Happy Diwali..... My Name is Vijay Laxmi.... నా పేరు విజయలక్ష్మి… అందరికీ దీపావళి శుభాకాంక్షలు! ఏంటి… ఆశ్చర్యపోతున్నారా? “ఈరోజు దసరా కదా… దీపావళి శుభాకాంక్షలు చెబుతున్నారేంటి?” అనుకుంటున్నారా? అవును! నేను కావాలనే తప్పుగా చెప్పాను. ఎందుకంటే ఈరోజు విజయదశమి అని మనకు తెలుసు. శ్రీరాముడు రావణాసురుడిని సంహరించిన రోజు… అసత్యంపై సత్యం, అధర్మంపై ధర్మం, చెడుపై మంచి విజయం సాధించిన రోజు! మనకు తెలిసింది కాబట్టి నేను చెప్పిన తప్పును వెంటనే గుర్తించాం. మరి మన పిల్లలకు మన పండుగల గురించి, మన ధర్మం గురించి తెలియకపోతే… ఎవరు ఏది చెప్పినా అదే నిజమని నమ్మే ప్రమాదం ఉంది కదా! అందుకే మన పండుగలను జరుపుకోవడంతో పాటు వాటి వెనుక ఉన్న అర్థాన్ని కూడా పిల్లలకు చెప్పాలి. మన ధర్మం గొప్పతనాన్ని, మన చరిత్రను, మన దేశం కోసం త్యాగాలు చేసిన మహనీయుల గురించి చెప్పాలి. మన సంప్రదాయాల్లో ప్రకృతికి ఇచ్చిన స్థానాన్ని వివరించాలి. తెలియనివారికి తెలియజేయాలి. పిల్లలు ప్రశ్నిస్తే ఓపికగా సమాధానం చెప్పాలి. మనకు తెలియకపోతే తెలుసుకుని చెప్పాలి. నిజాన్ని తెలుసుకునే వివేకం, నిజం కోసం నిలబడే తత్వం, ధర్మాన్ని కాపాడే ధైర్యం నేర్పాలి! తమ మూలాలు తెలిసిన తరం సమాజానికి బలంగా నిలుస్తుంది. చరిత్ర తెలియకపోతే ఎవరో వచ్చి చెప్పే ఆధారంలేని మాటల వెంట కొట్టుకుపోతాం. చరిత్ర తెలుసుకుంటే… ఏది నిజమో ప్రశ్నించి, పరిశీలించి, ధైర్యంగా నిలబడగలం! మన దేశాన్ని, మన ధర్మాన్ని, మన సమాజాన్ని, మన ప్రకృతిని కాపాడుకునే బాధ్యత మనందరిదీ. ఆ బాధ్యత మన ఇంటి నుంచే… మన పిల్లలకు చెప్పే మంచి మాట నుంచే మొదలవ్వాలి! అందరికీ విజయదశమి శుభాకాంక్షలు! జై శ్రీరామ్! 🚩