عبدالهادي ابوديه

🇸🇦🇸🇦🇸🇦 اضربنا الضلعان ونفت الحيود شعبك يمانيهم يماني قوم عاد

مساء الخير الجديد عساه يحوز على رضاكم في ضميري زحمة العاصمه صبح الاحد وحرص عودً واعدوه وحضر قبل اوعده وانتباهة من رما صيدته رمي الركد وسرعة البارود لاثار من بطن اكنده دون هقوات الرجاجيل عايش في كبد الهقاوي نار وضلوع صدري موقده راحتي يوم اتعب وعزلتي يوم انفرد مايحدر حلم عمري وعزمي يسنده الطموح يدنّ صوته مثل صوت الرعد وانا مافي عظم ساقي لاوقفت ارعده من يهمه يقضي اول حياته في رغد والله ان يبكي من الجور بكره وبعده السعاده سكه اول خطاويها نكد ايختمها مستفز الصعايب بسعده قمت وانا خنجرً في كبود اهل الحسد شلةً لاتطلق حجاجي ولاتعقده القريحه بنت صقرً من صقور الهدد في سما الابداع تفرد جناح المفرده شاعرً طرقي مخلّا وختمي معتمد وبيت شعري قبل نقادة الشعر انقده فالقصيد اسرف نوادر ولااحب اقتصد بعضها عفويه وبعضها مستقصده اتغنا وابني البيت والحبكه عمد حبكةً تنهض بصعب الرضا من مقعده مبتهج وسلوم ربعي فخرها لا الابد ثابته فاقلوبنا جاريه فالاورده دارنا للضيف منصى وللعايل لحد كبد نرويه بكرمنا وكبدً نلهده لو يجون ضيوفنا شعب مجلسنا بلد ومن حفاوتنا لو يغيب واحد نفقده نعتبر من وصلنا فرد عن وفدً وفد لين يشعر كل ضيف انه الضيف اوحده عودنا في مجلسه سايق البن ماقعد ينطح الماجوب ولا بعد طاح اجهده وغمرنا يكرم كرم من ثراه ابلا عدد لو مايملك غير خمس اميه من السعوده

استكنّ الليل واختالت القمرا دجاه حزةً فيها خذا الليل من حزة عصير مستلذّ بخلوتي من ظغوطات الحياه في نفودً سقفه انجوم وترابه حرير جلسةً تستنطق الهم وتبيّح خفاه هي حبل بالي ودلوه لو الاعماق بير في طرفها شاعم النار من عود الغضاه جمرته وقّاده وريح دخّانه عبير شعّ برّاقً حدود السنه فاقد سناه وصارت الوسميه المغدقه جمً غزير لا اقبل سهيل ولمع فالسما الدنيا ضياه عوّدتنا نجد تزمر على سودة عسير لا ازهرت ريضانها جوها نفحة هواه ريحة بشوت الائمه ضحى العيد الكبير ربّعت دار الملوك المشاكيل الدهاه في حماهم مابقى فالوطن قاعً خطير تسرح اذواد البدو لا وسوم ولا رعاه نخله وسيفين وسم المطيه والبعير الخلا الممتد مليانه شعيبه نفاه خيمةً بين الفياض اعتبرها قصر امير اعشق السجه وانا اللي يشد الانتباه واكره الضوضا وانا اللي محبيني كثير منعزل واللي ورا الناس عيني ماتراه يستدير الكون وانا خلافي ماستدير دون وجهي ترخص احلام عمري من غلاه الطموح اللي بلا جهد نظّارة ظرير ويش ربحي فالحياه ان خسر وجهي حياه مومن ان السمعه ابقى من العمر القصير الفقر مامن فقر والغنا مامن غناه اجهل اشعور الغني واجهل اشعور الفقير عبدالهادي ابوديه

قصيدتي امام امير عسير الامير تركي بن طلال وشرفني شرف عظيم بكلامه