محمد..

فخامة الـصوت مـافيها كلام والله عطاك الجمال اليوسفي جمال وجهك كما بدر التمام مـن حَـبك اكيد فيك ابيكتفي محمد..

الخاطر احيان مايرضى بشيٍّ قليل واحيان لو بس كلمه تنهي المسأله محمد..

توقعتك اتدافع عن اللي تحبه ومن بعد ماشفتك تغيّر كلامي محمد..

ياقلــب لايـحــزنـك شيٍ مضالك اللي مضى ياقـلـب مـهـوب عايد خـلـك مـع الله كاملٍ في وصالك ينجيك في وقت الرخـا والشدايد محمد..

اثر الزعل مامـنـه فــود ومكاسب ينهـي علاقـات السـنـيـن القديمه والعبـد عند الله بفعـلـه محاسب ونهج السلف نور العقول السليمه محمد..

يابنت يا ام العيون السود لاتغضبين ترى الغضب جمرته ماتنطفي نارها محمد..

قضيت ليلي بين هوجاس وحلوم والله يعـيــن اللي حلـومـه كثيره امشي على ماقـيـل واطيح واقوم واطلب عظيم الجاه في كل خيره محمد..

سنينٍ قـديـمـه روّحـت كنها يوم والَمها يـبـا يـبـقى لـيـوم القيامه سبوعين مـاوالله تـهنـيـت بالنوم على الارض كني جالسٍ في عدامه محمد..

مادام طـيـفـك مـايـفــارق خيالي بـيـطـول وقتي يالغضي مانسيتك ليتك تشوف اليوم وش هو جرالي والله لتـرســل لي مفــاتيح بيتك محمد..

مال السوالف بعض الاحيان داعي الا ليا صـارت مـن الـروح للروح محمد..

ترى الغلا في صميم القلب منزاله مـاهـو بـهــرجٍ يقـولـه بارد الغمه كـم واحـدٍ لجـل خـلـه جـر مواله اهموم قلـبـه تـجـي بالليل ملتمه راع الهواء جـعلها ماتقـصـر حباله ويطول عمـره ويارد صافي الجمه محمد..

تعبت اتـحــرّى جـيـتـك بالدقايق واثـر مـايهـمـك وقفـتي وانتظاري بجوفي من اللي صار مثل الحرايق وفي وجهي امن الهم طالع مواري محمد..

من بعـد تـم ابـشري باللي تمنينه ياجـعلني فــدوةٍ لـك يابعـد روحي قولي لي اللي يجوز الخاطرك وينه والله لجيبه ماتقصر دونه اشبوحي محمد..

الحال حال العشيق المستحي وده بــشيٍ يـقــولــه ماقدر واليوم انا عن هجوسي منتحي اقــول يـاللـه عـــنّي بالصبر محمد..

من كثر تفكـيري ابماقد جرا الشارع احيان اديور واعكسه بيطول وقــتي وحــالي مابرا من سـبة اللي غـلاته مرمسه محمد..

ماكنت افكر بمن يخطي عليّ راع الـخــطا كلـبـونـا نكرهه افـكــر بـطـيّــبٍ مامعه شيّ ايقول انا خـاطري من يجبره محمد..

اكـيد فـن الـتعامل موهبه مايتقنه غير ابو قلبٍ خضر اللي يحبك رضاك ابيطلبه في كـل يومٍ يلد ابك النظر محمد..

ماهو حـرام الـتغلي والصدود وشـلـون عـاد الخواطر تنجبر الحب عند العرب ماله حدود يـبـقى بـقـلـبك ليا من تنقبر محمد..

طلة جبينك ينوب اعن الصباح في داجي الليل شمسٍ مشرقه اقـولها فــيك يـاسـيــد الملاح انــتي لـكـل الــعــذارا محرقه محمد..

الشك مـايدخـل القلب النظيف مهما حصل مستحيل ايجيه شك العاقل امن العرب ماهو خفيف حــتى ولـو ضـكـته دنـيـاه ضك محمد..