𝗔𝘀𝘁𝗿𝗼 ✨🔮

الحجوزات مفتوحة الحجز عبر الدايركت او التليجرام ( الرابط في البايو ) شرح كل خريطة فلكية بالتفصيل تحت الصورة و الأسعار موضحة في الصورة.

كيفكم مع تراجع عطارد في العقرب وتربيعه للمريخ والمشتري في الأسد؟🤍 هالفترة فلكيًا مرتبطة بنبش الماضي ورجوع مواضيع كنا نحسب انها انتهت، وحتى كلام ومشاعر ظلت مدفونة لفترة طويلة. عطارد في #العقرب ممكن يرجع يفتح ملفات قديمة، ومع تربيعه للمريخ في #الأسد ممكن نشوف عتاب ومواجهات وكلام يطلع بدافع الكبرياء او الانفعال. اما تربيعه للمشتري فممكن يضخم المشاعر والمواقف، ويخلي التواصل ياخذ أكبر من حجمه. والغريب اني اليوم صحيت على رسالة من شخص انتهت علاقتي فيه من سنتين حرفيًا! 😭 تخيلوا اول ما شفت الرسالة تذكرت هالاتصالات الفلكية. طبعًا مو شرط كل تواصل من الماضي يعني رجوع العلاقة، أحيانًا يكون مجرد فضول او كلام ما تقفل في وقته. بس انتبهوا يا بنات، لا تخلون الحنين او لحظة الاندفاع تنسيكم أسباب انتهاء العلاقة من الأساس. قولوا لي كيف تأثير هالتراجع عليكم؟ هل رجع أحد من الماضي او انفتحت عندكم مواضيع قديمة؟

تارو او خريطة فلكية ؟

نصيحة يا بنات، وبقولها لكم من واقع تجارب ومواقف شفتها بعيني، مو مجرد كلام سمعته 🤍 أنا عندي راهو والمشتري في السابع، والزهرة بالدلو ومريخ الحمل، وبحكم شخصيتي وحياتي وسفراتي وتعاملي مع ناس كثير، أقدر أقول اني شفت من العلاقات والرجال أشياء خلتني أفهم الواقع بطريقة مختلفة. يا بنات، لا تدخلون علاقة وتعطون مشاعركم ووقتكم لأي رجل إلا لما تشوفون منه نية واضحة وجدية حقيقية. لا تنخدعون بالكلام الحلو والاهتمام المؤقت، ركزوا على أفعاله، على وضوحه، وعلى الخطوات اللي يسويها تجاهكم. والله إني جلست في جمعات وسمعت رجال يتكلمون بكل بساطة عن علاقاتهم، واحد عنده أكثر من حبيبة، والثاني يقوم من الجلسة عشان يرد على حبيبته وهو جالس مه بنات وغيرهم يتكلم عن البنات اللي يبادرون له، وكأن الموضوع شي عادي جدًا. واللي صدمني أكثر إني شفت كيف بعضهم يفصل تمامًا بين البنت اللي يقضي معها وقته والبنت اللي يفكر يتزوجها. ولما يقرر يتزوج، ممكن يختفي من حياة البنت الأولى بدون سابق إنذار، او يرسل لها رسالة وينهي كل شي. وطبعًا مو كل الرجال كذا، وفيه رجال صادقين وجادين، وفيه علاقات حب جميلة انتهت بزواج. لكن اللي أبي أوصله لكم إن مو كل رجل يعطيك اهتمام يعني يشوفك شريكة لمستقبله، ومو كل واحد يقول أحبك يعني عنده نية يتقدم لك. وأحيانًا البنت تكون تجاربها محدودة، او أغلب علاقاتها إلكترونية، فتصدق الكلام لأنها ما شافت كيف بعض الناس يتصرفون في الواقع بعيدًا عن الجوال. وأنا مو قاعدة أقول إني أعرف كل شي لكن السفر والاختلاط بالناس ومشاهدة المواقف على أرض الواقع علمتني إن فيه فرق كبير بين الكلام اللي ينقال للبنت وبين النوايا والأفعال الحقيقية. فأرجوكم يا بنات، احموا قلوبكم ووقتكم ومشاعركم. لا تخلون حياتكم واقفة على شخص مو واضح معكم، ولا تعطون أحد مكانة في حياتكم أكبر من المكانة اللي يعطيكم إياها. استثمروا في أنفسكم، في دراستكم وشغلكم وسفراتكم ونجاحاتكم. حبوا وعيشوا حياتكم، بس لا تخلون الحب يعميكم عن الواقع. الرجل الجاد مو شرط يستعجل، لكنه يكون واضح، ثابت في أفعاله، وما يتركك معلّقة على وعود ما لها نهاية. وأقولها لكم من قلب لا تضيعون سنين من أعماركم على شخص ما يعرف وش يبي منكم، او يعرف وما عنده الشجاعة يقول لكم. مو كل اهتمام حب، و اكثرهم ياخذ العلاقات عشان مصالح و تسلية و هياط وطقطقة.

ارجع و اكرر هالنقطة 🤣 تخيلوا سنويتي ٢٠٢٧ فيها حدث معين و دقيق ( ماراح اذكره ) و ماهو حدث عام او حدث وارد حصوله، الزبده ان حصل و رغم ان دلالته موجوده بشكل واضح في سنويتي ٢٠٢٧. دايم احداث السنوية عندي تبدأ من اوغست ! رغم ان سنويتي في يناير.

لي فترة منقطعة عن الحساب بسبب ظروف مريت فيها، والحين حبيت أرجع وأسولف معكم شوي عن موضوع مختلف عن الخريطة الفلكية، وهو مصفوفة القدر. من فترة وأنا اطلع عليها، وبصراحة لاحظت ان فيه أشياء كثيرة منها تنطبق على شخصيتي وشخصيات ناس أعرفهم، وطبعًا هذا من تجربتي وملاحظتي الشخصية. المهم، شفت بعدين ان فيه شي اسمه الأركانا السنوية، وهنا بدأت أربط أشياء كثيرة ببعض. تخيلوا يا بنات، من سنويتي ٢٠٢٥ إلى سنويتي الحالية وأنا أمرّ بـ أركانا الموت، اللي يرتبط رمزيًا بالنهايات والتحولات الكبيرة. وما أقدر أوصف لكم كمية التغيّرات اللي مريت فيها خلال هالفترة، حرفيًا سنه و ١٠ شهور كانت مليانة تحولات صعبة جدًا. وبعطيكم مثال واحد بس… خلال سنة وعشرة شهور فقدت سبعة أشخاص من أهلي، منهم أبوي وخالتي وخالي وعمي، الله يرحمهم جميعًا ويغفر لهم. وطبعًا مو قصدي أبدًا ان أركانا الموت يعني وفاة أحد، لا، هو يتفسر رمزيًا بالتحول ونهاية مراحل وبداية مراحل ثانية. وأنا فقط أشارككم كيف ربطت هالرمز بتجربتي. واللي لفتني أكثر ان الأركانا اللي بتبدأ عندي في السنوية الجاية لاحظت بينها وبين خريطتي السنوية ترابط قوي لانها تتكلم عن نفس موضوع سنويتي، ان شاءالله اذا ربي احيانا و صارت راح اعلمكم وش الموضوع. فقلت أشارككم هالملاحظة، ويمكن أتكلم عنها أكثر الفترة الجاية 🤍

مساء الخير يا بنات 🤍 كيف حالكم؟ عساكم بخير؟

من التوافقية💕.

الخريطة القمرية ( الشهرية) 💕.

ماشاء الله من جانب الشريك💕

بنات خلوني اعلق لكم على نقطة منتشرة، وغالبًا تعطي البنات عشم وتفاؤل على الفاضي ! خصوصًا المستفلكات وحقين التيك توك، يا كثر ما يكررون فكرة ان فيرتكس الثامن دلالة على ثراء الزوج، وهذي الفكرة مو صحيحة. وللمعلومية، فيرتكس من الاساس غالبًا يقع في الجهة اليمنى من الخريطة الفلكية، وعادة يكون ضمن البيوت من الخامس إلى الثامن ( مو قاعدة مطلقة ) بس ان غالبًا يكون في هذي البيوت، فوجوده في الثامن مو شي نادر او استثنائي. فهل معقول كل شخص عنده فيرتكس في الثامن بيتزوج شخص ثري؟ لو كذا كان شفنا نسبة ضخمة من الناس متزوجين أثرياء 😕😕😕. الخريطة الفلكية ما تنقرأ بدلالة وحدة وتقولين خلاص لازم تتفعل، لازم يكون فيه اكثر من دلالة تدعم نفس المعنى.

فيه كلام عن فيرتكس مجهزته من فترررره بس التقاعس مشكله😂 انتظروا ادوره، لان الكلام مررررره منرفزني و كل مره اقول بتكلم عنه و اسحب و من كم اسبوع فعلًا جهزت كلامي ولا حطيته هنا

مساء الخير كيفكم ؟

الشهر فيه نفور من الروتين و رغبة تغيير او انك تبدئين شي جديد، شايفه جانب العائلة بارز ممكن تغييرات داخل البيت، مشكله او موضوع قديم يرجع، ممكن تغير في خطط مستقبلية و اهداف يعني شهر يحمل إعادة ترتيب لحياتك و اهدافك و كذلك داخل البيت. والله اعلم

فيه حدث عاطفي اشوفه مبادره او اندفاع او مثلًا يسوي شي يحرك مشاعرك خصوصًا بداية الشهريه حقتك بس هل بيستمر المشاعر او الوضع بيكون مستقر تمامًا؟ لا، و بعطيك مثال عشان توصلك الفكرة يعني يصير حدث حلو او فيه تلميح بينك و بينه و لكن بعدها تحسين الوضع مو واضح لك او حركه تحرك مشاعرك بعدها تشوفين بُعد او تغير في اسلوبه، او فيه تعقيد يعني مو شهر حب وردي، انت نفسك بتلاحظين ان حتى نظرتك للعلاقه او العلاقات بشكل عام راح تتغير وفيه إعادة نظر في معاييرك العاطفيه و حدودك، الشهر يحمل جانب شعور بالعزله و الانفصال و كذلك شعور بالحيره، مهنيًا ممكن شعور بعدم تقدير من جهة العمل. والله اعلم.

الشهر عاطفي ممكن فيه تواصل مفاجئ و غير متوقع، انتبهي للجانب المادي خلال الشهر ما بيكون افضل شي، ممكن تجي فرصه عاطفيه و فيه احتمالين ممكن تواصل قديم و كذلك ممكن علاقه جديده و لكن الفتره بشكل عام مو افضل شي للعاطفه، الشهر عندك بارز فيه جانب حنين و عودة تفكير في ماضي عاطفي. والله اعلم

شايفه شهر مليان تنقلات و مشاوير، برضو موضوع الاطفال بارز سواء في تربية و تعامل و تركيز عليهم او تفكير في موضوع حمل، الشهر مو راكد، من جانب ثاني شايفه علاقات بتتغير عندك و وعي وحدث يغير نظرتك اتجاه صداقات تحديدًا، ممكن تحرر من شي داخلي. والله اعلم

من هنا طلعوا الخريطة القمرية طبعًا يختلف التاريخ من بنت لثانية حسب عودة القمر على قمر الميلادية horoscopes.astro-seek.com/lu… حطوها لي مع الخريطة الميلادية، و مع الوضع الحالي لك ( موظفة، سنقل .. إلخ ) فقط ريبوست و إضافة و حبذا ان اللي جاوبتهم كثير مسبقًا يتركون مجال للي ماقد جاوبتهم 💗 و فضلًا الخاص للحجوزات فقط ! لاحد يجيني يسأل عن شي في الخاص 🙏🏻

لو موجودين بسوي لكم فعالية خريطة شهرية

عارفين بنات حتى انا شخصيًا، أدمنت الخريطة الشهرية! والله الانطباق فيها فضيع، السنوية بالنسبه لي طاقة السنة، الاحداث المهمة فيها و طاقة السنه ككل، بس الشهريه حرفيًا تفاصيل الشهر، و صراحة مو مستوعبة كيف انطباقها دقيق مرررره🤯

خريطة شهريه🤍