia.org/sur-jaman/d…
سَگَهنِ سُڌِ نَہ سُورَ جِي، تَہ گهايَلَ ڪِيئَن گهارِينِ،
پِئَلَ پاسو پَٽَ تانْ، واڍوڙِئا نَہ وارِينِ،
پَر ۾ پَچَنِ پِرِينءَ کي، ھَئَي ھَنجُون ھارِينِ،
سَڄَڻُ جٖي سارِينِ، تَنِ رويو وِھامِي راتِڙِي.
bhittaipedia.org/sur-jaman/d…
سُورِي سِينگاري، اُڀِي عاشِقَنِ کي،
لُڏِئا ڪِينَ لَطِيفُ چئَي، ٿِئا نيزي نِظاري،
ڪوٺِئو ڪِناري، آڻِئو چاڙِھي اُنِ کي.
bhittaipedia.org/Sur-Kalyan/…
مُنھِنجو تُورُ تَلِيُنِ ۾، آئُون ھِتِ بَندِياڻِي،
مُون ڏاڏاڻي ڏيھَ ۾، ڦَرِھَ ۽ لاڻِي،
ڪَندِيَسِ رِھاڻِي، مارُوءَ پاسِ مَلِيرَ ۾.
سائِينمَ! سَدائِين ڪَرِين، سِنڌُڙيءَ ۾ سُڪارَ،
دوسِتَ تُون دِلِدارَ، عالَمُ سَڀُ آبادُ ڪَرِيين.
(ھن بيت ۾ ٻہ سٽون اوھان ڪٿي بہ نہ پڙھيون ھونديون. اھي ڏسڻ لاءِ ھيٺ ڏنل لنڪ تي وڃي ٻڌائي سگهو ٿا تہ اھي ڪھڙا ماڳ آھن جيڪي لطيف ڳايا آھن پر اڪثر شارحن نہ)
bhittaipedia.org/Sur-Sarang/…
اوھان شاھ عبداللطيف ڀٽائيءَ جي شاعريءَ تي ٿيل ڪم (يعني شاھ جي گنج کان ڀٽائي پيڊيا تائين) جي ٽائيم لائين ڏسڻ چاھيو ٿا؟
تہ ڪھڙو ڪم ڪڏھن ٿيو؟
ھتي ڏسو:
bhittaipedia.org/timeline
#Bhittaipedia
ڀٽائي پيڊيا جا ڪجهہ اھم فيچر: (ضرور پڙھجو)
1. گنج کان ويندي ھڙني معتبر مرتبن، محقق ۽ شارحن جا ترتيب ڏنل رسالا ٽيڪسٽ جي شڪل ۾ آن لائين رکيا ويا آھن.


















