قروب اشعار

حياكم الله بـ مقالة اشعار تويتر : - ابيات شعر منوعه بتحديث دائم .

مرّيت في بالي مثل ريحة الهيل في دلةٍ تشفي عماس الـ طوارئ .

« يارب وردنا مواريد الاخيار » وجمّل خواتمنا بصالح عملنا .

لولا التغاضي ما بقى معنا رفيق  ولولا تغاضي الناس ماجزنا لأحد .

ان كان ما هي تفعل الجود يمناك والله ما تفرقها العرب من يسارك .

بـ يحلها اللي فوق سبع السماوات لامن عجز عن حلها اللي تحْتها .

ياشين يوم السبت من بدّ الأيام  جعله فدا يوم الخميس السنافي .

ترا الردي راسه مثل راس كبريت « ما يقدح .. الا مرةٍ في حياته » .

خل المقادير تمشي مشيّها العادي « في عمرنا يفعل الله مانوى? فينا » .

الدلال اتفوح والمجلس وسيع مانخصص يوم اثنين او احد فاتحٍ بابي وارحب بالجميع مانصك الباب لو مافيه احد .

الله خلقنا وحط ظروفنا صعبه يدري بنا بالشدايد علمنا طيب .

ما دام خلان الرخاء فارقتنا ماهمنا المقفي ولو فيه مافيه ولا نلتفت لو الليالي حدتـنا على ردي الأصل لا حل طاريه سود السنين المقفية علمتنا منهو بحزات اللوازم نخاويه .

تجمعوا اكالت الميِت والحي تقول بـ ان ابليس نفسه جمعهم في مجلسٍ فيه اللحم ينوكل ني زامت علي نفسي ولا ذقت معهم .

لو ترد السيل في بطن السحابه ماترجع قيمتك في قلب عايف .

بتبع هوى خاطري من وين ما وجّه والارض بسوق رجلي في مناكبها .

عسى الرفيق اللي نحبه ونغليه تبطي صواديف الدهر ماتصيبه .

الرفيق اللي على الشده حزامي أرتكي له كل ما زادت حمولي .

الله عزيز ولا يذل العزيزين اللي عن دروب الشرف ماتناحو حنا اقويا حتى لو إنّا مساكين ماريحونا منهم ولا استراحو يدورون الضعف والطاري الشين مهبلٍ لا صاح مجنون صاحو راحو هل الشيمه وراحو هل الدين وحتى السرابيت الرياجيل راحو .

تومي بنا الايام وتحوفنا حوف وحنّا عيال " متيّهين العشاير "

حي الله اللي ليا جيته وانا ضايق يشيل الاحزان عن صدري ويمحيها .