بوأحمد 🇰🇼 R-W-H

📌 حكمة اليوم ارفع مقامك يا عالي المقام فالترفع عن كل ساقط ولاقط… هيبة والابتعاد عن الكلمات الهابطة… مقام احفظ مكانتك وهيبتك… فالرفعة لا تليق الا بأهلها #مقامك_يكفيك

ما شاء الله… صار الجو بارد… واستبردنا وحنا نمشي 🥶🚶🏻‍♂️

ألووو 📞 … هلا فلان… شلونك تمام… شنو عندك ما عندي شي… تعال لي الديرة الفلانية مشغول شوي تعال ضروري فيك شي 😳 لا… ما فيني شي… بس تعال ضروري أوك… أحجز تذكرة ✈️ وأجيك الحين لا… تعال بالسيارة 🚙 ولا تقول حق أحد بقول لولدي 😳… وبما إن ما فيك شي… مثل ما تقول… أحاول أضبط أموري هاليومين وأجيك مو تحاول… اقدم وتعال شغل خلايا جمجمتي 🙄 الهواجيس تودي وتجيب فيني 🤔

أمس كانوا يصيحون: سووا مشاريع وخذوا رسوم… واليوم مو عاجبهم حتى رسم رمزي مقابل الخدمة هذي بنظري خطة لشيطنة مشاريع الدولة… يا عمي خلني ساكت… لاني غايص في الاعماق

من الأرشيف 🇰🇼 يوم الخميس… الموافق ٥-٢-٦٧ حسب ما ورد في الوثيقة… تبرع أهل الكويت لفلسطين من خلال… لجنة إعانة فلسطين بالكويت… وهالفزعة مو غريبة على أهل الكويت وأعتز إني أشوف بين المتبرعين اسم عمي عبدالعزيز الرويجح… ابن الشهيد صالح الرويجح… أحد شهداء معركة الجهراء… الله يرحمهم

بصير خبير أرصاد جوية وأشوف لكم حالة الطقس… البعض صار خبير… مو رادة علي أنا… 😅

اكووو غيرهم

ماشاءالله يا جمال السماء تحفه فنية… من ابداع الخالق

قريت بأحد المواقع الأجنبية عن تجربة يقولون إنها حقيقية ومجربة… وكاتبين تفاصيلها ويتحدون أي واحد يكملها للنهاية والغريب إن السالفة عادية حيل وما يبيلها أي مجهود… وأنا بطبعي ما أصدق شي من غير إثبات… وفوق هذا أحب الأكشن… فقلت خل أجرب بنفسي بديت التجربة… بس ما قدرت أكملها… او يمكن طريقة تجربتي خاطئة ومزودها حبتين بصراحة خفت… وهذي أول مرة أحس بخوف جذي 😳 ما راح أقول شنو التجربة… لأني ما أبي أحد يجربها… ومع هذا أظن حتى لو قلت تفاصيلها… ما راح يجربها إلا القليل وأدري بيطلع لي من يقول… عيل ليش ذكرتها… ذكرتها علشان أفضفض بما شعرت فيه

التلون من صميم عملهم الحزبي… كل ما تغيرت مصلحة الحزب… تغير موقفهم

أرادوها… فحققنا رغبتهم احتراما… وإن لم تكن رغبتنا فبعض الرغبات نحققها بصمت… ونحتفظ لأنفسنا بما لم نقوله

الإستاذ عيسى رمضان خبير الأرصاد الجوية… خبير بالطقس… أخلاقه عالية… ويعرف ينتقي مفرداته ويحط كل كلمة بمكانها 👌🏼

قالوا أمطارنا اليوم Unique… الظاهر كلمة Unique قبست علينا… لا شفنا الـ Unique ولا شفنا المطر 🤣🌧️ وأحذركم… لا أحد ينتقد كلمة Unique… ترى أنا أول واحد استخدمها مع المطر… ومسجلها باسمي في… اختراعات الاستخدامات 🤣🤣

من الأرشيف 13 / 11 / 2020 يوم كانت السبهللة بأبهى صورها… مسلمين يغلقون الطريق على أبو جهل علشان يؤدون فريضة الصلاة… وبما إن قلوبهم عامرة بالإيمان… ما على أبو جهل وجماعته إلا أنهم ينطرون لين يطلعون المصلين من المسجد 🤣🤣 ابتلينا بقوم ما يعرفون بالدين غير كلمة مسلم… مسجلة بشهادة الميلاد

مالي خلق السياسة… صدع راسي منها… ودوني البر… أبي قعدة هادية تصفي ذهني شوي☕️… يازين لينه ويازين أهلها 😍

لا تسأل: بس افهم

ما شاء الله… اليوم المطر Special 😄 ودام المطر Special… علي ان اتمشى تحته قد تعود تلك الليالي الجميلة 🌧️🚶🏻‍♂️

حي الله الخبير… بس لا تتغشمرون معاه… ترى الخبير زعول 🤣🤣

آآآه… يا فأس راسي… وين البنادول… هاتوووه لي 🤕

كم أتمنى أن تسود ثقافة النظافة بينا كلنا… وتصير النظافة طبع فينا… وما نرمي المخلفات إلا في المكان المخصص لها 👌🏼

شنو هالزحمة بالشوارع اليوم السبت… عطلة وغبار… والناس كلها طالعة ومسوية زحمة انزين انا شنو قاعد أسوي بينهم… يعني أنا مو طالع ولا مسوي زحمة… قول كما يقولون 🤣🤣