عبدالله الدوسي

خوفي عليك اكبر من الحب والخوف وانا من الاثنين ماني بعايف اذا على حبك حقيقي ومعروف واذا على حرصي فلي قلب خايف ليتك تشوف عيوني شلون بتشوف وانا احبك غير كل الولايف فطري مبادر ما دخل بينه السوف ولا يخالجه الندم والحسايف وانا الذي دايم على قلبك يروف اقبل يداهمني الخطر والكلايف ْ ١ - ٣

ياحبيب الروح ما عاد في صدري كلام انتهت كل الاحاسيس ... عندك والشجن كل احبك قلتها ....... لك محبه واهتمام تنشرى بالروح ..... اذا ودك تعرف الثمن انت الاول في حياتي والاخر ... والتمام اللي ما عمره تناقص ....... بربع ولا ثمن ١ - ٣

اللي نحبه نشوف العدْل من ظلمه واللي نعاديه مُرَّ بكل الاحوالي يمكن نشوف الغَضِب ونقول ياحلمه ولا نشوف العسل في مطعمه حالي العاطفة تغزي الانسان في علمه وْكنز التغافل يعادل كل الاموالي وانا لو اعاتب احبابي على الكلمه ماعاد يبقى حبيب لي ولا غالي

يارب فرجها على كل مظلوم .. يدعيك ويحس الضما في شرابه : لاتحرم المحتاج من ساعة اليوم .. منا الدعا يالله ومنك الاجابه

عامٍ جديد ..... ولا على الدنيا ضمين ياما وقفت ، وكم عثر ساقي وطحت كذا ........ على مر الليالي و السنين الحال يشرح لك ... لو اني ما شرحت هذي هي الدنيا ....... ويالله يا معين لو ما الله اصلحني برشده ما صلحت عامٍ جديد ..... ودوب عدت ليلتين لكن وصلني درس .... علمني ورحت [ ١ -٣ ]