🇶🇦

يارب لا تجعلني أخلق أملاً في قلبي لم يُكتب لي '

تستاهلين الحب تستاهلينه من قلبٍ متغرب وراجع وملهوف انتي سما عمري وضحكة سنيني منتي سحابه تعبر اوقات وتطوف❤️

لو يعرفون انك عل الارض تمشين ماسمو الارض العريضة بسيطة قالوا القمر والشمس تشبهك بالزين كانهم تمادو وألسنتهم .. سليطة انتي وحيدة ما يجي مثلك اثنين مافيه احد يشبهك وسط الخريطة من رأسك لخلخالك لمحجر العين لرموشك الي في عيونك محيطة انتي فرس من جاك ذاق الأمرين ومعافرك مثل الخيول النشيطة ❤️

لو للسحايب يا طويل الهدب سوق شريت لك .. برق رهيف و سحابه

انا فدا وجهك الطاهر وقلبك السمح يا اغلى من الروح وابدا من ملذاتها ترا انشراحة ضميرك و ابتسامة فمك احلى المحطات في عمري ولحظاتها ياجعل عمرك مديد وجعني ماعدمك يا اول فروض المحبه و اعتباراتها ❤️

جمعتني فيك الدنيا وربطتنا الأقدار شفتك لي دنيا وشفت بك عمري ويوم ضاقت الدنيا والقلب محتار جيتني وأشرقت شمسك على صدري ويوم أخترتك عن بني العم والدار دريت أن حبك وسط الصدر يسري لاتخليني فيك مابي عوض ولا أختار أنت العوض وأنت حافظ قلبي وسري

ليه ما اروي عودك الغضّ بأبيات القصيد الصدر والعجز والوزن له والقاف له كل شيءٍ تعشقينه هو أكبر مستفيد يتباهى باسمك الشعر يوم انضاف له ليل يحظى في حضورك يهل هلال عيد وليل من دونك "سنا نجم" ما ينشاف له!

احبك جعل حب يجي من بعدك يعاف وانا حالف حبك مع الوقت ما اخونه ليا شفت وجهك والله ان ماعلي اخلاف فلا تنشد اللي شاف غايته وش لونه عيونك مثل مجد قصر دونه اللي خاف وانا اللي يحب المجد ويموت من دونه

اقبلي ياشيخة الزين ب اللوك الجديد واعرضي قدم النساوين بالموت الحمر ثوبك الاسود على حسنك الدر الفريد والقوام اللي تمايل مثل غصن الشجر مخمليه فالوصايف تحط الغيد حيد ماينافسها على زینها بدو و حضر ❤️

أنتي علامه فارقه في العلامات زين و حضور و سكبه و جاذبيه لبسك لفستانك لحاله دعايات يمكن نشوفه ماركه عالميه اقري على نفسك من العالم آيات و أذكارك اللي كل صبح و عشيه عادي يقول اللي يشوفك سلامات هذي ملاك شلون جت آدميه ؟ حتى أربعينك ظني إنهم خرافات جمالك اللي فيك مافيه زيّه ❤️

يليق فيها : تدللي وتم وحاضر وأبشري وسمِي ❤️

يفداك قلب على ماتشتهي حاضر يفداك باللي بقى لي من معاليقه ..

كنتي ارق واحلى واجمل الحاضرين فيك زين ودلال وكبرياء .. وخجل ! يوم شفتك وقفتي والعرب جالسين قلت فديت كبد ام العيون النجـل طالعيني .. وشوفي العالم بنص عين انتي أجمل بنات الارض وانا .. رجل جابك الحظ واحلوت معاك السنين جعل م انتي على قلبي بضيفٍ عجل

أنا فدا وجهك الطاهر وقلبك السمّح يـا اغلى من الروح وابدا من ملذاتها ترا انشراحة ضميرك و ابتسامة فمك احلى المحطات في عمري ولحظاتها ياجعل عمرك مديد وجعلني ماعدمك يا أول فروض المحبه.. و اعتباراتها

سيّدة من يعيش الكبر والعنفوان تستاهلين .. الغلا والتضحيه والولا راهنت فيك الجميع ولا خسرت الرهان بغوا يقل الغلا ؟ عيا يقل الغلا مع كل بسمة شفاه وكل كلمة لسان اضيع معها .. و اردد مرحبا ياهلا لو افقد العقل .. وافقد ميزة الاتزان ماهيب تثر على حبك : ياريم الفلا خذيتي عقول .. خلق الله عياناً بيان من يوم لدت عيونك في عيون الملا عادي يقل الحلا فـ الناس هذا الزمان لانك خذيتي عن العالم جميع الحلا في قلبي .. شلون بلقى للأوادم مكان وانتي مليتي فراغه .. بالغلا من إلى.

امر تدلل وش بخاطرك لبيه والله لتلقى مطلبك في يديني واللي عسير وما تهيّا أهيّيه لعيونك اللي تملك العمر فيني ما دام خاطرك الغلا مني يرجيه أرخصّ لك الدنيا بشوفة عيني تامر على قلب معك فاق مغليه وتامر على نفسٍ لك تهيّا تجيني امر يجيك المستحيل بمواطيه ويصير لك طوعٍ بليا طعيني ❤️

منتي من الانس أنتي من سلالات حور أسترسلتك السماء وأمطرتك خيالها تمايلي صوب عاشق في هواك أمعذور باقي بصدره مشاعر ما بعد قالها لك الولاء بالمحبه ياملاذ السرور أيام عمري معك تعويذة أحوالها أنتي محطة عمر منتي محطة عبور تأقف عليك الحياه وتبني أمالها ❤️

أمطريني حب و احساس و غرام و أبعديني عن عيون العابرين صدقيني الحب في غيرك حرام انتي روح العشق و الحب الثمين لك فرشت الدرب من ريش النعام يا سحر بابل و روح العاشقين فيك كل احلام حبي و المرام و الجمال اللي يسر الناظرين نور وجهك زاح ديجور الظلام أشرقت شمس الغلا با الوجنتين واستحل الحب قلب المستهام انفتح في داخلي السد الحصين ساع صوب ناظرك حد السهام و ابتديتي با اللواحظ تعزفين انكشف وجه الرضا طاح اللثام و انصهر سكر و تين الشفتين كيف ما اعشقك يا بدر التمام كيف ما أغنيك بين المغرمين انتي اجمل وانتي اطهر والسلام وانا جيتك ممتلي شوق وحنين و اعترفلك ما يوصفك الكلام كل وصف الزين من زينك يزين

منتي بحاجة للقصايد والأبيات وانتي ملامحك البهيّة قصيدة عليك من رب الملأ حرز وآيات يا فتنة الجيل القديم وجديده متفرَدة بـ الحسن بين الجميلات وعذبة سجايا بالوصوف الفريدة

سقت الغلا لك والنوايّا مغاتير ولا همّني حقد القلوب المغله مدري صباح الخيّر ولا مساء الخير مير الوكااااد بوجهك " الخير كله "

يا عذاب القنص يا الظبي المروع يا جميل ما على حسنك تغاضي معطي غيرك .. تقاليد المطوع و أنت تمرح فالحشا و القلب راضي ساقك الله صوب معلوق مزوع فيه من حزن الدهر حاضر و ماضي قبل تنزل فيه مهجور مشوّع و أنقلب من وطيتك غبة فياضي