Adv Porus King 🫅 👑

کیا امریکہ ایران پر ایٹمی حملہ کرے گا؟ ایران امریکہ جنگ کے دوران ہماری اوسط درجے کی صحافت کی قلعی کھل گئی، کوئ ایک صحافی، کوئ ایک تجزیہ کار، کوئ ایک دفاعی ماہر اس جنگ کا ایک بھی قابل غور تجزیہ پچھلے دس ماہ میں نا پیش کر سکا۔ آج ایک صحافی نے ٹکر کارلسن کی ٹوئیٹ کو تجزیے کے طور پرشئیر کیا۔ آپ حیران نا ہوں، جو ٹکر کارلسن نے کہا ہے وہ میں چھ ماہ پہلے ایک ایک لفظ اور بار بار کہہ چکا ہوں، میری پچھلی دس ماہ کی ٹویٹس پڑھ لیں اور انہی ٹویٹس کا مجموعہ اب کتابی شکل میں میری کتاب “اُمید مشرق” اور “Beacon of East” میں موجود ہے۔ میں نے چھ ماہ پہلے کہا تھا کہ ایران کے ساتھ امن معاہدہ نیتن یاہو اور اسرائیل کی موت ہے، اور وہ مرنا نہیں چاہتے، میں نے چھ ماہ پہلے اسرائیل الیکشن اور امریکی مڈ ٹرم الیکشن کا نتیجہ اور اُسکے اثرات بتا دئیے تھے، میں نے بتایا تھا کہ اس امن معاہدے کے بعد ایران چوتھی سُپر پاور بن جاۓ گا۔ اسلئے نیتن یاہو ہر قیمت پر ٹرمپ کو ایران پر ایٹمی حملے پر آمادہ کرنے کی کوشش کرے گا، لیکن اس کے بعد روس کو یوکرین پر ایٹمی حملہ کرنے، بھارت پاکستان کو ایکدوسرے پر حملہ کرنے، شمالی کوریا کو امریکہ یا جاپان یا جنوبی کوریا پر ایٹمی حملہ کرنے سے کوئ روک نہیں سکتا۔ اسلئے ٹرمپ کبھی ایٹمی حملے کیلئے تیار نہیں ہوگا۔ لیکن ٹرمپ کو ایک ایسا امن معاہدہ چاہئے جو اُسے فیس سیونگ دے۔ ایران ابھی تک ٹرمپ کو ایسی فیس سیونگ دینے کو تیار نہیں، لیکن شاید ایران کچھ لچک دکھا دے۔ ایران پر ایٹمی حملہ صرف ایران تک محدود نہیں ہوگا، ایران بھی ایٹمی حملے کا سرپرائز دے گا، اسکا نشانہ اسرائیل ہوگا، خلیجی ممالک میں تمام امریکی مفادات تباہ و برباد ہو جائیں گے، خلیج میں بادشاہت ختم ہو جاۓ گی۔ ایران تو دوبارہ کھڑا ہو جاۓ گا لیکن خلیج ہمیشہ کیلئے ہاتھ سے نکل جاۓ گا۔ اسرائیل کبھی دوبارہ پرانی طاقت حاصل نہیں کر سکے گا۔ اسلئے میری ادنی راۓ میں ٹرمپ کبھی ایٹمی حملے کا فیصلہ نہیں کرے گا، لیکن ڈراۓ گا، تاکہ ایران سمجھوتہ کر لے، مصیبت یہ ہے کہ ایران ڈرتا نہیں، کیونکہ کربلا والے کبھی نہیں ڈرتے۔ یاد رکھیں کہ ٹرمپ ایک کاروباری آدمی ہے اور کاروباری لوگ ایٹمی حملے نہیں کرتے۔ میں بھی کاروباری آدمی ہوں اسلئے ٹرمپ کے ذہن کو ایک صحافی سے بہتر پڑھ سکتا ہوں۔ امریکہ عرب ممالک کے ذریعے ایران کو جنگی نقصان پر اربوں ڈالر دینے کو تیار ہے۔ اس پر اقتصادی پابندیاں ہٹانے پر بھی تیار ہے، اسکے اکاؤنٹ بھی واپس کرنے کو تیار ہے، لیکن دو شرائط پر: ۱- یورینیم افزودگی روکنے یا یورنیم کسی دوسرے ملک کو دینے کی شرط۔ ۲- آبناۓ ہُرمز کھولنے کی شرط۔ میرے خیال میں ایران ایٹمی پروگرام عالمی منظر نامے کیلئے بند کرے گا لیکن آبناۓ ہُرمز پر کنٹرول برقرار رکھے گا اور اس پر اتفاق ہو جاۓ گا۔ ایٹمی جنگ نہیں ہوگی۔ لیکن تب تک ہمارے اوسط درجے کے صحافی تیسری عالمی جنگ اور ایٹمی حملوں کا چورن بیچیں گے۔ اگر ہمارے صحافی ٹکر کارلسن کی بجاۓ مجھے روزانہ پڑھ لیں، تو انکی صحافت بہتر ہو جاۓ گی، ٹکر کارلسن جو آ ج کہتا ہے، میں وہ ہمیشہ کل کہہ چکا ہوتا ہوں۔ لیکن اب کیا کریں ہمارا احساس کمتری، کہ امریکی کہے تو ہمارے لیے خبر ہے، میں کہوں تو چپکے سے پڑھ کر چُپ کرکے الفاظ آگے پیچھے کرکے کچھ لکھ دیتے ہیں۔ 🙂 ہاں یاد رہے میری ٹویٹس نیتن یاہو، جیراڈ کوشنر ،پیٹر ہیگسیتھ اور روبیو کے گینگ کے ارادوں کو کئی دفعہ ایکسپوز کر چکی ہیں۔ ٹکر کارلسن آج کہہ رہا ہے اور میں دس ماہ سے کہہ رہا ہوں۔ میری یہ بھی پشین گوئ ہے کہ نیتن یاہو حکومت نہیں بنا سکے گا۔ انٹرنیشنل اسٹیبلسمنٹ کو اب ٹرمپ اور نیتن یاہو کی بھلی چڑھانی پڑے گی، دونوں حضرات نے ملکر امریکہ اور اسرائیل کو ہیرو سے زیرو کر دیا ہے اور ساتھ میں انکے اتحادی بھی رُل گئے ہیں، جلد ملکر گانا گائیں گے، “رُل تے گئے آں پر چس بڑی آئ اے” Everyone can see horizon, few can see beyond….. Beyond The Horizon with Ahmad Jawad