محمد الشيباني

مرت سنة كاملة والشعر مدة بخيل يالله بعصماً تهز الساحه .. أبياتها ماعاد عندي خليل الا بحور الخليل تسلي النفس وتخفف معاناتها ماودي اعيش كل العمر عابر سبيل انا معي روح .. يا مكثر طموحاتها كم لي وانا في رجا ليلة هواها عليل اعيش باقي حياتي من .. بركاتها مع ملهمة كل عصر وفاتنة كل جيل بنتٍ تغيض الوضيحي .. بـ التفاتاتها عريبة الساس قلبي من جفاها قتيل اثر الولا .. ماهو بـ ضمن أولوياتها مافاتها الزين ، فيها الزين ماله مثيل ما فاتها غير شيٍ مابعد .. فاتها حتى لو ان الكلام احيان من سلسبيل اللي مزود حلاها .. كثرة سكاتها من حرفنتها الحروف الابجدية تسيل ماتعرف ( الابجديات ) .. ابجدياتها عادي لو اخلي الدنيا .. تحط وتشيل واملا فراغات عمري .. من فراغاتها تحايلتني على الفرقا ، ولا فيّ حيل احبها كل .. مازادت حيالاتها لو سوت المستحيل أعيفها مستحيل القلب راضي بها .. في كل حالاتها من يوم ماشفت رغبتها الغياب الطويل صرت احترم كل حاجه غير .. رغباتها عن كل دعجا نواظر عسجدية جديل اصارع النفس لين .. ارد مشهاتها مع اني اشوف زينٍ .. منتثر كل ليل لـ الحين ماشفت لي ذاتٍ مثل ذاتها من بعدها كيف ابلقى للمشاعر بديل ماعاد تغريني الفاتن .. بـ نظراتها مانيب خايف من جروح الزمان الثقيل خايف لو احبها .. وتسوي سواتها