Bassam Farah

وزير الاقتصاد الأسبق سامي حداد عن أموال المودعين: الدولة ما معها تردن والمودعون هم طبقة ميسورة لأن أصحاب الدخل المحدود ما عندن قرش بالبنك.. الدولة بدا تعطي مصاري للميسورين؟

أعلن إعتكافي في هذه المرحلة، عن حضور جلسات مجلس الوزراء، إلى حين تحمّل الحكومة مسؤولياتها تجاه قطاع الطاقة والتعامل الجدي مع الطروحات المقدمة والمطالب المحقة لضمان استمرارية الكهرباء وحماية المواطنين من أعباء إضافية. #جو_الصدي

بخصوص مفهوم العزة والكرامة. (المغلوط) كل ما نحكي بالسياسة، وبموضوع ربط الجبهات، بيطلعلك حدا يقلك: "ذليل، خانع، مستسلم، نحن بدنا العزّة والكرامة". طيب، عنجد حابب أفهم: شو يعني عِزّة وكرامة؟ اشرحولنا. اللي صار وعم يصير بالجنوب، عِزّة وكرامة؟ التهجير عِزّة وكرامة؟ إنك تهرب من بيتك الساعة ٢ أو ٣ الفجر من وراء أوامر إيرانية، مش عارف وين بدك تروح، وين بدك تنيم ولادك وعيلتك، وما معك حتى القدرة تستأجر… عِزّة وكرامة؟ إنك تكون عندك أرضك، بيتك، شغلك، تجارتك، محصولك وإنتاجك، وتعيش معزّز ومكرّم، وبعدين يتهدّم كل شي بحجة «القضية» و«البوصلة»… وتعيش بمدرسة او كونتينر عِزّة وكرامة؟ لما كانت أرضنا محررة، وكانت حدودنا البحرية محددة، وكان في اتفاقات وفرص اقتصادية وغاز، وكنا عم نحاول نبني حياة ودولة واقتصاد… هول ما كانوا عزّة وكرامة؟ العزّة والكرامة مش إنك تدمّر حياة الناس كرمال شعار. العزّة والكرامة إنك تعيش حرّ. إنك تكون آمن. إنك تملك قرارك. إنك تشتغل وتنتج وتعيش من دون ما تكون محتاج لحدا. إنك تكون قادر تحمي عيلتك وأرضك ومستقبل ولادك. وبالنسبة إلي، ما بقبل حدا يجي يعرّفلي العزّة والكرامة على قياس مشروعه السياسي أو العقائدي. وحتى إذا طرفاً ما حررك أو رفع عنك اعتداءات بمرحلة معيّنة، هيدا ما بيعطيه حق أبدي يقرر عنك، ولا بيعطيه حق يرجّع عليك الضرر متى ما قرر هو او وليه! اللي بيمدّ إيده ليساعدك ما بيصير مالك قرارك. واللي بيحميك ما بيصير وصيّ عليك. أما إنك تبرر كل حرب، وكل تهجير، وكل دمار، وكل خسارة، وتسمّيها «عزّة وكرامة» لأن في جهة قررت إنها تخوضها باسمك… لا حبيبي. هيدا لا عزّة ولا كرامة. هيدا خضوع لإرادة غيرك، وتدفّع الناس ثمن قرارات ما اختاروها. العزّة الحقيقية إنك تكون حرّ بقرارك، كريم بعيشتك، آمن ببيتك، عم تشتغل لمستقبلك وقادرين نحدد مصيرنا ومصير بلدنا.

الرئيس جوزاف عون عرض مع وفد من مؤسسة عبد الرحمن الحلاب الأوضاع الاقتصادية عموماً، وفي الشمال خصوصاً، ومشاريع تطوير قطاع صناعة الحلويات، كما تناول البحث الصعوبات التي تواجه الصناعيين اللبنانيين.