ماهر

يا غرام اللي تولع في غرامه لا يجي وجه القشر بينك وبيني اصدق اللحظات واكثرها ملامه ساعةٍ فيها يدينك في يديني #ماهر

الشوق في طرقته كتله ورى كتله من بين عوج الحنايا لاح براقه مره اخليه عمد ومره انصت له حتى لو ان المشاعر معه منساقه ولياء طرى لي من عيوني تلافت له سامرتها غصب لين أفرغ الطاقه #ماهر

يا غايتي قلبي من الشوق مالومه على رجاءً شوفتك يرسل ويستقبل ترى المشاعر لها شهرين محرومه والصيف طوى شراعه والشتاء مقبل #ماهر

الشاعر اللي هايمٍ بك من قديم احيان مايحتاج ثقل ولا خجل للحب لذه فالطريق المستقيم لكن ماهو دايم الواحد عجل اللي يشوفك وانت والله العظيم ما شفت مثل عيونك السود النجل ردفك خطير وخصرك مسوي رجيم تقول يلعب من تحت خصرك زجل يطمع بك اللي في ذراه اربع حريم وشلون عاد اللي لاكرت ولاسجل م

للحب قيمة واضحه بين الاثنين لا صار كلٍ غايته .. محتويها ماهو حرام الحب يأهل القوانين لو لامسة حتى يدينه ! يديها مالذ منها شوفة العين للعين ساعة يذوب القلب منها وفيها المشكلة من وحدهٍ وجهها زين وأخلاقها وأسلوبها لك عليها 🏃🏽 #ماهر

مانيب من كثر الهواجيس مبسوط محتاج لي عزله و فاتح شهيه 🥴 #ماهر #صباح_الخيـر

صابني قولون من كثر القصائد دورو لي بيت يكفي عن قصيده #ماهر #صباح_الخيـر