Abu Eyad

صار الواحد يستحي من حاله وهو قاعد في بيته دفيان، وأولاده نايمين تحت اللحاف، وفي #غزة أب مش عارف كيف يدفّي أولاده، وأمّ بتحاول تحمي صغارها من المطر بإيديها! شوفوا هالطفل ومثله عشرات الآلاف من الأطفال.. والله بيوجع القلب. تخيّلوا لو ابنك، لو بنتك، لو قطعة من روحك، كانت مكانه الليلة.. شو كنت بتعمل؟! والله ما في أصعب على قلب الأب من إنه يشوف ابنه بردان ومش قادر يدفّيه، ولا على قلب الأم من إنها تضم طفلها لصدرها وتكتشف إنه حتى حضنها مش قادر يحميه من البرد! يا أحباب رسول الله ﷺ، القائل: "مثل المؤمنين في توادّهم وتراحمهم وتعاطفهم مثل الجسد"؟! طيب وين وجع الجسد لما عشرات الآلاف من أطفال غزة يباتوا في خيام يغمرها المطر؟ وين رحمتنا؟ وين نخوتنا؟! يا رب، إنّا نشهدك أننا لا نرضى لهم هذا الوجع، ولا نملك إلا أن نذكّر ونناشد وندعو ونبذل ما نستطيع. اللهم دفّئ بردهم، وآمن خوفهم، وارحم ضعفهم، وسخّر لهم من عبادك من يؤويهم ويكسوهم ويغيثهم. يا جماعة، والله هؤلاء أولادنا.. لا تتركوهم للبرد. 💔