zo_zo💜🦄 (Zou)

#٢٠٣٠_بلا_نقاب27 اهلاً أنا سعوديه سهليه وامي من الأشراف جدي وجدتي سواء من اهل امي او ابوي كلهم أقارب كلنا مولودين في نجد (الرياض) ومتربين وعايشين فيها نص أقاربي منقبات ونصهم لا أنا طالعه من عائله جدداً متدينه لحد التشدد كل أفراد العائله منهم أنا خاتمين القرآن حفظ من الطفوله مطلعه على ديني وباحثه فيه ومن القرآن اقتنعت بعدم وجوب النقاب قصتي مع النقاب كانت بالإجبار قبل البلوغ من الإبتدائي حتى انه كان نتيجه مفاوضاتي مع اهلي… لأن نيتهم كانت عبايه راس وتغطيه عيون ويد والرفض التام كان ممنوع ومابيحقق لي شي لذالك انتهينا على نقاب وعبايه كتف بس على الرغم بعدم قناعتي فيه ورغبتي بأني افصخه.. إلا اني ماقد حطيتها ك خطوه بسويها إلى ان استمر الضغط من طرف اهلي بالتهميش الصحي والمعنوي الي وصلتني لحاله اكتئاب خلتني احول منازل في الثانوي إلى نوبات هلع… ولأنهم مو حاطين لصحتي الجسديه اعتبار.. قلت"ليه ارضيهم بالنقاب وهم مهمشيني" بما انه لبسه هو لإرضائهم فقط فا وقتها حطيت اول خطوه لنفسي وهو قراري بتركه فصخته وطلعت مرتين بحجاب صحيح بدون ظهور شعري وبدون نقطه ميكب كانت امي لحالها تعرف إلى ان طفشت وعلمت ابوي… وقتها طاح فيني ضرب ، انحبست لمده اربع ايام واكيد حرمان من الأكل والجوال.. عندي كافه الأدله+كدمه وانا اول وحده بالعائله تنضرب منه… امي كانت شارطه عليه مايضربنا لأنها كان يسولف لها عن ضربه لطلابه والخ (صحوي بحت) لذالك بعمره مامد يده وكانت امي الي تضربنا عنه جوالي كان مقفل لأربع ايام وهالشي شاهدينه جميع معارفي على اختفائي وقتها حطيت قرار طالما مارضو بالصح اجل بتبع هواي الي انحرمت منه من الطفوله. ومن قبل الهاشتاق وانا معتقله منزل لا أنا الي قادره اروح لمواعيدي والمستشفى ولا أنا قادره اطلع اتنفس حتى باب الحوش يتقفل من خوفهم… مستحيل اوقف بالهاشتاق لأنه أملي الوحيد في العيش.