العد

اللهمَّ صلِّ على محمَّد وعلى آل محمَّد، كما صليتَ على إبراهيم وعلى آل إبراهيم، إنَّك حميدٌ مجيد. اللهمَّ بارِك على محمَّد وعلى آل محمَّد، كما باركتَ على إبراهيم وعلى آل إبراهيم، إنَّك حميدٌ مجيد

مدامك بديت تشوفني مثل باقي الناس انا لي كياني واحترامي وتقديري تقهويت حبك يـوم عاده يجيـب الراس وبعد مابرد خليت باقيـه لغيري - عبدالله بن مسلم

البارحه واليوم عينين في راس ماغاب من ذكراك مثقال ذره كني من أودعه الزمن خلف حراس مبطي ماسمع الكلمه الي تسره يومً يمره يلتقط فيه الأنفاس ويومً يمره مادرى انه يمره متوقعً بعد البطى ذرة احساس يوم انتظر من غيبة الشمس ذره تقسى وانا في عينك اشوف لا باس واحياًنا تكون القساوة مبرّه أنا أعرف رمشك وهو ميت نعاس درب الجروح الداميه مايغره انت ابتسم وتصير خدينك أقواس والابتسامه بين قوسين درّه مثل انعكاس النور في عقد الالماس عقدً سلب زينة نجوم المجره كنك تصب الليل من كاس في كاس وليا تهادا بان للبدر غره متحركً خلقه مايحتاج نسناس لو تلتفت خذا على العنق فره وعودك طغى من كثر ماهو بمياس يستقبل انسام الهوى ويتدره هو مرتوي والي حواليه يبأس وإلا الرياح العاتيه مستمره الناس ماتدري وش الي ورى الناس ياليتها ماتنقد ولا تشرّه لاشفت مخلوقً ملى صدره اليأس انكان مانت بنافعه لا تضره فهد الربيعان

معتري روحي طواري وضيقة وانزعاج ليت نفحات الحرم كل فجر تهبها لاغدى فالنفس وحشة وفالصدر إلتعاج ما يهدي روعها إلا تودد ربها صار لي فترة وأنا أبني من العزلة سياج أريح لبير المشاعر غيابة جبها أجتماعي رغم كره العزا وكره الزواج واجبات أحب أهلها وهي .. ماحبها لو وجودي عند بعض البشر مثل العلاج بعض الأمراض الأطباء ما تعرف طبها ودي أحافظ على اللي بقى لي من مزاج تطحن الأيام روسٍ ما يطحن حبها ما وقفت لسود الأيام وقفات احتجاج أدري إن الثوره تشب فاللي شبها والعقول الفارغة ما يجي منها نتاج تنتظر فكرة جديدة عشان تسبها التغاضي والتعايش وقل الأحتياج الله اللي في قلوب العباد .. يصبها سامح من الرزق لا صار فأطراف العجاج حاجة ما جات من طيب خاطر .. كبها - جابر بن علوش

حيّرتني معك لا تنزل ولا ترقى أصدّق اللي أسمعه ولا اللي أشوفه كلامك يطمّن الخايف من الفرقى وأفعالك ترجّعه خايف على خوفه. - خالد مبارك

حنا اختلفنا فالمشاعر والكلام الوضع باين والعقول تصوّره تجيني تسلم وارد لك السلام مع كلمتين وضحكتين مزوّره مافيه داعي للتشره والملام كلن ضميره فالحياه ينوّره. ان جيت عينت الغلا والاحترام وان رحت قلبي ماقدرت تعوّره مانيب من متسولين الاهتمام ان ماحصل ماجيت منك ادوّره” عبدالله بن مشهور

بقى لك معي ذكرىً ليا غمّض المرتاح تمشط بقايا كبدي ب روس اظافرها

يا مدلسين التواريخ اسمعوني واعو اللي على الجمر ما تركد منافيخها ياليت من ذيخها فيه الجميع سمعو تفكنا من غثاها لا نبح ذيخها حنا بلشنا بمسعى خايبين السعو ناسٍ ورانا مكشرةٍ كواريخها ان كان ما جنبونا وابعدو واقنعو ما عندي الا المعالج كون توبيخها مادامهم عن تواريخ الفخر جوّعو الاد مرزوق ما تجهل تواريخها انشد عن اللي مع الحكام ما طبعو يوم ان بعض العرب يهون ترضيخها ربعي هل البيرق اللي فالجزيرة ثعو من عاد نار الجزيرة حاميٍ صيخها قومٍ تعلوا على قب الجياد الشعو روسٍ تحسب القنازع في مناويخها ياميةٍ لا دعى الشر الشرير ودعو تصبح القوم وتطوع مطانيخها على حياض المنايا وردو وشرعو عاداتنا من على الجدان ترسيخها حنا الرواسي ليا من العرب زعزعو ترسي بنا الارض لا اهتزت شماريخها نهار كل الجموع من العرب جمعو قمنا عليها ولطمنا مجاويخها ما ننطح الجمع والمطلوب راس الرعو نقدم على اخصامنا مطلوبنا شيخها تشهد لنا اللي نواعيهم عليهم نعو والليلة اللي سروا فيها مصاليخها الاد مرزوق للمجد التليد صنعو قومٍ تواريخها تتعب نواسيخها رقو سما المفخرة والطايلة وسطعو الين وازوا عطاردها ومريخها تاريخ بعض الاوادم مثل بيض الصعو ماهوب ينشاف لو يزداد تفريخها -سعد السبوق

سلّم على اللي يدل القوم فالظلما ما ياجد الخوف مزبن في معاليقه يشرب كبار المصايب مثل شرب الما يوم ان بعض الرجال يغص في ريقه اهل الحكي فاللوازم تنقلب بلما وهرج السعه يعسر الرديان تطبيقه لو انها افصح من ازهير ابن ابي سلمى تصير مثل العجم في ساعة الضيقه جديع المطيري

تزاحمت حول الظنون المعاذير وفضّلت عن كثر الكلام إنعزالي ما عاد أصدق سالفة سرّك ببير قطعت عن بير السوالف حبالي أسجّ من تفكير وأرجع لتفكيـر و أبـرك رحالي و أشدد رحالي إن زانـت الأخلاق تنبت نـواويـر وإن شانت الأخلاق زعلت غالي

ياغايبه غاب القمر ليل الاثنين وانا على اطلال الغلا والمرابي كم دعوة راحت على ذمة امين وكم هقوة خابت على باب هابي الوجه ماه اغلا من الي تقولين والجاه يفرض هيبتي وانتسابي قلطت مقلاط الرجال الحشيمين وقرعّت عن حياض التقارب اركابي جيته بسلم وروس قوم وعزيزين وجدد سبايب وجعتي واغترابي عيا عليك ورحت وانا لا ذالحين ينشي على روض امنياتي سحابي اقفيت كن في مطلع الحلق سكين وكن الضلوع تجّر فيها الجنابي بين الالم والصده وبعدك وبين ذكرى بداياتك وزهرة شبابي جيتي وطيرتي فروخ الشياهين من الحمى الي في مداين رحابي لك في حرم سور الضلوع اربع سنين بعد العشر الاولى على سور بابي تدري وكل الناس ماهم بـ دارين عن ماضي حاضر وبين وغابي انتي عفيفه عرض وانا حمر عين من نزوة الهفوات بيض ثيابي ): محسن بن مترك

من صارت احلامي على الواقع سراب صديت لا راجي , ولاني ملتجي صكيت بابك ؟ مستحيل اطق باب ! يخلي النفس العزيزه , ترتجي تبي الصراحه يوم جربت الغياب ؟ نهج المحبه ما يناسب منهجي ! الله يصبرني على طول العذاب اللي يجيني , لا تحريتك تجي !!

ياكل العوض فاليوم والجاي واللي فات ياصدفه حقيقية وهي مثل الاسطوره طراة العلاقة لا تمادت ، على الشرهات وجاك الولد منعور .. والبنت غندوره وصالك . . يرجّع نبض قلبي وهو موّات بس الزين يلعب في غروري يامغروره ماآعرْف آتحكم في شعوري مع الحلوات أنا نفسي " آمّارة " على البنت الاموره فهد بن قطنان

رفيقي اللي كنت طيّب فال وش غيّرك؟ وأيامنا هي هيّ مشاكل العالم عراض طوال لا ترخص الدنيا على أدنى شيء أهم حاجة.. شيمة الرجّال والوجه الأبيض والضمير الحيّ مشاري محمد

مذهبك بين التناسي ونزعات الرجوع وهبةٍ من نفسي المُذنبة للصالحة رح وضحّك كل رمضى على سنين الركوع كل قاعٍ وابل خْطاك فيها فارحة لو قدرت أسرَّي الليل في فجر الشموع ما قدرت أصدّ باكر وأردّ البارحة ما تدلّهك الليالي وتجفاك الضلوع لين ينسى عازم البعد شيءٍ جارحه