“ لو تلمحين الغيم بالديم بكّر
يمطر عليك وكل قطرة سعيدة
لجلك يُشب الشمع ويذوب سكّر
جنة بهيئة بنت هذي جديدة
ولك ينفتح باب القصيد المسكّر
ولك تنجني كل البيوت العنيدة
ولجلك سهر شاعر ليالي يفكّر
وشلون يكتب بالقصيدة قصيدة “
22
588
تمرجح فالضلوع سيوف هجرك والغلا جبّار
غرابيبه بحورٍ من قبل لا اجيه غارقها
تعال وقدّم الطارف وأنا يا معذّبي عذّار
تعال أعذارك الخضرا غصونٍ مال وأرقها
قضيت الثلث من عمري أحبّك والعمر مشوار
دروبك ما تملّ وضحكتك من نَيِف غارقها
14
397
لك العهد وعهود المحبين تبقى دين
ما يعرض غرام لك بـ قلبي على الشورى
امجد غرامك في ضميري عن الباقين
مثل ما تمجد شيعة حسين عاشورى
كثر ما ازعل عليك ارضى بلا تخميـن
انا اللي ما سمعت اسف من لسانك
ولا ادري روحي اللي عايشه للحيـن
على شاني انا . . ولا على شانك
مزيد الوسمي
للشتا قدره على نبش الشعور الخافي
ذروة إحساس الفصول إن كان فيها ذروه
الله الله .. بالقصيد وبالكلام الدافي
اللي أدفى من لهيب النار ومْن الفروه
27
739
حاول توازن بين عقلك والإحساس
وعيش الحياة اللي تبيها لذاتك
إن كنت بتوّقف حياتك على الناس
" بتموت ما سويت شي بحياتك "
11
423
تطرح السالي مراويح السحاب الغاير
ياوجودي كل ماهبّ الهوى من صوبك
لو فرضنا الحب صدفه والغرام مَخاير
ماتخيّرت الدروب اللي ماهي بدروبك
لا تبرر لي سبب ظلم الوداع الجاير
سمّها الفرقا واسمّيها حسب مطلوبك!
قولها وارتاح: دام البعد صاير صاير
مابي أحبّك .. وانا ماعادني محبوبك
18
441
تمردّي بالتغنّج و ألعبي بالطروق
اللي بها الغطرسه و العنفوان خْلطا
أنتي من اللي عليه قلوب الأمه تتوق
ما أنتي من اللي ليا روّح مراح القطا
دلّوعة الشايب اللي سمعته فوق فوق
تسرف يمينه لجل عين الطراقي عطا
لـ ربوعه ألطف من النسمه و للخصم عوق
إليا عطا ما بخل .. و إليا تعزوى سطا
39
1,159






