يالله مساء خير رجعنا يعني لنفس الموضوع يعني ؟ ماتطفشون ماتملون ؟ ياخي تراكم اقرفتونا بهالسالفه ماعندكم الا المنقبات تتكلمون عنهم مين اللي شاكي لكم حالنا الحين ؟ شيء انا مستغربه منه صراحة وكثير صاير يطلع بكثررره ليه النقاب واجب وليه وليه وليه ويلا نقمع النقاب والمنقبات متعذبات ويعانون ويادافع البلا مخلينها قضيه وهي بسيطه ليه التهاويل الحين ؟ كل شخص ويسوي اللي يبغاه تبغين تصيرين محجبه صيري ولا تزعجيننا بتفصخين الحجاب افصخيه وانتي ساكته ، النقاب يكتم والنقاب مدري وش فيه ويطلعون فيه الف عذروب وعذروب مو انتم تقولون " خلوا كل واحد يختار على راحته " هذي حياتنا طيب ليه المحجبات مخلينها حريه شخصيه والنقاب عذاب و فرض مافهمت صدق ليه مسببين فوضى على غير سنع انا كمنقبه مرتاحه مبسوطه بحياتي الحمدلله لا هو عائق ولا هم يحزنون طيب يلا خلونا نفترض انه عادات وتقاليد وتحت الضغط والغصب لاجاء يوم الحساب ومقابله الله عزوجل جيته كمنقبه وجاء ربي قال النقاب مو واجب الواجب هو الحجاب زين هل انا راح اُعذب ؟ هل راح اخذ ذنب ؟ لا بأختصار طيب لو صار العكس ؟ والنقاب صار فرض جيتي انتي ياللي تقولين ان النقاب عادات وتقاليد كم منقبه دخلتي وشيشتيها على النقاب كم منقبه دخلتي هذي الافكار براسها ومشت على كلامك انتي متخيله انك راح تاخذين ذنوب كل وحده رحتي تصايحين عندها عشان " النقاب " مثل ما ازعجتونا فصخ الحجاب تحت مسمى " حرية " برضوا المنقبات " حرية " هل فيه مانع ؟ الله يعافيكم ولا يبلانا بس ويشغلكم بانفسكم يارب ويكفينا شركم